[多圖多字] 5日4夜 鹿兒島 霧島 熊本 紅黃葉/溫泉散策

大半年無見 又11月中啦 大家幾好嗎
經歷一個四季了
我都有好左啲阿 所以今次的遊記可能可以少一點EMO THING了

「若自覺這叫痛苦未免過份容易」
----------------------------------------------------------------------------------------------------------
今次比較難得 今次有朋友一起去旅行
不像之前都是自己一個人去
是一齊plan一齊出發的一起去
自己不在香港 加上好多朋友都準備離開香港之際
有機會可以與朋友一齊去旅行既機會真的得來不易阿

自己部分朋友都認識左好多年
不過最遠都只是去過澳門玩過
真的一齊去外地既旅行上一次都差唔多10年前了

今次既旅行同之前既都有好大既唔同
第一就係挑戰幫新婚既朋友影相

第一次挑戰海外自駕
(利申 今次去日本第一次揸右軚 平時揸左軚)
都幾緊張下架
所以今次旅行個體驗就一下子唔同左好多了

唔知會不會有人對自己去旅行與同朋友去的分別有興趣呢
今次可能都會有機會講下
或者有咩想問既都可以先留言呀
-------------------------------------------------------------------------------------
行程規劃如下

總共前後5日

day1台北>福岡(新幹線)>鹿兒島市 [宿:鹿兒島 DROMY INN]
day2 鹿兒島市(自駕)>霧島溫泉 [宿: 霧島 天テラス]
day3霧島溫泉>霧島神社>LUNCH>高千穗牧場>鹿兒島市 [宿:鹿兒島 クインテッサホテル鹿児島天文館]
day4 鹿兒島>熊本(睇銀杏!)>福岡 [宿:福岡 Premium DROMY INN]
day5 福岡> 台北

講一下重點行程
霧島溫泉

霧島溫泉是幕府時代末期知名武士坂本龍馬與妻子在 1866 年度蜜月的地點
在日本也相當知名，當地人都稱其為日本史上第一次的新婚蜜月旅行。
同今次個朋友既行程真係一模一樣

熊本-熊本縣廳
今次熊本行程係臨時加
因為霧島紅葉的情況唔係幾多 所以臨時加左半日去熊本
主要都係因為網上見到熊本有一個銀杏大道滿開
所以就決定都去睇睇
---------------------------------------------------------------------------------
影開相就自然要講天氣
成程天氣都幾好 唯獨最後一日係熊本就陰天 (好彩!)
所以都會有好多好多相
睇住DD先啦

凍冰冰 去打個邊爐先
食完返黎再講

又去旅行了

如果香港先係我屋企
可能我而加同之後既日子都一直係到旅行緊

今日會講下D酒店先

食住行嘛

今次先講住 酒店的部分
今次4間酒店 其實有兩間都係DORMY INN
無計免費拉面對於我呢D好鐘意食拉面既人黎講真係好加分
而且因為個兩日都係舟車勞頓的日子
所以都安排一間可以浸溫泉既酒店 可以放鬆下
(第一日係0645既飛機去福岡 第四日就係鹿兒島中央去熊本 再去博多)
呢兩日既行程真係勁CHUR
天氣好DRY 揹袋揹到磨損左條腰 CLS
-------------------------------------------------------------------------------------------
DAY 1 鹿兒島
天然溫泉霧櫻之湯 Dormy Inn 鹿兒島



好近附近既市區 天文通同紅燈區既文化通
由新幹線站既鹿兒島中央去到酒店既車程都只係10分鐘
市電高見馬場站過馬路即到
DORMY INN黎講就基本野啦
大浴池溫泉 免費拉面宵夜 桑拿 仲有免費任食既雪條/益力多
基本上行去天文通都只是10分鐘路程
去食野都係非常方便
-------------------------------------------------------------------------------------------

DAY 2 霧島
天テラス(あまてらす)


霧島溫泉其實真係同JR霧島溫泉站差好遠 唔好中伏!
所以最後都決定今次係揸車上山
因為有私人既露天溫泉 好正
而且佢唔係好和式既酒店
比我既感覺佢就好似停留左係明治維新既年代咁
和式既洋建築 陳設等等
同時都無好似上次係湖山亭咁有女將了
今次都有選擇一泊二食 而且食物質素幾好
之後去到個日既紀錄會詳細講

---------------------------------------------------------------------------------------

DAY3 鹿児島市
クインテッサホテル鹿児島天文館 Relax&Sleep

選擇呢間酒店既原因係 平!
2百港幣左右一晚
係正天文通路口 去食野同周圍行都好方便
加上因為本身好晏先返到市中心
而且第二日CHECK OUT既早上就已經準備去熊本
基本上都只係係到訓教 不會對酒店本身要求太高
房間一定唔大 不過勝在位置好 而且仲有好多浴鹽比你自己揀
算係比較好既一個services
---------------------------------------------------------------------------------------

DAY4 福岡

DORMY INN PREMIUM博多・運河城前
DORMY INN係福岡有兩間酒店
一間係係我上次住附近既衹園站附近
另一間就係今次住既新酒店 係大商場運河城附近
而且佢仲係正地鐵站「擳田神社前站」上面 都係一間超方便既酒店
上次去個陣都唔覺有呢個站

個陣既綠色線頭站仲係係天神南
原來天神南至博多車站既區間係今年3月先通車
所以先對呢個站完全無印象

住的部分大概就這樣 如果有任何關於酒店的問題想問
都可以再留言呀

Lm

另外講下今次帶左咩器材

今次真係唔想揹到爬山咁
所以都已經輕便左好多!
數碼只帶FUJI X100V


菲林機就帶左3部分部係
香檳色機組合
FUJI TX1

唔使多介紹 都係之前一直有POST相既全景相機
今次因為去的時間唔係太長 亦都無上次咁多時間去周圍散步'
所以就無咁多街拍了
都係以影風景為主 所以成個TRIP都只係用左正片影

另一部就係普通既135機
CONTAX G1+G45

自動對焦+90年代最SHARP標準鏡
日常拍攝為主 主力用負片

最後就都係部哈蘇500CM
只係帶左枝CF80同50FLE但其實50幾乎無用過
兩個FILMBACK 一個正片一個負片

(其實仲帶左部即影即有...
不過唔記得帶菲林
去哂鹿兒島同福岡既BIC CAMERA都無貨
所以一直都放左係喼就算
間接叫我拎小D野

最後影左14筒菲林
因為一心諗住影紅黃色既野
所以就幾乎一卷富士負片都無拎
幾乎都係KODAK同LOMO
係得正片先有影FUJI


D菲林就快SCAN好哂了
應該過多一兩日就可以慢慢陸續出正文了

拖住一直未執相搞到一直無打文
終於執左兩日既份量 正式回歸

幫推
想睇熊本熊

交通篇

講一講今次交通既部分先
今次因為都係福岡進出的關係
所以如果要買PASS去哂鹿兒島中央+熊本
就只可能買全九州既JRPASS
但亦都因為我地岩岩好卡住左係4日
買3日又唔夠 所以只好買5日PASS了
多左2日其實你話貴好多又唔係
就係貴左2500YEN
最後變成22500YEN PER HEAD


但係真係唔好去到先買
我上次上網一早畫好位 去到新宿印車飛會快D
而且因為博多站既GREEN CLASS服務站真係多人到傻又唔多位
變左排隊買完個CLASS之後仲要再排一次隊係畫指定席位
DOUBLE左既排隊時間 最後買哂飛畫哂位都已經差唔多用左9個字
---------------------------------------------------------------------------------------
中間出發生左個小插曲
我後面有個女仔都係排隊買PASS 不過佢應該係上KLOOK買左個D
原本見佢本護照係紅色我都無乜理
之後無啦啦R我水吹下
叫做排隊個陣無咁悶啦
原來佢都係自己一個人黎旅行
諗起自己之前幾次自己一個去旅行個陣都係咁
聽到廣東話就R下水吹 講兩句
之後又繼續自己既旅程
(BTW係KLOOK買結果都係同我一樣要排兩次.....咁有咩意義....

-------------------------------------------------------------------------------------------
ANYWAY
之後入閘又有事發生
唔知係咪D閘機太舊定點
正常用JRPASS係要入PASS+張指定席卷一齊入
然後兩張一齊出返黎
我自己正常無事
但有個朋友比部機食左張指定席卷
之後叫個車站STAFF黎話無左張飛 佢搵左一陣就話無 態度仲要勁西
最後就真係算數 直接上車就算 反正唔會坐左人地個位
(之後係鹿兒島中央個陣有另一個人又係咁
見到鹿兒島中央站既人係成個PANNEL打開 係唔同位到都照下有無飛卡住,所以係博多個陣可能係卡住係另一D地方)

鹿兒島中央無咁繁忙 所以D STAFF都有心好多
其中一個朋友出閘個陣發覺唔見左張PASS
正常情況下應該唔會補發的
但個女仔STAFF見我地三個人另外兩個都有
所以佢去左幫個個朋友印過張
真係太好人了
結果我地之後就每次都去人手撿票算數 廢事又食飛
----------------------------------------------------------------------------------
之後就講講租車
因為霧島溫泉真係好鬼遠 所以我地決定租車自己上去
事前都有D驚哈哈
因為我一直係揸左軚 之前係香港未有車牌
所以D睇位轉彎轉去邊個D一開頭真係好影睇錯
之前都有睇左幾條片講日本租車個D需知
包括ANDY哥個條係日產租車既教學
因為咁岩我地都係只係搵到日產仲有車
竟然TOYOTA-RENT-A-CAR一架車都無
連TIMES都無
因為我地有3個大GIP 所以決定租中型房車 SYLPHY
貪佢尾箱夠大 結果真係岩岩好
(台灣日產既房車都已經係最新既SENTRA, 結果黎到日本既日產竟然係再舊既 SYLPHY


因為都預算第二日會係霧島個邊周圍玩下先
所以預比多小小錢 定左係最晏既晚上8點先還車
加上買左FULL既NOC保險 所以都差唔多用左3萬YEN

具體費用如下

基本費用JP¥ 24,200
OPTION (車CAM) JP¥ 600
保險計劃費用JP¥ 4,000
小計JP¥ 28,800
消費稅JP¥ 2,880
總計（含稅）JP¥ 31,680

兩日以黎揸既路線如下

由重富魚港去溫泉酒店個一程山路已經天黑哂
揸呢個幾鐘既山路真係用哂我所有專注力
好彩平時都有揸開山路 只係今次既路程真係長好多

交通篇 完

我都唔記得有無影lol
希望有
因為係熊本城個陣行左一陣就落雨 所以無乜時間影

我開頭其實係入一張 之後佢叮噹我
要入兩張先出得 而且佢出個陣個MON都會寫2張出返黎
我都唔知岩定錯

而加去可能好多 我見有朋友呢1 2星期去京都已經紅哂

用Pass係任何情況下都只放一張，就係張Pass，佢叮噹你應該係放錯指定席券

day1台北>福岡(新幹線)>鹿兒島市 [宿:鹿兒島 DROMY INN]

又係朝早7點機
講真呢D時間既機落機之後真係好鬼攰
因為起碼仲有4 5個鐘先會有得CHECK IN
X100V



上機之後都起碼等左半個鐵先到我地起飛
地勤同我地SAY BYE
X100V


出發個日台北其實天氣都幾差 有雨又大風
不過飛過左一層低雲之後就好開揚了
X100V


好快咁樣日本時間10點左右就落機
不過大家都明白而加旺季就一定排隊排到傻
所以都差唔多12點先搞掂哂D野離開機場
大半年之後再黎福岡機場都有唔小改變
首先講好既地方
就係排隊過關多左D移動式既機!
佢會先打左手指模同影相先 等你正式過關個陣可以快D

之後係唔好既野啦
之前入境大堂一出就係去內陸機大堂個邊既巴士站 好方便下
但係因為而加成個國際線大堂都係到擴建
搞到原本個巴士站出面全部都封哂路
搬左出去一個都要行幾分鐘既地方
好彩中間無高低級
如果唔係拉住個GIP過去都幾辛苦下

出到去坐地鐵一切既感覺都返哂黎
只係而加既自己覺得同個陣既自己相比
好似已經又大個左D了
而且今次亦都唔再係一個人咁樣自己流浪

既然唔再係自己一個人去旅行 就必然要睇下大家想點
去到博多有兩個選項
買左JRPASS先 之後慢慢係車食
定係食完野再慢慢排隊買PASS

結果我地係決定食野先既 因為7點幾5點到機場
真係有D飢寒交迫
所以就係博多車站D商場既FOOD COURT到搵野食
亦都因為岩岩好係午餐時間 所以周圍都好多人
所以!!!
我地就去左食拉麵 貪佢D客人流動得快
排左10分鐘左右就有得食了
博多屋台拉麵 一幸舍
無食到豚骨 食左醬油拉面+5隻餃子
1200YEN左右


食完之後即刻回左好多血
上去排隊買PASS都無咁攰 排下排下又有人傾下計
都幾開心既
如果唔計入閘之後比博多站個STAFF西既話其實都幾順
係有D攰既 不過始終去旅行 會盡力用到最後一刻的

其實本身係坐2點半既車 不過因為排隊排太耐排到走左班車
之後變左坐晏左半個鐘左右 而且係停多D站既車
不過都無乜所謂 始終今日都無計畫D咩行程
因為都知道今日係會好攰
4點左右就到鹿兒島中央了
出到站見到一大班學生妹唔知做緊乜


諗起 可能太凍好似企鵝咁要保暖....


出到站就去坐電車 佢地既電車都有叮叮聲
有D親切
CONTAX G1 KODAKCP200


酒店係高田馬場站 10分鐘左右就到了
去到鹿兒島 DROMY INN
上到房第一眼既影像
唔知點解 去旅行好鐘意影低每間房既窗門
因為 每日起身都會見到一個窗
但係唯獨去旅行你先會每日都見到唔同既風景
或者唯有唔同既風景 先有生命真係流動緊既感覺

G1 ULTRA MAX400


500CM CF80 KODAK GOLD200


上到間房見到無敵櫻島火山景 太C伏了

之後開下GIP 抖下
好快就5點 D FD想休息下
我就諗住周圍行下
想去城山公園個邊睇下會唔會有日落影
於是就出發了

出左酒店房見到個好靚既光影
G1 CP200


行左一陣就發覺其實鹿兒島市區都幾細下 好快行完
G1 CP200


以為係大嶼山的士
G1 CP200


結果行極都行唔到去山上面
只係係山下面既公園周圍行下
X100V



見到隻好得意既貓!
最衰已經天太黑 而且X100V太暗ISO NOISE真係太勁
不過都比隻肥貓大家睇下


行返出市區了之後就
經過間MONT BELL 諗起搖曳露營去攬人地隻熊
我就摸下影下就算啦哈哈哈


因為同行既朋友仲未有聲氣 咁我就再周圍係天文通附近行下先
例牌野買下感冒藥呀個D 順便食下FAMILY MART炸雞
之後8點幾左右終於食飯了
但因為行下行下原來都已經收左好多
結果係鹿兒島中央個邊食左間鋪面好CLASSIC咁既拉面
都係1000YEN左右
佢整D肉整到座山咁 所以叫自己櫻島火山拉面
一般水平 不過不失咁啦



----------------------------------------------------------------------------
食完都9點幾了 返到去酒店都10點
咁就準備去浸溫泉
今日咁早起身又行左咁多地方都真係好攰了
真係要浸下溫泉比D肌肉休息下
個晚勁凍 而佢露天溫泉又勁熱
一路浸個溫泉D水一路標煙 浸左一陣真係頂唔順
浸完就出去食野
有5 6款雪條免費任食
朱古力既幾好食
利申食左兩條



食完坐左一陣就醒起 好似仲有野未食wo
即刻落返一樓 整個拉面暖下身先


完滿既DORMY INN一日 咁就完了
聽日就係本次旅程既最大考驗
自駕去霧島溫泉
DAY 1 完

可能係 我都已經唔記得個陣入左邊張
下次唔好柒IS FINE

想睇你影既相 出埋佢喇

啲相好靚

Lm

lm

lm