【過馬路要小心】經典男裝討論（55）【皮鞋、西裝、皮件、配飾】

求吓你唔好再拗，我開始覺得有啲唔好意思，懷疑自己真係蝦緊一個弱智人士。

同埋針對返你第一個問題，我都幾肯定，如果唔係有一班鍾意quality product既巴打出黎分享靚野同討論靚野（包括但不限於呢度、錶post、銀器post etc.），應該連登大部分人都仲係討論緊Clark’s、Cole Hann、荷里活廣場西裝、Zara、GU、Uniqlo，我相信應該唔需要我講自己出潮流台行個圈都知咩事，見到啲咁嘅嘢唔屌唔出聲，唔使一陣就成個post都喺度討論緊廉價嘢。

我曾經有好一段時間成幾個post都唔出聲咁滯，結果全部變晒問一兩千蚊鞋、三四千蚊budget西裝。講真，討論嚟做乜？同討論邊間茶記好食啲有咩分別？

幾千蚊買對鞋著到腳痛, 你都係去SOGO 599買對florsheim著啦

我想總結一下我嘅觀點，High twist料係唔適合香港冬天穿着嘅。係實用性同美觀上都唔適合。

High twist料最初係設計出嚟做Travel suiting嘅，由於佢有open weave嘅特性，所以10分透氣，並不防風，亦因如此，唔同牌子都將high twist標榜做適合熱帶地方穿着。

香港嘅冬天普遍天陰陰，有陣風，即使氣溫唔高，着住high twist出街一般人都會覺得陰風陣陣，入夜後正常人都會覺得凍。所以high twist係冬天並不實用。

美觀上，high twist料嘅texture一般比較少，就算係一塊特別有texture嘅high twist，例如Fresco 2/3 ply mid grey或者spring ram，都同冬天布料嗰種woollen fabric或者靠milling / brushing 製造出嚟嘅texture有明顯嘅出入。所以high twist喺外觀上並唔係一塊靚嘅冬天料。

其實一對訓練有素嘅眼睛一望就會知道依一塊布係塊high twist嘢，然後就會覺得塊布係冬天嘅時候唔應該出現。

我講咁多都係唔想新手俾人誤導，以為自己唔怕凍就走去整條fresco諗住冬天着。就算你真係唔怕凍，但係你玩多一陣西裝，好快就會覺得自己冬天着fresco格格不入。

試吓整條wool twill褲

個人覺得9/10oz 係樣同無咁熱既balance上幾好，不過我自己冇咁怕熱，我會揀11oz起跳

搵隻beige wool twill襯應該問題不大

冇咩問題啊，其實polo真係算好百搭，襯冬天野又得，夏天嘢又得，基本上顏色唔好炒車就冇問題（雖然我個樣唔襯polo所以我好少着）

https://www.skolyx.se/en/loafers/814-yanko-saddle-belgian-loafer-dark-brown-reverse-kudu-suede.html
全新yanko39號，買錯size放$700
Tg @catnet13

師兄重新upload過張圖啦

死圖

其實我自己會定義fresco係一樣functional既布, daily日常返工岩用既野
但fresco係靚唔靚呢方面絕對俾唔到一種嘩一聲我鳩衝既感覺, 我自己都有一套, 但呢一套試過就夠, 我相信我未必會再整多套
其實我以前成日都會有一種諗法, 整套衫, 一年四季任何時刻都著到咪抵著囉, 呢個諗法我絕對明, 因為我以前就係咁既人, 加上我係熱底, 就會來來去去都係240-260g輕身野, 一種套路走天涯
到呢一兩年開始睇多D聽多D學多D, 開始嘗試下唔同既野, 試下唔同時段著唔同既野, 原來出黎個vibe係會唔同
引用我朋友既一句話, 我至今都成日記係心 "洗頭水就洗頭水, 護髮素就護髮素, 二合一既通常都唔係好野", 呢句野apply係好多方面都拗唔到
或者咁講, all round既野唔係唔好, 但同時你必須接受, 佢呢樣有D個樣有D, 但就係冇一樣野係outstanding
我相信熱衷係到討論既師兄們都唔會只為functional而入坑, functional以上既層次係點樣著得舒服之餘又靚
承上, 冬天著fresco你著得舒服, 當然serve到functional呢個元素, 但相信大部份比較講究既師兄們可能會覺得個vibe同個環境有點match唔到
就好似講車咁, 出行舒適揸房車, 上山轟揸跑車, weekend去兜風揸雙門開篷車, 呢個邏輯我相信好難挑戰到, 有日你同條女講黎緊sunday morning drive入石澳遊車河, 條女滿心歡喜著靚靚等你黎接佢, 屌你出到黎你揸部hiace, 條女咩反應你自己心中有數
岩, 你係岩, functional上由A點去B點, 難道hiace做唔到咩, 係做到, 但我好難話個vibe係岩囉
有時唔係要撑牛巴, 佢屌還屌, 佢真係有野俾到你, 佢up得出怕熱撚係fresco以外, 冬天你有咩可以選擇, 起碼我呢個怕熱撚唔洗盲終終每樣野試, 當然試完出黎岩唔岩自己係另一回事, 终究好過有條傻鳩日日係到播帶copy & paste講一D冇value既野

ching想問下個size跟cj買岩唔岩