放工先可以分享
留名待聽
巴打你想聽外星轉世定普通人前世今生嘅事？為免off topic我都係講返外星轉世。
有本書叫三波志願者與新地球，入面有好多外星轉世嘅case ，我分享下我自己同一個識嘅人嘅經歷。
首先要靈魂其實係由宇宙嘅本源能量分裂出黎，投胎去唔同嘅地方學習，當學習夠啦，就會返去本源能量果度，咁就唔洗再投胎。
通常外星轉世嘅靈魂都係學習得比較耐同比較多嘅。而我同我識果個外星轉世case 其實都唔係第一次黎地球，我地第一次黎地球都係好遠古時突然間出現響人類嘅部落，用人類嘅身體去教當時嘅人文明，例如耕種，用火，我就仲有幫佢地起金字塔。
點解要起金字塔係因為我係由天狼星黎嘅靈魂，而金字塔係一個好強嘅能量接收器，佢嘅頂石有好多人以為係黃金做嘅，其實係一種外星嘅金屬，可以幫佢地接收太陽嘅能量去令土地肥沃幫助耕作。可惜果世嘅我嘅身體俾當時嘅人類殺左，仲煮左黎食，因為佢地認為食左我嘅身體就可以得到我響佢地眼中嘅超能力。
而死左之後我係無投胎，就直接返返去天狼星，直到阿特蘭提斯文明出現，由於知道呢個地方就黎毀滅，因為阿特蘭提斯嘅人係用水晶嘅能量，但係佢地破壞左同地球嘅協定，製作左一個好大型嘅水晶儀器希望可以運用更大嘅能量，但係佢地唔知道咁樣會破壞左地球嘅能量平衡令到好大嘅天災出現。本住要幫地球人嘅心，我又響天災出現之前去到阿特蘭提斯帶d人類響洪水黎之前逃生。不過人類總是要犯同樣的錯，船上面嘅人又因爲食物同能量唔夠，又殺左我
之後我就又返返天狼星，中間有做過艾賽尼教派嘅人去保護死海古卷嘅，果世終於無俾人殺到，然後到今世先再黎地球做返d輕鬆d嘅工作
我個fd個情況無我咁慘烈嘅，佢做左部族長老之後到好老先死，之後投過胎做中世紀嘅隱士，專門研究宇宙嘅資訊，之後又有一世做過普通人，然後就到今世。
通常外星轉世都會有幾世做下巫師呀隱仕呀果d野，因為外星靈魂響呢方面比較強同埋佢地要做呢d野去幫助地球文明進步。
Sorry可能有d off topic，又可能太科幻，你當我係痴線啦
家明！
有時無啦啦個腦浮現咗把聲講會發生嘅事，我覺得自己係癡線
