東京及近郊7日半fail半自駕遊記

之前去完歐遊，之前6月去既東京旅行想完成先。

今次張uo 機票係兩個人$9000左右（去：兩個人各自買20kg行李，回程：1個30kg行，1個40kg，兩程都買左u-first)。知道係比較貴，由計劃旅行到買機票係比較倉卒。


以下係行程表：
Day 1: 香港（1:50pm機），成田機場（7:30pm到），到池袋住宿。

Day 2: 池袋掃街食早餐，明治神宮，原宿行街（竹下通，表參道），新宿 （行街，晚餐食人形町今半），夜遊新宿。

Day 3: 豐州市場（壽司大），台場（食bills，行商場)，自由之丘，澀谷（行街，Shibuya Sky觀景），晚餐（ うしごろバンビー ナ 渋谷，食燒肉）

Day 4: 去東京站搭8:57am新幹線去三島，去orix分店拎車，三島skywalks，返三島食午餐（櫻之家），大室山（去唔成），伊豆仙人掌動物園（臨時加插），城崎海岸，伊豆北川溫泉（住吉祥亭）。

Day 5: 伊豆全景公園（去唔成），沼津港，新倉山浅間神社，Lawson 打卡（住：秀峰閣湖月）

Day 6: 大石公園，天上山公園下面買富士山曲奇，午餐：甲州ほうとう小作 (烏 龍麵)，御殿場outlet shopping ，晚餐：靜岡炭烤漢堡排 さわ や，（食唔成），改去御殿場車站分店附近搵野食。(住：御殿場dormy inn)

Day 6: 箱根一日遊，（晚餐：hakone_sushi)，（住：箱根仙石原虎乃湯）

Day 7: 北鐮倉明月院，八蟠宮，小町通，江之島，夜晚橫濱還車，晚餐係車站附近食野，搭車入羽田機場。

Day 8: 6:10 am機離開

TLDR

Day 1: 出發

12點去到機場，見到uo 櫃位又唔係大排長龍，可能撞唔岩熱門航班掛。就算無u first 都無所謂，因為隊都唔駛排，直接check in,過關後搵左間韓國餐廳食個午餐，估唔到下一餐係夜晚10點先食到。


味道算唔錯

今次第一次經過天際走廊過去另一邊gate，夠鐘就登機，呢程機唔係靚時間，所以唔係滿哂客。






黎到東京對出海岸

準時7:30pm落到成田機場，由於係apps填錯野，整唔到入境code出黎，最後用紙仔填。好彩完全唔多人排隊，用左15分鐘就過關啦。

去office 買skyliner單程加72小時東京地鐵pass,個人覺得幾抵，係地鐵站往往要行多d路ja 。

車程搭左大半小時就到總站，轉山手線去到池袋。





池袋北面商店街，有一段路疑似係club，入邊橫街小巷係d無料案內所


頭幾日住係池袋北邊既super hotel，因為比佢個人工炭酸溫泉吸引到。係池袋北口行6-8分鐘就到，都算方便，房就預左細d架啦，開唔到兩個大行李箱。




人工炭酸溫泉

返去池袋北邊既商店街，同老婆係街見到間連鎖店-天下一通既拉麵店就衝入去食，1400yen 有拉邊麵加炒飯，對於餓左好耐既我，梗係食得哂啦。 返去酒店，浸下溫泉就完左呢日。

計劃太倉卒，有d行程因為之前無睇開放時間，去到就fail左

自駕係順路既，係留意有無開ja

想知行李點拎

我成日中休息日

Lm fail

lm chur爆

頭幾日係東京，就擺係酒店。
後幾日自駕就擺行李係車。

應該搞錯左步驟，搞到只係出左海關個code。好彩個陣時人唔多，15分鐘過左關。

行程中有考慮不周既地方，應該要想埋日本係6月，d景點、纜車會輪住做維修。

我明呀

Day 2: 原宿地區遊



早上既北池袋地區


成個旅程無入過呢間百貨

對於第一次黎東京既我，老婆話帶我去d經典景點先。 首先係池袋站周邊掃下街，買下小食填肚。雖然香港，不過日本平d既








之後搭地鐵去明治神宮前站，去明治神宮，感覺由入口行去主殿都要20分鐘，果然好大，同埋都幾多人去。







上次去大阪/京都，無儲御朱印，黎到明治神宮就開始儲啦。仲咁岩撞到有新人係度進行結婚儀式，有神層人員同巫女在場架





行返出黎，就係原宿地區啦，路經kamo sport，睇下波衫價錢，連印字仲貴香港，所以都唔買啦

係呢度求奇搵間3.3分以上既餐廳，係afuri 食袖子拉麵對面，食廣島御好燒既。有得坐係師傅前面，睇住師博整。水準係正常，最緊要平過香港ma。


對面就係食袖子拉麵，都唔少人排隊




食完野，就行下竹下通，多人到喊。向前去埋原宿地區的大街小巷，睇下d鋪頭。係RAMIDUS TOKYO 買到斜咩袋，仲有得退稅，好平！去到puma買對mb02，折埋同退稅後，都係$850度，忍唔住買返。日元低水，買野鬆手左。 個陣時係5.56，而家梗係仲平啦。








abc mart grand stage的價錢扣埋稅，都平。之後就去到Luke’s lobsters 買個龍蝦包。




跟住行下原宿表參道，兩邊都係名店為主，純粹感受下人潮。


原宿有間toy story cafe,要成個月前book既，不過無興趣



最重要行過去老婆要買法國馬卡龍甜品，唔算係表參道位置。




去完就打算睇下有間賣二手包包鋪頭，不過貨品太少，空手而回。

Live 左
LM

Day 2:新宿晚餐

搭地鐵去新宿，首先去big camera睇下鏡頭，結果買左枝tarmon 18-300mm天涯鏡，之後行程都有用到既。跟住行過去今個行程既重點-人形町今半。


著名廣告

Book左係新宿小田急第一生命ビル店，係Hyatt 酒店下面。門面同店內幾日式。



記得係日文版tablecheck 裝站先唔駛比全數同套餐選擇多。 今次訂左特選牛三味套餐，$13200yen/位。

有前菜、和牛壽司、拖羅刺身、牛扒。






最重要係主菜-三塊油脂飽滿既牛，有店員用壽喜燒既方式煮比你食，配埋蛋汁，好好食。





之後會煮埋菜同蛋飯，又係唔錯。





最後就係上埋甜品就完成。



人形町今半試過一次就完夢，下次可以搵其他類似，價錢平d既。

返去jr 站前既百貨公司附近商店通，夜晚8點已經關門。



夜晚去哥舞妓町一番街到此一遊下，係特別熱鬧，可惜未能去大久保公園欣賞下。






新宿都有三哥

今晚要早前返酒店休息，準備等陣凌晨3點起身

太久保公園好似岩岩比人掃完場，我前排行過得班東南亞妖怪，日本妹極小

努力緊每日keep住一篇
D相準備緊

Day 3: 豐州市場食壽司大、澀谷遊

今日凌晨3點起身，4點出門口，call Uber要等13分鐘先有車黎到酒店門口接載，搭左近30分鐘車，用左7400yen 到豐洲市場。


4點既池袋。




日出了



一落車即刻跑上去1/F，4:37分到左現場見到前面有16個人排隊，壽司大既名氣果然夠大，前面係鄰國既留學生，有一個留學生講廣東話，以為係香港人黎，原來係廣東人黎，佢地4:20am黎到。咁排第一個應該要3:30am後就黎到啦。



5點鐘職員就放大家入去壽司大排隊，職員開始排籌，去到我地時就話要吧臺定普通檯，其實間餐廳就得一張普通檯，我地要吧檯，所以食第2輪，7:20am先食。


5點就入到黎排隊拎籌


Menu

於是我地就行下豐州市場啦，首先壽司大本身個座大廈係海鮮仲介批發既。





走去斜對面個座大廈係生果批發既，不過現場無生果賣，反而樓下有10人排緊6點開門既大和壽司。

最後去左水產批發市場，見到d舌拿魚已經安排緊車走，過左競價時段。



見到一條條吞拿魚就擺係度

返返去壽司大繼續等，見到其他舖頭開門，人流仲未有既，不斷有人拖grip 過黎壽司大拎籌，應該係羽田落機搭的士過黎，係6:40am 終於派哂籌，是日booking已滿。


是日booking已滿，walk-in 就要撞下運氣

去到7:20am，準時入去食，$5000yen/1位，食9貫壽司，有埋味增湯，玉子燒同1組鐵火卷，再叫埋生蠔同河豚，叫左枝清酒自己飲，晨早流流飲酒都幾chur（後來feel有d唔清醒，分享比隔離既人飲）。總共$13000yen 2位。食完成個set,佢比你係頭先食過既壽司，再揀多1款食。
















個人覺得價錢合理既，不過要晨早搭的士過黎，都係試一次好啦。相信東京市內都有質素唔差既餐廳。

食完都8:30am度，距離10:30am食另一間餐廳仲有時間。於是搭海鷗線去台場睇下高達，中途仲經過富士電視台。


富士電視台


期待去其他地方睇高達

想入去商場嘆下冷氣，點知原來無開，好彩天氣唔熱。於是搭地鐵下一個站，去左餐廳附近的自由女神飲，搵張長椅，閉目休息左大概成個鐘，曬下太陽咁。



對住呢個景休息

待續

Day 3:




休息到10點幾就去餐廳-bills，呢間餐廳係原宿/鐮倉都有分店，原本就想去埋team lab，點知book唔到，黎到豐洲地區，順便黎呢間餐廳食，最出名梗係香蕉pancakes la,係好食既，又大份。再加埋一份三文魚多士，係滿足既。 不過，建議大家去鐮倉分店食，對住個海仲好feel。






食完都接接近1點，係附近商場行下。估唔到頂樓有間戶外運動員，賣d野都唔貴，大家買返2件tee la。



呢層係主要賣舊款式野為主


呢間鋪頭d特價貨品都幾抵


跟住去自由之丘，台仔遊記話有個little Italy ，同埋老婆順便買返把傘，得自由之丘有分店。去自由之丘既東武線係metro pass唔包。




黎到呢個地區，由於近大學，多學生行過，比較市區，呢個無咁多人，又幾舒服。不過個little Italy真係好鬼細，完全中伏。



中哂伏

之後就返澀谷，首先老婆去Disney 分店，不過無買到心頭好。跟住係附近行下，睇下有乜野買，主要係買手信為主



夜晚6:30就上 SHIBUYA SKY，呢個真係要之前上網買定飛，呢個時間想walk-in 係無位既。大家要留意。

同埋準時黎到都要排左20分鐘先正式搭lift上去，上到去係擺低隨身背囊係locker既。


入面lift既效果


天氣多雲，都係咁多人上黎

大家上到去梗係想排個corner 位，大家預要排40分鐘-50分鐘到啦，由於個日多雲，夜晚佢corner位地下會有燈光反射，排左陣都係放棄。


排個corner位既隊伍






影返東京其他地方。




當然影返著名既十字路口

夜晚食附近既うしごろバン，係一間食燒肉既餐廳，叫左個set再散叫肉，d肉係油脂多同平均，價錢就唔係太記得，應該人均唔過$600既。


無記錯揀左邊既set dinner















其實大塊既肉，店員係會幫你燒埋既

個人覺得呢間餐廳無之前有位YouTuber 講到d肉質素咁差，肉既油脂分布唔錯，又唔鞋。兩個人食完都好飽

食完就行返陣街就返酒店休息執行李，今日太早起身，人又唔係學生時期，已經不行了。


渋谷街頭

之後就正式離開市區，出去東京近郊自駕遊

Day 4: 東伊豆半島遊 （上）

呢日正式出發去東京近郊，首先搭地鐵去東京車站，終於感受到平日東京地鐵既擠迫情況，係同香港有得比，兩個人兩個大行李入地鐵都有d唔好意思



去到東京車站，好彩車站指示都清晰，好快去到東海道新幹線車站。



仲有時間買便當，買完便當就搭8:57am東海道新幹線，用左50分鐘去到靜岡縣既三島市。第一次搭新幹線，都真係幾靜同舒服。去到三島市車站，係車站買左d手信咁。







便當質素唔差ge

黎到三島市，之前睇網上話有得係車站用電話call租車公司，叫職員黎接去租車公司個度。原來呢個車站係無呢個服務

之前google過間orix 租車鋪，都係行10分鐘到，兩個街口距離，點知原來要行過一個大型廠房區，再行入一個街口。好彩天氣涼爽，如果唔係就要跪玻璃啦。


租車公司門口


入到黎已經見到部車啦

去到租車鋪，原本以為上次澳洲咁，15分鐘就搞掂哂手續。點知我高估左，見店員好辛苦講英文，應該呢個分店比較少做遊客生意。職員又要逐頁同我地解釋，後來佢終於搵到份中文版，逐版咁叫我地睇。之後上到架車，逐樣介紹功能。 結果搞左1小時先出到車，比原定時間遲左近1小時出發。

首先就去三島skywalk ，要30分鐘車程先去到。係鄉郊道路限制係30/40公里，開頭真係跟足黎揸車，發覺要忍下手唔踩油門先得。


吊橋門口


對住靜岡個邊


前方應該係富士山


人頭湧湧，因為係全日本最長既吊橋

去到現場都知天氣唔靚，見唔到遠方富士山，咁都行下大橋啦，去到另一邊就見到有個小型繡球花步道，因為6月係繡球花季節。




現場都算多唔同顏色既繡球花

自己就玩zip line ，老婆就食下野，個體驗過程睇片，上裝備，來回飛一次，大概半小時度，都幾好玩既，可惜個自拍棍無手帶，如果就可以拍片。無記錯左2000yen內。


第一段zip line既入口


企上去平台，準備飛出去


玩完就望人地玩


臨走食返個軟雪糕，無乜味既

玩完就揸車返入去三島市，市區係20/30公里，安全駕駛至上掛遲來午餐就食櫻之家，據聞係三島市內好出名既餐廳。


好彩隔離有停車場，泊車費無記錯$220yen 半小時





店內環境



我地就一人一盒鏝魚飯，無用盒裝住既會平d，味道真係唔錯，鰻魚夾落去唔係一夾就散，仲要平過香港多多聲，將來去名古屋要試下當地既鰻魚飯呢，再加份玉子燒，呢個係正常水準。


當地出名既河川

Day 4:東伊豆半島（中）

食完都2點幾，跟住要揸個幾鐘頭車落東伊豆既大室山，以為每個收費口用etc直行直過，點知呢度有啲收費口都係要用現金俾，所以大家要準備現金

中途有錯過左路口，搞到要兜吓路，結果要四點先到大室山。點知去到嗰度發覺原來登山纜車維修，搞到上唔到山，不過呢成個山都好似抹茶既色，又幾特別架。


揸左個幾鐘頭車，見到呢個牌，係有d頹




每年2月中都會有燒山儀式架


動物園入口

咁唯有走去對面個動物園啦，成個動物園都幾大，我哋嗰陣時呢1個鐘時間遊覽，所以就好似跑checkpoint 睇動物。




難得見到孔雀周街開屏







入邊啲動物呢就係半開放式飼養，啲孔雀、水豚可以周圍走既。我覺得都幾好體驗，同d動物距離好近。有時間可以黎下














係動物園走返落去，睇大室山既角度仲靚

D孔雀仲係動物園走出黎外

之後揸20分鐘車去下一個站-城崎海岸。


停車場一泊車就可以走出去啦

去到嘅時候個燈塔已經過咗5點，冇得上去。咁就行吓吊橋，有少少畏高都會驚架。望出去呢就係之前ViuTV節目介紹既島-大島


燈塔


望出去就係大島



吊橋

Day 4: 東伊豆半島（下）

之後呢就揸多半粒鐘車呢就去到今晚嘅住宿-吉祥亭，座落係伊豆北川呢個位於海邊既溫泉鄉。



旅館外觀

去到有人幫你泊車去佢地既泊車位，有個南亞裔既女實習生，負責同我地介紹酒店設施（之後係河口湖，範根都見過類似既實習生）。


酒店大堂

溫泉旅館就冇電梯嘅，所以呢就要自己攞住行李箱上去房。可能喺日本樂天訂嘅住宿計劃關係，今次佢哋就俾咗一間主題房俾我哋，成個溫泉旅館得三間嘅啫。


房間外面

呢間房好大，除左和室夠大，仲有個對住海既露台。有張按摩椅對海休息。可惜浴室個浴缸比較細。


房間門口


和室


浴室


房間望出去既景，可以睇日出既仲有張按摩椅坐係度


浴袍同木枕頭



茶葉同茶果

太遲check in既關係，所以4，5點嘅下午茶時段就錯過咗。所以，晚餐都係傳統既full set 日式晚餐，質素ok ，仲叫左set本地消酒飲。


最特別係天婦羅係可以任叫無限次。


晚餐仲見到頭先既女實習生拎左舊野，幫個客人慶祝生日。


晚餐menu










食完晚餐，都就9點，仲有宵夜時段，供應d甜品（類似紅豆沙）。個陣時20度，有陣涼涼既海風吹過黎，都好舒服。


宵夜時間



係餐廳夜晚望出去既景

食完就返房沖下茶，休下息。跟住就落大浴場，佢有2個大浴場，一個對海，一個對內園，日頭/夜既會對調使用。



對內園既大浴場，趁大朝早無人既時候先影。

各自大浴場入面都有3個溫泉，仲有個冷泉同桑拿，浸完溫泉，仲可以焗桑拿再跳埋個冷泉，好完整嘅體驗，不過佢個向海大浴場，就真係見唔到過海嘅嘢，因為同車路同一水平