【整合】床蝨/臭蟲/Bedbug 心得分享/各種手法簡介

第一課 認識床蝨

以下都係轉載 連登巴打 奧利佛 既文章 再加少少個人經驗


生長周期：
床蝨有6個stage，每個stage 都會換殼同吸血，由破蛋以出開始已經會吸；去到最後個stage （成蟲）就會扑野生蛋，生得快（一隻成蟲一日可以生1－3隻蛋），一個stage 只需幾日時間，4-5個星期就足以由一隻蛋去到成蟲生蛋

床蝨習性：
中意有人味既野，怕光，中意捐罅位，但少數情況都會係日頭吸血；中意濕，天氣濕佢地會生得多d；怕熱，46度以上會死；本身一張紙咁薄，食飽就蘋果核咁大，捉到用紙巾係禁唔死（我平時用百佳單個類既紙黎夾死佢地，唔洗成手血）

蝨蛋咩樣架?
好似粒米咁。但比米細好多。唔想影響大家食欲貼相，可以GOOGLE。

如何判斷屋企有冇中招?  
棉被，床褥邊，床版，呢幾個位一定有。拉鍊位都係重災區。

1. 睇下有冇佢地d 屎跡（黑色一點點有d 似發霉，自己google）, 同塵唔一樣既地方係,屎你搵水噴佢佢就會溶，塵係唔會
2. 有冇蟲殼，佢地食飽會換殼變大隻。
3. 有冇蛋，白色一粒粒，好似粒米咁，但細粒好多。
4. 床有冇血跡（佢地有時會嘔返血）。枕頭袋最易見到。
5. 咬痕：我個人覺得痕過比蚊咬；而且佢地好撚大食，唔止咬一個位。通常同一個位附近至少2,3撻。所以D人會稱之為早餐午餐晚餐。唔一定會腫，好睇個人體質。

推

比人打哂先喇你老味

如果搵到好多黑色跡既話其實都發大左 唔好自己搞 請人最快手

你屋企唔係特別大既話 而家多數都係6000左右 整三次 之前有個FD中左 搵左間整2次斷尾 介紹多幾個FD去整 都係3次內斷尾

特別係啲撚屌蝨會哩係啲你自己唔會check到既位 你搞完一大輪覺得斷左尾 一兩個星期之後又出返黎 到最後斷斷續續幾個月冇覺好訓 不如直接請人整好過

假如決定自行處理 請有心理準備 至少作戰半年或以上

注意事項:

1. 將櫃、床拉出唔好貼牆。目的係迫d蝨唔好向牆上走
2. 總之將有蝨既房間、廳既雜物清除有咩唔要就唔好留
3. 牆壁有洞要補
4. 另外暫時唔用既物品用膠袋封好。裡面都盡可能噴DE粉/無敵士/千赤士 封好
5. 盡可能高溫處理所有物品.
▪衣物床單被鋪用60度熱水洗(如果可以),有乾衣機就更簡單,直接焗熟班仆街
▪無乾衣機,有D人會選擇用和風機(自己GOOGLE)焗,本人係用依隻,但就覺得唔太夠熱
▪土炮方法：包幾層黑膠袋,再拎去太陽底暴曬,蛇都死


坊間各種滅蝨方法/產品介紹
(所有產品都可以GOOGLE，唔洗特登問邊度買)


A) DE粉
簡介: 物理攻擊，原理係D粉係極細微,可以割穿床蝨既殼, 抽乾蝨既體液令佢脫水死。

使用方法: 
i) 圍住自己訓張床落一圈 佢爬過黎會掂到 佢避開就更好
ii) 落粉地點 : 床LA、床腳、櫃腳、牆腳位都要落
iii) 暗黑大法: DE粉當爽身粉查身, 頂幾日, D蝨一開餐就會中招

** 有人話要乾落 濕左效果無咁好 連登專家雨果小子表示濕水落上牆痴得更好 大家自行決定

副作用: 乾  非常乾 

B) 千赤士
簡介 : 物理攻擊，原理同DE粉一樣,不過更細更輕

使用方法 :
用掃薄薄一層係床板木櫃等等既地方 掃完要比時間佢痴實係物件表面 (youtube有教學)

副作用: 會令皮膚極乾 氣管敏感 (本人有更嚴重副作用,就係下體分泌異常,一停用就無事,僅供參考)


C) 無敵士/天鹽清
簡介: 物理攻擊，兩者都係硼酸鹽，聲稱無毒無害。噴係物件上面會形成一層膜。原理都係令D床蝨接觸到之後毒死/乾死佢

使用方法 :
噴係物件表面然後等佢自然乾，每星期要噴一次
副作用 : 會有機會皮膚敏感  (本人會有少少痕但輕微)


D) 蒸氣機/蒸氣熨斗
簡介 :  魔法攻擊，亦係最有效既攻擊。因為蝨蛋只會死係高溫之下。

選購建議: 德國Kärcher蒸氣清洗機 , 建議買SC3以上,我買左最細果部，好快無水好煩又唔夠熱

使用方法: 
*每一個位都停留至少3秒*
將床LA、床板、床內既間格木位、木櫃都要用機高溫蒸。

螺絲位要扭開蒸，蒸完抹乾清理，落DE粉/千赤士 ，再扭返實。絕D可以封埋玻璃膠。
假如係地磚,條邊都要蒸下 (順便可以當洗地)。

副作用: 無，除左好煩每星期都要做一次，至少做足三個月。

E) 熱風槍
簡介 : 同蒸氣機一樣，不過有好亦有唔好既地方。好既係用完唔洗吹乾/抹乾，唔好處係好危險，容易辣親自己/物件過熱著火


F) 綠僵菌/白僵菌 
簡介 : 生化攻擊。原理係D真菌會經由體壁入侵床蝨內部，感染床蝨導致其死亡。而且極具傳染性，比真菌寄生左既床蝨，會將真菌帶番個巢度, 再傳染比其他床蝨。根據師奶王國既太太表示，本身佢既情況惡劣到係食食下飯都會有幾隻走出黎，用完之後全屋清哂。

使用方法 : (轉載BK kentseky)
先去藥房或五金舖買個大嘅量杯（無記錯係 1L），再買多個大嘅噴壺（只用於噴蝨用，不要用於其他地方），用量杯將白僵菌開水稀釋後，跟以下方法進行即可↓

稀釋方法：100份水，一份白彊菌，再加少許洗衣粉，及de粉。
洗衣粉同de粉好似係增加附著力及有個地基俾隻菌生菌絲。
最好嘅溫度係25至30度到，22度至32度，濕度上90可以開始施工。
我都係約莫放一盆水加一羹白彊菌。

１）將開釋後之水注入噴壺，清洗掉量杯中之殘渣
２）放一塊布於量杯上，將噴壺內之水慢慢倒下
３）過濾後清洗掉布上及噴壺內之殘渣
４）將量杯之水注入噴壺內
５）重覆以上 1-4 的步驟

副作用 : 始終係真菌，雖然話對人體無害，但請神容易送神難，事後清理可能要剷過D灰呀抹走D菌 

G) 抽濕機
簡介 : 防禦，無實際殺蟲效用
最好保持有蝨既房間濕度響65度以下。雖然唔可以殺死佢地, 但會令佢地無咁活躍.

H) 防蝨電網 ( 淘O野介意請SKIP)
簡介 :  利用微弱電流電死體積比較大既蝨，令你有一個比較安穩既睡眠。原則上佢係一個大型膠兜，四邊都有電線圍住，一接觸到就會有電流。你就訓係入面咁。大前題你D床上用品要乾淨，同埋你入去個兜之前都要沖乾淨涼。

使用方法 :
砌完長插電著住就OK

副作用 : 防到大隻防唔到細隻 叫好過無 (個人使用感想: 無見過有屍 但真係無再比野咬  不過我有DE粉鍊成陣圍住)

I) 殺蟲劑
簡介 : 應該無需要介紹，直接殺蟲用，但因為無殘留性亦殺唔到蛋，對滅蝨大業治標唔治本
重點！

如何選擇有效既殺蟲劑?　
( 轉載 連登巴打 奧利佛 的教學)

有以下成份既殺蟲水：
piperonyl buteroxide ／ imidicloprid ／ acetamiprid ／ dinetofuran ；
除蟲菊酯（ ending in “thrin”, e.g. Tetramethrin , d-phenothrin）溝埋呢d成份就無抗藥性

其實屋企D野可以搬到出黎，自己整係方便D仔細D，全家總動員用一日時間姐，冇必要比成萬蚊人賺，仲要冇保証未必斷尾，人地都係咁做，冇話專業唔專業，做熟左姐，都係用果D儀器

J) 農藥

簡介：最終武器。而家坊間可以買到既有奮鬥吶，大滅CS等等。有殘留性，當你噴完一次，物件表面有形成一層藥膜。D仆街一爬過就會中毒，之後番佢個巢瓜老襯。

如何購買：
好多種菜既農藥鋪都有，果陣我係o係油麻地一間叫明記菜種既鋪頭買。果陣個伯伯仲加左包粉比我屋企d仆街仔嘆。

使用方法：
全部都要按比例溝水稀釋使用。噴完要出逃幾粒鐘等陣味散左先番到入屋。

副作用：始終對人體多多少少都有害。太貼身既物件如床呀被鋪都唔適合用。






以上就係本人試過或者做過資料搜集既一d小整合。希望對各位巴絲有用。最後都係果句，我地都唔係專業人士，專業既野最好當然係比佢地處理返。因為自己搞分分鐘洗仲多。

愈早發現 愈容易處理
祝各位平安渡過仆街死清光






參考文章/伸延閱讀：

[屋企有床蝨嘅巴絲入嚟] 用咗四個月時間成功滅蝨 BY 龜先人
https://lihkg.com/thread/2778764/page/1

床蝨／臭蟲攻略／討論（內附美國攻略） 咪撚用de 粉  BY奧利佛
https://lihkg.com/thread/2169297/page/1

木蝨、臭蟲、床蝨2　BY  哈哈媽咪
https://www.baby-kingdom.com/forum.php?mod=viewthread&tid=8032072&extra=&page=1

【加嵐】床蝨好困擾 ? 晚晚唔敢瞓 ? 教你了解床蝨及100%消滅方法 !!  BY Bluetouch
youtube唔貼link

推

準備作戰狀態

但有寵物點搞
屋企有貓貓，用化學武器對毛孩好似大風險
可以用既選項只淨返手動熱風槍

我諗只可以用蒸氣機同熱風槍
勤d用60度熱水洗衫
最天然既方法

最最重要係搵個竇拆左去

留名

佢啲傢俬同床係咪都要掉？

坊間有隻聲稱熱力殺蟲唔洗dump野
但事實上假如無發現你其中一件野有蟲
你係唔會想再用

利申 dump左床架床褥同床上用品
所有公仔熱水洗完再焗再密封入袋再入箱

有無邊隻係方便旅行用，又對人體無害
諗住出完街一返酒店就噴全身衣物
同埋到步時噴間酒店房

屌我張床買咗冇耐好貴依加勁驚即刻買部蒸氣機預防下

強帖留名

殺蟲劑推薦奮鬥呐，個時10日全Ko

蒸氣機平時清潔都可以用
洗地洗窗一流

推推

木地板係咪可以成間屋砍掉重錬

我自己覺得 依隻野係害蟲屆愛滋病
硬淨過人類 對你完全無害既野都未必真係隊林到佢

要佢即死既只可能揀有效用既殺蟲水
（而家市面上買到既99％無撚用）

75度酒精都多多少少隊林到成蟲既
但蛋真係無得搞 同埋無殘留性既所有藥都係差咁d

lmlm

係咪一定係街惹番入屋去先會有蝨？唔跳因為太潮濕或者太耐冇洗衣被鋪而自己生出嚟

假如走到入去就

所以一定要時刻check住
因為最初最初期既竇 一定係食物附近
唔洗望 食物就係我地本人