四國遊記

我是垃圾

清好型

Day 4: 祖谷, 德島大小步危, 宿中村
琴日行完金刀比羅宮之後番到酒店已經8點, 而第朝因為要配合祖谷巴士緣故, 要一早起身趕JR, 依一日仲要轉酒店, 拎埋個GIP落高知中村。
原本計劃搭0723既JR去大步危站既我
起身一見到個鐘, 已經0646個太陽仲未出晒黎已經要起行


出酒店房果陣係7點, 好在酒店樓下見到部的士, 即刻衝上去
搭左5分鐘就到高松站, 諗住輕輕鬆鬆買埋個早餐先上火車都就得


睇個APP話6番月台上車就梗係去6番月台架啦
點知去到0723都仲未有火車到
所以邊個月台上車都係睇水牌為準, 我知錯啦
下一班車雖然係一個鐘後, 但已經打亂左祖谷溪巴士果段行程
原本想去祖谷溫泉酒店日歸, 後尾只好改在新祖谷溫泉酒店日歸
唔同之處前者既露天風呂係望祖谷溪, 後者係睇山, 感覺會有落差
而等緊下班火車到果陣, 黎左架寢台列車Sunrise express, 都吸引好多人影相


而我係09:42就到左大步危站, 大步危站係無人車站, 渣PASS可以隨便出入。
大步危站周邊亦有商店同餐廳。


由於大步危站都係旅遊景點之一, 所以站內亦都有一定數量的Coin locker

下一班都藤橋既巴士在10:07先有, 襯有時間係附近影下相



介紹一下巴士, 行走祖谷線既巴士都係由阿波池田巴士經營
以下係祖谷線既巴士時間表 (去久保或ホテル祖谷温泉 依兩條路線都可以去到藤橋)
https://yonkoh.co.jp/routebus
如果你係阿波池田巴士總站做支點, 巴士班次會比在大步危站做支點少一倍。
搭巴士去藤橋, 可以分別在"かずら橋夢舞台"(https://maps.app.goo.gl/WsKKPb8hQmBwesSM9)或
"かずら橋"(https://maps.app.goo.gl/whk7RQCUuhjzQZ3K6)
依兩個站落車。依兩個站分別在祖谷溪兩岸, 所以去完藤橋後, 睇下下一班巴士邊個站最快有, 去番相應車站就可以。而"かずら橋夢舞台"係一個自駕中途站, 有手信賣同餐廳食野。
如果想搭巴士去睇小便小僧, 可以在"ホテル祖谷温泉"落車再行10分鐘, 睇完可以去ホテル祖谷温泉浸溫泉同食午飯。
如果想去睇茅草屋頂民居並排的集落, 可以在"落合"落車
如果想去奧祖谷睇第二藤橋, 就要在"久保"落車再轉另一部巴士。
而我就搭10:07分巴士, 10:35係"かずら橋夢舞台"落巴士

穿過道之站再向下行300米就會到藤橋。

過橋時已經見到藤橋

行多幾級樓梯, 到左買飛位, 過橋費550Yen

唔洗10分鐘就行左過去, 行緊果陣條橋都會有少少搖, 想影相部相機手機要搵野綁一綁佢。

行完橋就去睇下琵琶瀑布, 日本瀑布冇咩期望啦

行完藤橋都11點半, 之後由於今朝MISS班火車緣故, 而依個時間巴士又配合唔到
所以就係"かずら橋夢舞台"行去"ホテルかずら橋"浸溫泉同諗住食午餐, 而行過去大部分都係平路, 行左20分鐘就到, 中途風景都唔錯。

"ホテルかずら橋"依間酒店有日歸溫泉, 1200 Yen 一位。
https://www.kazurabashi.co.jp/
祖谷溫泉酒店既特色係露天風呂要搭纜車去, 入到酒店後比左錢, 換完拖鞋就去搭


浸完溫泉就搭番纜車落番去

而我正想係酒店食埋LUNCH既時候, 職員同我講冇飯食
咁我只好又行番去道之站食飯

食完飯後, 最快去大步危既巴士要在"かずら橋"上車, 同行去"ホテルかずら橋"差唔多時間, 所以就行番去"ホテルかずら橋"等巴士去大步危峽。

"待續"

上次去四萬十川落狗屎
我仲要係英國飛去
唔係成日有得去日本架大佬

條橋有冇沉落去

講開大小步危
我同佢兩個響大步危落車
然後向小步危果邊行
行左一粒鐘左右發覺都係趕唔切班車
最後行返回頭走人搭過德島

所以巴士真係好蝦人要有晒plan先得, 仲要搵定巴士站係邊

留名

去松山城有得試著佢套盔甲影相都好過癮

未至於
灰哂天咁

我剩係去咗最近個條

其實應該要去到河水泛濫個個地步先會沉
可能上游個啲會易啲掛

有無去二重橋，無咁長，但小人好多

想行金刀比羅宮 但係落雨

下次有機會再去松山真係太遠

冇啦，唔自駕去二重橋其實好浪費時間

落山落得快d, 加油

我去嘅時候都係落大雨

而家落緊

最後有冇拎支竹

冇攰啲都行到

個到好似仲有得係個櫃入面拎起支武士刀

真係幾鬼重

大塚国際美術館


應該係我去日本咁多個xx館最貴個個

不過都係3大impress 絕對值得一去

我直情呆咗

真 原本都係以為抄咗外國啲展品就算
但估唔到咁高質 去開德島睇漩渦就一定去埋
喺上面嗰池側邊食嘢都勁chill

"續"
Day 4: 祖谷, 德島大小步危, 宿中村
上回提到浸完日歸溫泉就行番道之站食LUNCH, 再行番去溫泉酒店準備搭巴士去大步危峽。
番到"ホテルかずら橋" 巴士站, 搭13:12既巴士去大步危峽。
如果要搭JR就係"大歩危駅前" 落車,
如果要搭觀光船就係"大歩危峡"落車, 搭完船可以行大約30分鐘番去JR站或者等下班巴士。
13:38到左大步危峽, 落巴士就係搭船既位置

https://www.mannaka.co.jp/ (大步危峽遊船網站)
買完飛後就要行一段樓梯同斜路先到上船位置


隻船係靠摩打行, 所以都幾嘈, 來回一圈大概半個鐘左右



如果要同保津川比較, 保津川既體驗同風景一律完勝, 隻船個摩打聲真係扣晒分。
搭完船後, 就行番去JR大步危站, 搭JR經高知去中村。


而我同時亦都開始病病地。

Day 4完