東海Run for miles

舊文精彩回顧



大家好 又係小弟
為咗唔好浪費我成個星期嘅大假
去完幾日吉隆坡返嚟
馬不停蹄又繼續下一個trip
呢次主力會去三重縣同愛知縣

Day 1
終於有機會試到佢個自助印boarding pass+行李tag
同寄行李嘅功能


終於有咁嘅空閒時間入去PPL食魚蛋粉
可惜淨係開到一點






晏晝有啲嘢搞
返到屋企瞓覺
連夜晚飯都冇食
食飽先上機



食完去咗23位M記參觀


CX566


有幸見到名人 carry我一齊排頭等


B-LQC A350-941 35G
當日好似唔夠35G用 臨時轉咗呢架LQC
原本嗰架LRV拉咗過隔離524用


繼續mini cabin 21A


Menu
栗子排骨早幾個月食咗 所以唔會揀



擺靚位 泊S25
不過好可惜 今晚係用北跑道起飛
所以都係要碌15分鐘出去



咁都有花生食


當日有颱風去緊九州一帶
所以見到flight path都唔係一條直線


但係我期待嘅過山車 海盜船冇發生到
一路輾轉反側 直到空姐叫我起身食飯

Supper一兜過上
時令鮮果
香煎鱈魚配番茄醬
茴香、南瓜及歐芹薯蓉
拖肥芝士蛋糕配雲呢拿汁
麵包
Cathay Delight


颱風嘅雲隨時可以上到40000尺以上


準時到埗 開始奪命狂奔趕時間



出嚟第一件事去寄行李先
JALABC counter開0700
佢開緊檔嘅時候我已經有生意畀佢做
直接寄去名古屋今晚酒店
但係可惜要隔日先到
我得返走啲衫先
焗住我要執返走今晚嘅衫
做1日backpacker

搞掂之後我得返兩分鐘時間跑過去坐空港急行
好彩啱啱好上到車

黐線佬又飛

又係你

running man

出到難波 過去近鐵換咗5日pass先
近鐵嘅特急券可以上網買定先
而且有英文網
好似我咁坐喺屋企都可以輕鬆買到
而且唔使好似JR咁要去出飛
直接跟住email上車
查飛先show畀佢睇都得(好彩冇嚟查我飛)
但係就唔包運賃(基本路費)
所以我都係要買張pass嚟扺消


啲通勤車都幾靚仔


特急22000系 Urban Liner
今次唔係坐足全程



坐半個鐘頭去到大和八木就落車


特急22000系 Vista Car



梗係坐雙層卡嘅上層


再坐多一個鐘多少少就嚟到鳥羽
唔知點解同仆街芒合作 有水水獺


係咪鳥羽花香我唔知
淨係知我一落車已經燈到近鐵大阪線訊號故障
好彩我冇受影響

Lm 呢個係幾多月去

又去,痴線

8月頭
難得有幾日時間可以寫下文
希望可以打多兩篇(2個trip)

未行出個站已經感受到東海嗰邊有幾頹
指示牌上面大大隻字寫住可以用coupon買珍珠



完全感受到個格差


舖頭重大過大堂


参宮線 キハ75形 快速みえ10号


總站得5個人上車




見到HC85系

去到松阪 就梗係要食松阪牛


把握只有一個鐘嘅轉車時間
去最出名嗰間和田金盡地一鋪


呢度都見到有馬加奈


一行入去和田金
死火囉 係咪去錯地方呢
點解成個酒店大堂咁嘅
原來係啲超高級餐廳
即刻諗起香港料理入面嗰句
張單真係high 張單啲銀碼真係big suprise
人一世物一世 死就死啦


壽喜燒要兩位起 燒肉怕唔夠時間
唔搞咁多花臣
直接叫個西冷扒 松 150g算數

有個和服嘅女侍應招呼我上樓
帶我入房坐低
之後拎嚿牛扒畀我睇
驗明正身


先上個沙律 配芥末醬


叫咗medium
入口啲確充滿油香
要加啲鹽同wasabi調味先食落冇咁油膩
當年喺神戶食過一次鐵板燒
先知道原來牛扒係可以配wasabi 取代黑椒
自此之後就鍾意用佢多過黑椒
碗白飯都好好食 中間重問我要唔要添多碗


食完得返15分鐘
原來重有個甜品
究竟我趕唔趕得切上車㗎

趕唔切咪食多塊等下班車

行去食飯之前已經買定飛
直接入閘


好彩趕得切
啱啱好重有一分鐘開車


キハ11形 名松線


做咩無啦啦走嚟坐呢啲local線?
除咗儲里數之外重有得睇拋藤圈
拋藤圈 正式學名應該叫做票券閉塞
用個藤圈嚟取代燈號嚟決定架火車可唔可以前進
喺日本JR 只有名松線松阪駅-家城駅仍然行緊呢一種閉塞方法

呢幾張相應該睇得好清楚
個運轉士交個藤圈畀站長
站長再拎去畀對頭車




家城駅-伊勢奥津駅呢一段雖然都係用緊藤圈
但係就計咗做Staff閉塞
除咗名松線有之外
就得返越美北線越前大野-九頭龍湖呢一段有
網絡圖片影到兩隻藤圈係唔同顏色嘅

坐咗差唔多個半鐘 嚟到總站伊勢奥津
回頭車要半個鐘後先開
出去睇下有咩嘢睇




我有喺本紀念簿度留名


站隔離有個觀光案內所
入面有啲打獵戰績



坐車返松阪 再睇多次拋藤圈

由於松阪站近鐵同JR兩邊共用閘口
所以唔需要出閘
直接行過去轉車

近鉄5200系 近鉄山田線


好快就經過近鐵嘅名物 中川短絡線
佢嘅落成方便咗大阪去名古屋嘅車唔需要經過伊勢中川調頭



桃園 唔係台灣嗰個


桑名有落


唔係去養老


三合一駅舍

JR 近鐵直通諗起之前點樣由大阪日本橋去東京日本橋唔駛出閘嘅片

純粹係想食鳥貴族啫
唔想返到名古屋等位
喺鄉下少少嘅地方早啲食
客人少啲 order少啲
串燒都燒得好食啲
食嘢嘅時候電話又有得叉電 不知幾好


全部都唔識欣賞


老規矩 椰菜放題
每次最少食兩兜


鹽燒雞心係唔少得嘅
唔係好明點解啲人成日話鳥貴族串燒鹹
拎嚟送酒嘅嘢 重味係應該嘅
而且鹽燒比起汁燒冇咁鹹


貴族燒(蔥雞串)都係定番

我應該問
你一年番香港幾多日?

唔喺香港嘅日子少過90日

名松線

食完出嚟都未天黑


繼續搭車去名古屋


密撚過地鐵嘅新幹線


終於嚟到充滿高樓大廈嘅原始森林 名古屋


今晚係住有得浸嘅嗰間超級酒店
スーパーホテル名古屋天然温泉新幹線口


酒店對面就係 麺家 獅子丸
好彩都唔算多人排


事先又喺森林買咗啲貨寄去酒店
差隻喼嚟到就可以上貨


我又揀咗Omakase type
結果好似semi double畀咗我
好鍾意佢呢隻超長枕頭設計 唔係分開兩隻


標準啤膠廁所設計
不過都唔會用佢嚟沖涼

執好嘢就過對面排隊食拉麵


麺家 獅子丸



松露油


叫咗個set 嚟個牛肉同凍茶碗蒸先


白湯拉麵
隻蛋熟咗少少
成個餐配搭都ok嘅


食飽買咗罐0%檸檬堂上去飲


房電視有youtube 又可以睇v

Day 2
又到咗我鍾意嘅超級早餐時間
西式包例skip


味噌湯機


玉子燒腸仔咖哩飯




意粉放題
呢啲連鎖商務酒店嘅自動早餐通常都會有一兩味當地特色餸菜


當然有菜食 生啪

留名

開始今日嘅行程


等緊車嘅時候順手影下車先
315系
東海最新嘅通勤車款


東海道本線 特別快速 313系



去到関ヶ原坐回頭車


唔係要上演玄關之戰
而係要坐埋未坐過嘅一段東海道本線
以前曾經坐Sunrise經過咗新垂井線


著名嘅鐵道唱歌都有一段講到呢度


月台對面重有塊牌講當時東軍同西軍有咩人馬