【過馬路要小心】經典男裝討論（55）【皮鞋、西裝、皮件、配飾】

等左幾個月，有人講人話啦

我唔係串你，舉呢個例子係因為道理一樣啫，恤衫、西裝、鞋都有 bespoke、mtm之分，個分別在於個流程、系統，而並非邊個人幫客做 fitting

mtm工序上簡化咗，成本低啲就自然可以收平啲

當然每間舖喺整個流程上既細節位都有分別，例如好似錯洞兄以上提及既，會否 keep 紙樣、會否改紙樣、影相作紀錄等

bespoke鞋唔係個個鞋匠都會做倒模的，有啲度腳係就咁用一本素描簿畫低坐低同站立時既分別，有啲係踩 foam 攞數據就製楦。至於高和點做，我就唔清楚了，蛋爺應該會較熟

再準確少少就 fitter 同 cutter 所需要既 skillset 唔同的，而明顯地呢個世界上唔會所有 cutter 有齊兩套skillsets。fitter 偏向係需要了解觀察客人既身形特點、喜好、習慣，好既審美眼光，俾意見；cutter偏向製作、技術上。兩個要 work 得 close 就係因為 fitter 要了解 cutter 個 “公式”，知道點套啲數據入去條公式度先有好效果。

所以度身唔係逐吋度，出100個、1000個數據就等於件事會好的。有啲意大利佬度身好似求求其其mark幾個數字咁，但佢地 cut 出嚟既衫就係靚過某啲度得好足既舖頭

香港舖頭我幫襯得唔算多，不過我知有啲係會喺舖面裁、亦有啲會直接交去工場裁，更加有啲舖係兩者並存，因為一個舖面 cutter 根本做唔哂所有單。

我唔會覺得交去工場裁等於 bespoke 程度冇咁高，塊布喺香港、大陸定邊度裁對我來說關係不大，最重要係工序上有幾足，同埋間舖對成件事有幾多 control。

支持分享

因為你本身唔明個「版/樣」係點嚟囉，其實一啲都唔難明。

嘩！Dhkt，好耐無見喎！

都話佢地無出紙樣咯，咁點改紙樣?
認真的店係好似寫傳記文咁記錄底同原數式不同的地方，要留意啲乜野，所以咪話你無見過個流程，所以咪唔知囉。當然，啲平價新鋪有無咁嘅「系統」我就唔知了。

我在高和造過咁多對鞋，「倒模」？倒乜野模?幾時有倒模?

Luca Rubinacci 呢段講一個tailor 嘅才能講得好

https://www.instagram.com/p/CzRZll_N11T/?igshid=YjVjNjZkNmFjNg==

呢啲咁費時既程序可能要啲好傳統既鋪頭先會有了，都唔知有冇3間

高和係傳統舊式老店，其實同現代好唔夾。
我覺得佢啲款式係屬於上世紀的年代，未必適合配在的年輕人。
現代人未必體會到／喜歡那種味道。而且以現在的訂價，真係唔易接受到。我第一對訂鞋時好似是$1,500

間唔中都要上水既

其實我都唔明整個疑似腳既倒模有咩用，人既重量壓落隻腳時會變形，而個倒模係硬的，都模擬唔到實際情況。整出嚟係純為 gimmick？還是對bottom making有幫助？

有圖有真相

小小個人意見

出嚟做衫唔需要諗太多間鋪頭係mtm定bespoke定假bespoke嘅，條條大路通羅馬，做出嚟你著得靚咪得囉。

唔好計較邊間bespoke成份高邊間低，依家唔係做緊身衫，唔係越攞得多數值，倒埋模咁先做到件靚衫出嚟。

可以用電腦紀錄架嘛。當然 present 出嚟冇傳統舖一疊疊客既文件咁 impress 到客

我相信香港做得足既，唔止3間既

試身時有布可大改，度身神唔神準冇所謂啦
識睇識講識改識撇先有料嘛


 

睇完你地依兩日係到講好似間間都麻麻地咁 黎緊想搞一間交學費既我 搞到心大心細

ching有冇話想咩style
幾多budget
for咩用途

交學費嘅原意唔係撞板然後從錯誤中學習咩