亦都唔洗話我想咁做，人一早係加拿大
，只係單純好奇到底係唔係真係有灰色地帶首先以我所知成個流程係
1. 唔還錢既話銀行會委託追數公司幫手追數
2. 追數公司聯絡你本人 / 屋企
3. 追數唔成功會話比返銀行聽，等銀行做決定
4. 結果通常係bad debt唔再盡力追 / 申請被動破產 (少數) / 申請禁止離港令(極少數) / 告詐騙 (極少數)
最多人講既結果通常係
1. 追數公司搞鳩你屋企人
銀行委託既追數公司係用最斯文既手段追，假設你父母唔係擔保人係冇責任，基本上屋企人係唔會有事，更甚話搵唔到你個仆街仔/搬左屋/冇依個人都唔會再點搞，追數都要人力成本，佢地唔會花錢係一個明知還唔到錢既人身上
2. TU花哂
每個國家既TU係唔互通，我自己係加拿大都從來未有人問過我拎香港TU睇，就算真係睇，通常都係你搵第一份工 / 租第一間屋既時候會睇
3. 刑事責任
如果你借左錢有還下之後唔還，好難證明你係有意唔還而告到你詐騙，d錢係哂外國亦好難知道你係有錢蓄意唔還(有錢唔還都係犯法)，而民事黎計銀行亦唔會為左你個一百幾十萬告你
4. 影響移民
移民局唔會理你香港TU，亦唔會知道你係香港既財政情況。佢地關心既係你有冇犯罪紀錄，而好似上面所講，借錢唔還好難入到刑事
5. 影響按揭
其他國家唔知，但人係加拿大，係唔會睇你香港既情況
6. 返唔到香港
同上，冇犯法又點解唔可以返香港，冇人會認得你，而就算有人認得你，都冇任何野可以做到，唯一要擔心就係銀行申請左禁止離港令
而去到最壞既情況，返香港破產唔係就已經解決哂D問題啦咩
咁所有野都唔洗再驚，破產本身亦唔會影響移民，4年後又一條好漢，係要忍4年慘d既生活(破產都可以去外國，而想4年就結束一樣要乖乖地將多餘既錢比返破產主任管)
更甚將借返黎既錢一早比屋企人管，已經證明唔到你有錢唔還，破完產亦唔洗要你還返d錢
又或者真係驚既話係拎到護照前唔返香港亦已經冇問題
再次利申，唔係鼓勵人咁做，反而想有巴絲打可以講下實際有咩嚴重後果，等d人唔好咁做
借完幾萬返鄉下
上面都有人話其實就算唔移民可能都有好多人借完錢唔還繼續stay 係香港
