四國遊記

少少梗有已經儘量安排唔係連續兩日都睇同一樣野

Day 9: 長尾寺, 大窪寺, 宿高松
依一日完本要去紫雲出山同父母濱, 不過天氣關係就去左完本PLAN左最後先去既長尾寺同大窪寺。如果想去依兩個地方, 可以係JR詫間站搭巴士前往。
題外 -
如果去紫雲出山, 就要搭詫間線去到"大浜", 在大濱直接登山, 或者在大濱轉搭荘内線到"紫雲出 山登山口", 沿車路上山行50分鐘就到。
而去父母濱可以在觀音寺站/詫間站搭仁尾線, 在"父 母 ヶ 浜"落車。
去高屋神社就係搭仁尾線在"室本"落車行上去。
仁尾線既"ピ カ ソ 詫 間 店"係一間類似AEON既商場, 有野賣有野食。
高松三豐市巴士時間表可以參考下邊個網站, 車資一程一律100 yen
https://www.city.mitoyo.lg.jp/kakuka/seisaku/koutsuu/1_1/11655.html

依一日去既長尾寺, 係第87號靈場, 而可以話係大窪寺係終點或起點, 佢係第88號。
一起身其實天氣唔太差, 只係大風左好多, 個天照舊好藍

意外地上左架麵包超人既特急番高松


番到黎高松之後, 就要去搭琴電去長尾


在琴電長尾線長尾站落左車後, 行10分鐘就會到長尾站。
雖然佢係第87號靈場, 但眼見真係冇咩人
可能好多人都襯朝早趕去尾站, 再搭巴士出番黎



逗留左半個鐘左右, 慢慢行去離琴電長尾站5分鐘既"大川バス本社前"巴士站
搭巴士入去大窪寺, 巴士時間表如下, 車資一律 100yen
https://www.city.sanuki.kagawa.jp/life/conference/cbus/route1
入到大窪寺係1點半, 但要4點先有巴士走, 但入邊其實都好難留咁難
餐廳3點半就開始執野準備關門。
入到大窪寺後, 在入口處既一間名為"八十八奄"麵店食烏冬
烏冬係一個熱鍋咁上, 入邊有豬肉片, 野菜同烏冬,
雖然睇落冇咩特別, 但食落係好鮮甜, 自己都可以食晒成鍋


大窪寺係第88號靈場, 四國遍路既起點/終點, 亦係高松睇紅葉既景點之一
在入口處, 可以見到變左色既樹葉



寺廟內有一棵大銀杏

在出口處都有幾棵已經完全變紅


據說, 四國遍路者既鞋會積累其餘87間靈場既沙沙石石, 匯集於大窪寺, 稱為「お砂踏み」。
所以, 有講過到過大窪寺, 其實就等於走完四國遍路。所以, 我都算走完一次架啦
行完後, 就出番高松揾飯食。
去左一間tabelog 百名店食拉麵, 位處細路上, 行過龍都唔知
叫左個豉油拉麵, 麵彈牙, 叉燒夠嫩, 係四國烏冬為上既地方, 依碗拉麵算係咁


最後, 去左超市買生果同宵夜
盒士多啤梨過機先知成1000 yen, 番到酒店開黎食仲有條蟲郁下郁下
不過又甜又爽

UP多次大窪寺D相

感覺上對一般人黎講 因為觀音寺市冇野行 就算會去景點都少住觀音寺市
食野又大量烏冬鋪 朝早開門賣到中午賣哂又直接關門

有套野叫結城友奈是勇者 年年都仲同觀音寺市有新合作
高松機場有個位俾唔同市做宣傳
觀音寺個格右手邊就係依套野d合作 poster
觀音寺市入面d鋪頭1/5左右都有貼依套野d poster

紫雲出山原本係plan坐巴士行上去?
仲以為係直接坐西讚觀光的士
https://k-sss.com/sunset/

太貴啦 而且計過都唔趕時間，搭巴士都係100羊一程

原來有咁既野仲以為係lovelive, 長知識

Day 10: 小豆島, 宿高松
小豆島係今次旅程最後一個景點
將小豆島放最後, 多多少少都希望在小豆島見到紅葉
依個島對好多人黎講都唔陌生, 未去過都聽過佢個名
如果想知道小豆島有咩活動舉行緊, 可以留意依個網站
https://shodoshima.or.jp/
而去小豆島既船期可以睇依個網站, 有分快船同慢船, 就番行程就可以。
https://www.shikokuferry.com/timetable/takamatsu-tonoshou
遊覽小豆島, 一般都會搭巴士 / 踩單車
巴士都幾密, 路線簡單, 亦有 1日/2日 bus pass買, 基本上1 day pass一定回本
小豆島巴士時間表可以參考依個網站, mark低想去既地方, 就番巴士時間就可以啦
https://www.shodoshima-olive-bus.com/dia/

今次小豆島之行會先上左寒霞溪 - 到豉油廠參觀 - 橄欖公園 - 銀四朗食麵 - 番高松港

一大早黎到高松港, 準備搭0740既快船入去小豆島, 是日天氣都係十分好

搭左半個鐘左右, 0815就到左小豆島土莊港

碼頭有一定數量既coin locker

有當日天使之路潮退時間

一出碼頭就見到橄欖葉既金圈, 小豆島既標誌


碼頭巴士站有教人點去寒霞溪

先搭巴士去池田港落車 - 坂手線既(池田港ターミナル前 / 池田内科クリニック（池田港前）)


池田港有間賣當地特產既店, 買左支豉油同橄欖油LOTION

等夠鐘就係池田港搭寒霞溪急行線去纜車站
依條線非每日運行, 所以要睇清楚時間呀

搭左半個鐘就到左纜車站, 低海拔仲未有紅葉

纜車站內有教導纜車時間點樣接駁番巴士時間

上山頂可以渣車 / 行山 / 搭纜車上去
不過依間應該得山頂有紅葉, 就買左來回纜車卷 2700 yen
纜車風景都算開揚

上到山頂就係例位影番張相




逗留左個半鐘左右, 就搭番纜車落去, 搭巴士去番草壁港食Lunch
入左間食bagel既餐廳, bagel好鬆軟, 好好食


食完就搭巴士, 係"丸金前" 落車, 參觀丸金豉油博物館
一落車已經好大陣豉油味


入丸金豉油博物館要比400 yen, 但會送番支豉油比你
入邊都係講番做豉油既過程


載豉油既木桶都好大

之後就行去小豆島酒造


去到先知下年3月先開番

之後係"馬木"站等巴士去橄欖公園

去橄欖公園都係想睇魔女宅急便既風車




最後就趕番去土莊港既銀四朗食素麵, 支橄欖油真係好香好好食
麵汁仲當湯飲左啖


食完就搭船走啦


依晚就去左另一間百名店食烏冬



是日完。

Day 11: 岡山Shopping
尾二依一日受到長老大人命令, 要買D大型家電
其實頭2日已經係高松aeon mall 同埋 youme town睇過, 不過款式真係唔多
最後都係去番叫做大城市既岡山睇吓
依一日基本上冇任何行程, 起身就去附近麥當勞食個mcgriddles不過口感好怪, 麻麻地

食完就行高松站既巴士站買定巴士車飛, 影低埋個時間表

之後就搭火車去岡山. 中間會經過瀨戶大橋

一個鐘左右就到左岡山

岡山係第一次獨遊地方, 果陣連住廣島同大阪一齊玩, 都大大話話7年前
不過車站附近變化唔大, 之後就去左bic camera, AEON MALL 睇銀包同衫
再搭15分鐘火車去倉敷outlet格下價

行完個圈發覺此Outlet都係一樣咁垃圾, 冇咩優惠
最後係bic camera 買完野就托番去高松成箱野成6公斤
要不是老母講左大半年, 真係唔買
夜晚係高松食依個行程唯一一次壽司


食完番酒店睇福山雅治彈結他


Day 12 - 番香港
最後一日10點鐘先check out,
去左cafe 今村屋食早餐
cafe入邊清一色老人家, 個個都渣住份報紙
不過間野幾好食, 環境又靜


之後行番去高松站等機場巴士, 最後一日先落雨實在太好

高松機場禁區入邊冇野食, 得間免稅店 (有ROYCE賣)
在禁區外食碗烏冬先入去

最後就上機番香港lu~~特別多謝靚女空姐係我訓著果陣幫我拉低個幕

下年再飛, 88

此遊記, 完。

好平

恭喜完結
下次再玩過

你咁啱病緊所以覺得嗰度辛苦都正常

睇完成個遊記

多謝支持

多謝你睇晒

四國洗費貴唔貴？

平到笑酒店 食野都好平，11晚酒店 HK$2300

酒店真係好平 係諗緊交通 食嘢120k-130k夠唔夠

你餐餐食燒肉 omakase？我都係預食6000 yen 一日

唔係
屌 咁四國真係好平

同一旅程去完四國又去東京
覺得四國平靚正

好期待