東京及近郊7日半fail半自駕遊記

Day 5: 河口湖之旅

昨晚用枝定焦鏡，試過影星星，都勉強影到





朝早4:00起身就用咗支新嘅長鏡影，日本嘅日出四點幾，比香港仲早。今日天氣算好，順利影到啲嘢，支鏡嘅質素都滿意既，之後去歐遊影雪山都用呢枝鏡。





8點就會落去食早餐，早餐呢就係一個傳統嘅日式早餐，正正常常，唔需要食得咁油膩嘅





另外，都有個小型早餐自助區有個特色，有個師傅即場燒魚，好食





之後就行出去個露天浴場，係真係對海架，住客就可以免費用，每日開到下午6點。不過朝早有d熱，浸左一陣都頂唔順返去check out。臨走前，係旅館既手信舖買下野。






旅館外嘅街道



真·露天浴場入口





真對住個海

10點幾揸車去伊豆全景公園，咁好天上到去望哂成個伊豆半島同富士山啦。今次輪到老婆揸車，可以影下相。






點知11點半去到山下入口，見到又封左，要7月先開返。見到有唔少人都同我一樣中伏，下次要check得小心d。


又中伏

咁唯有揸去沼津港，事前無乜刻意搵邊間餐廳，去沼津港就半粒鐘左右。泊左車就求奇搵間餐廳，只要唔係太貴就ok。咁呢間餐廳既刺身又唔錯，價錢係唔過4000yen




沼津港市場外




餐廳門口



今餐食海鮮丼飯

酒店裝修個氣氛好正有得望住個海

又去歐州又去日本，有錢有假真好

唔識日文跟唔跟到你個行程

無得上大室山真係幾可惜
我覺得上面幾靚

最緊要只係3萬幾yen ，就享受到咁多野，性價比幾高。就算唔識揸車，佢都有shuttle bus

返到黎就忙到pk,唔敢駛太多錢草下錢吧
　

絕對跟到，d景點/列車/酒店/餐廳都有英文，甚至有埋繁/簡體中文顯示，再唔係用google translate

最慘係連中二次伏，伊豆半島兩個重要景點唔開。大家講得無錯，日本6月係淡季黎架。

年尾埋完數，1月想去個4/5日旅行，見到巴打你個芭堤雅之旅好似唔錯，芭堤雅係咪適合啲度假嘅地方？

4000yen略貴但好似有金目錭，都算唔錯

淡季都好丫
酒店又平d
不過六月都開始有d熱

你book番間多設施或者有私人沙灘果隻酒店hea兩日都無問題啦
芭堤雅call車又方便過曼谷好多
我睇完andaz都有d後悔點解唔住
雖然貴些少

好。應該都係芭堤雅/花蓮/芽莊呢d有渡假酒店休息

Day 5- Part 2

食左午餐，就揸車去河口湖，都要用個半鐘，因為曾經被導航導左落去御殿場附近，揸車中途已經見到附近富士山啦




若隱若現


突然又清返。

首先去新倉山浅間神社，時間已經係3點幾，當然要整返個御朱印先。其實唔駛行幾百級樓梯，係神社對出都影到富士山架啦。


係停車場行一段樓梯就到神社


回頭走一段路就有呢個景啦


神木！

要影到著名打卡位置的話


要行幾百級樓梯先


先影到個忠靈塔


望返轉頭都影到個富士山


當地既猴子

就上多段樓梯，就到影明信片既景ja，就係有個忠靈塔做近景既畫面啦






用左半粒鐘揸返去河口湖站嘅Lawson，咁當然就係打個靚卡啦，有富士山背景嘅Lawson，順便買啲嘢補給。



著名位置



走多50m，有個路口，可以趁綠燈時，叫伴侶過馬路，就順便拍到富士山背景啦。

之後呢就去嗰間好出名嘅舖頭-FUJISAN SHOKUPAN，買富士山造型麵包同埋布甸，布旬夠滑，麵包就係一個正常麵包。






跟住就揸返去今晚既住宿旅館-秀峰閣湖月，以正對住富士山，無遮無擋為名。今次係官網訂既既1泊2食計劃，$85000yen。5點幾黎到酒店，撞到下午茶時段，有唔同飲品提供。


酒店門口


早餐地方


任飲

酒店出面就係有足浴浸下，亦有得直接出去湖邊影相，朝早影逆富士既理想地方。不過6點上房食晚餐，唯有明日先去啦。點知又成為憾事

Day 5- Part 3

今次book既房型，當然係正對富士山既房，睇返資料係前1，2年先翻新完。雖然唔係和室，不過床同用餐區隔得遠。出去就有個露天風呂，連埋露台，對住富士山同河口湖正呀






係呢個私人風呂值呀




天氣唔算太清


亦都有獨立既衣帽間，放到2個大行李。當然馬桶同企缸乾濕分離就基本野啦。



酒店沐浴用既牌子

晚餐準時6點開餐，有位女將送食物上黎，首先係擺返個陣先，日本人擺盤係有一手既。




是日晚餐menu

講解完，影埋相就揭蓋，將食物呈現出嚟。今餐嘅晚餐就係日式晚餐，份量絕對食得飽人，質素正正常常咁。不過覺得d海鮮相對前一晚係吉祥亨食既差少少，例如：舌拿魚有d筋。係溫泉旅館食就相對係餐廳無咁好既。



對住個河口湖景食飯


















中途又影下富士山

食完飯，都落一落位於地下既大浴場體驗下，同樣都有3個池，可惜比塊板擋住，無過望住個湖景浸。




係河口湖區，是晚個溫度得10幾度，浸住溫泉係舒服。 呢度都有桑拿，不過就無冷水池俾你可以浸完桑拿即刻跳落去啦。呢度仲有個腳底按摩機，咁你可以有充足嘅體驗。

返上房，梗係要浸多次個露天風呂啦，夜晚呢就睇唔到個富士山㗎啦，不過都見到遠處河口湖大橋一帶嘅燈光啦。嘗試喺呢度夜晚影下啲星星，不過似乎呢度夜晚光害都嚴重少少，係影唔到嘅。


夜景

夜晚睇電視見到天氣預告，聽日預告落，聽日可能睇唔到日出啦，影唔到逆富士。


當地既波子汽水

富士山cider有啲香港鋪頭都有，但多數平極25蚊lol

我覺得同普通波子汽水一樣

Day 6: 御殿場購物之旅

鬧鐘校咗4:00起身，果然一打開宇宙冇囉，但係天陰多雲，大都見唔到，企喺度等咗半粒鐘，結果都瞓返覺。


日出既富士山影唔到啦

8:30起身落去食早餐，仲要落埋大雨，去唔到湖邊。酒店嘅早餐以西式同日式為主，最主要就有個當地嘅餺飥麵食。



當地既餺飥麵食





呢度仲有即製天婦羅食


食早餐既時候已經見唔到了



臨走前再望多次

返到房浸多陣溫泉就10:30 check out，呢個時候都係落緊大雨啦，感到揸車過去大石公園到此一遊。





大石公園，另一個出名嘅景點，我哋去到嘅時候啲薰衣草就仲未開得晒，反而佢有個花展，花都擺得幾靚。



6月尾薰衣草未開哂







隔離既花展


唔同月份既花




之後呢就兜一兜成個河口湖，途中加1次油，冇記錯都係1000円到啦。


油站

中午12點就去咗一間好出名買富士山造型嘅曲奇買曲奇，見到天上野公園冇開。如果今日計劃想去天上野公園嘅話，又中伏啦。



曲奇餅店


又無開


午餐呢我哋就唔係選擇去大家平常去既Houtou 不動食餺飥麵，反而去咗一間叫小作嘅店舖，舖頭都有免費泊車。舖頭外呢一個水車做裝飾啦，室內係鋪木地板與塌塌米嘅格局。


餐廳外


餐廳內

餺託麵其實就是較寬版的烏龍麵，湯頭則是一率都是味增口味。叫咗個豬肉同埋鴨肉嘅款式，麵條非常彈牙、湯非常濃郁、配料非常豐盛。我哋仲叫咗個馬肉刺身嚟食，不過我覺得就比較鞋，唔岩我


馬肉刺身


Menu





餺託麵

Day 6(下）

之後就揸咗一粒鐘車去我哋今日最主要嘅目的地-御殿場outlet。


雨中揸車

今日成日落雨最啱就係去outlet啦，3點去到，咁都行到夜晚8:00關門。





之後係Lawson 買左最平個支「陸」黎飲，都唔錯







我哋我哋就買咗一堆戰利品啦，主要都係因為嗰陣時日元低水，有個別舖頭都幾平，特價貨品做到買三件再半價。自己揸車就有個好處啦，買完啲嘢呢直接擺喺架車度。


擺係車方便

夜晚呢就原先諗住去御殿場既靜岡炭烤漢堡排 さわ や，點知去到呢就話要排兩粒鐘隊。


漢堡店

於是呢我哋呢就去御殿場站附近搵嘢食，當時得15度天氣加埋肚餓嘅情況之下，結果搵咗一間小店食，食個日式火鍋火鍋啦，叫吓啲炒麵食，算係喺日本比較唔係好食一餐。


車站外


餐廳外





今晚住連登仔最推介嘅連鎖酒店-dormy inn 酒店，估唔到有個天然溫泉，仲要有兩個池，一個室內一個室外，15度嘅天氣就喺室外浸溫泉係爽。佢仲有個桑拿房同凍水池。


酒店外



最重要就係浸完溫泉有得食雪糕（朝早就乳酪飲品）同埋有宵夜拉麵。雖然呢間房就細，只可以開一個大行李箱。不過呢睇返個價錢，呢間酒店性價比係非常之高。


房間



宵夜



浸完溫泉食爽


浴場外

係，當地平平地試過就算lol

Day 7: 箱根之旅，成個旅程最fail既1日。

今日冇喺酒店訂早餐，原本計劃係附近有間麵包舖買多士食，點知無開。咁唯有就直接揸過去箱根湯本站附近泊車同搵早餐食啦，箱根山區嘅彎路都幾多架，小心翼翼咁落斜，不過都完全應付到。咁去到一路去到箱根湯本站，搵唔到泊車位。

去咗附近一個酒店斜路口，打算掉頭嘅時候呢。不幸嘅事就發生咗，個一刻唔知點解踩深左油門，架車就向前撞咗電線桿，好彩當時速度唔高。

落車見到個電線桿都冇爛。嗰陣時見到車頭下底漏水出嚟，有一刻以為係漏油。不過再三檢查之後係雨刮水箱漏水。


係呢個路口轉頭出黎，等哂所有車走哂，打算轉返左就出事


記得呢支電線桿


即時落車影左相，再揸落去酒台免費停車場檢查


前bumper受損



（以下係處理交通意外既過程，做左反面教材..）

咁就跟返租車公司指引，打電話去嗰間分店同佢講番件事，不過職員就同我哋英文溝通唔到，佢就叫我哋打上去租車公司指定翻譯公司嗰度，由翻譯公司嘅職員，佢哋識普通話嘅，我哋就用普通話同佢講返件事啦，佢就用返日文同租車公司嘅職員講返。咁都傾咗15分鐘以上，佢最後叫我哋報警。

一開始打電話去警署嘅時候呢佢哋都唔係太聽得明英文，要搵個識英文嘅警察同我哋溝通，咁佢最後就叫咗個警察過嚟現場嘅，都要等成20分鐘。

警察嚟到現場之後呢咁我哋都打電話俾翻譯公司嘅人，就叫佢同個警察溝通啦，同埋租車公司嘅職員溝通。




警察辦事

之後呢佢就問我哋攞返啲護照去登記資料啦，同埋同埋記錄返架車嘅損毁。中途我哋就各自用Google Translate去溝通，跟住個警察呢就要上返警車去記錄資料啦。佢大概用左20分鐘時間寫資料。

最後佢就俾返張紙我哋，係還車嘅時候要俾返租車公司分店嘅職員。我哋之後再打電話俾翻譯公司就同租車公司嘅職員確認唔需要有任何手續之後，就繼續揸車去搵停車場泊。前後搞咗接近兩個鐘，接近1點先完。

好彩既係人財無事，買左最貴既全保，最後唔駛賠錢，永遠記住呢個教訓。

無錯

Day 6- Part 2

由於無左上午時間，連午餐都無食就即刻去買pass,搭登山火車先去強羅車站，沿途已經見到繡球花啦。





強羅車站


同瑞士火車係姊妹火車，估唔到不久將來遇見




繡球花

強羅公園，箱根雕刻森林美術館個d就無時間去到。

之後轉搭上山纜車到早雲山，出面係乜都見唔到既。


早雲山車站內


早雲山車站外

再搭高空纜車去大涌谷，係成個谷都湧緊d 硫磺，都幾壯觀，再食當地著名嘅黑蛋，不過其實同正常雞蛋無分別






成個谷都出緊煙



黑蛋

跟住再搭纜車去桃源台，係桃源台港上箱根海賊船，係蘆之湖上已經見到個海邊鳥居。不過今日天氣唔好，見唔到富士山啦。


架船都唔錯





搭左大半小時先到元箱根港，係麵包鋪買個麵包充飢。


到元箱根港


落船就有個大鳥居


買個包捱住先




就行過去箱根神社，係5點神社關門前成功收集到御朱印。係神社行下，落返去個海邊鳥居。太多人排隊既關，所以無排到隊。


海邊鳥居





神社

行返去元箱根港，就等巴士返去，等左兩班巴士先上到巴士返箱根湯本，落到去接近晚上7時。



箱根湯本站外。

老婆搵左仙石源附近壽司鋪-Hakone Sushi，係山上小鎮既隱世小店，附近係得酒店，乜野民生野都無。叫左2 set 壽司加個醬油煮金目鯛，d壽司料
係新鮮既，飯係又唔太酸。金目鯛煮得好食，最緊要呢個質素係香港食一定$1000以上，呢間小店值得黎


店外


師傅整緊野食






食完就去Lawson買雪糕同零食返番溫泉旅館食嘢，今晚嘅溫泉旅館呢就係比較簡陋嘅，11,000円左右。因為呢間房呢係冇得沖涼嘅，係一個傳統嘅和室再加廁所。要落去大浴場浸溫泉加沖涼，個大浴場就係得一個池，無其他設施架啦。之前住左兩間好既，呢間就住平d。