傳銷狗呃人又有新花款

我最近都有比人拉去44。
好老實講，頭4千幾，我有比，我比得起，當睇下乜料，可以拎返d乜柒紅酒丫supplement 果d。然後佢就會開始係咁揾人同你傾偈，叫你join 8萬幾嘅，我就冇興趣架啦。

食野果到去過，講真格局幾靚，好唔好食見人見志，不過唔算貴，意粉大約60蚊左右。

同你講野果d人，講真我feel到部分真係揾到錢嘅，不過唔係個個月，而係間中一兩個月，條數大概係咁：

你比8萬幾，你可以當係80000 credit，然後你之後再睇下點用果8萬幾去買佢d product（gym/spa/護膚品/奶粉/香水/supplement）都得。但你俾咗，就當你係會員。當你每refer一個人join，你就有返萬幾蚊。如果果個人再refer，你都有錢袋，如此類推。
所以賺到果d人，佢地支票係真都唔岀奇，只要佢一個月內叫到幾個人入黎就得。

然後，佢地得閒就揾人講talk，成班一聽就會拍哂手掌話好正咁，佢地好多人都係真心覺得正。
但只可以講，我係一個唔鐘意坐係到聽，然後係到歡呼咁嘅氣氛，保險都係咁，唔關佢內容事，都唔關d人嘅反應事，係我本身份人就好唔慣坐定定聽，我會好唔自在

咁佢地揾人同你傾，唔係問題，每個人都講下自己background，但好多個之後都係講叫你睇「窮爸爸富爸爸」係真
（順帶一提，我都唔鐘意睇書）


我唔會批判佢地有冇錯，有冇真係賺錢。
但佢地令我唔想join，由冇野變抗拒，覺得煩，
主要係因為係咁叫我去同佢地d人傾偈，明明我好撚攰，再加埋真係咁啱得咁橋比我撞正聽talk。我就覺得好嘈好厭煩

至於我自己，反正比左幾千，我實拎返佢d supplement，上面師兄講貴，我唔知算貴定平。我覺得，如果有用嘅，貴d都值，冇用嘅，幾平都唔值。護膚品又好，酒又好，supplement又好，我冇接觸開，係我眼中係不嬲海鮮價

之後有無再聯絡？

D支票係自己dum幾十萬買人頭做自己下線回返既佣黎
成個交友app都係佢地既人好難爭到生客
多數出賣完六親就無下文
睇過咁多個post最後賺到上位既真係百裏挑一

介唔介意講你朋友情況聽下？

我朋友都有上過去個workshop玩
整兩枝香水收咗佢三百幾蚊

有冇人講下康寶萊

8萬得6個位？咁咪成萬三，一個人？
仲貴過6800 wo

有香港

冇 我即刻block左

去過企業廣場玩board game
攞左窮爸爸個concept 教人投資重要
成班人硬生生想炒熱個氣氛
好撚嘔心

你幾時去㗎
我冇去過玩
不過聽講好多「大老細」都會喺度
班人好鍾意營造大家庭嘅感覺
但係我淨係覺得佢哋好撚假

層壓式推銷
你俾嘅錢就係你上一線嘅commission
你唯一可以賺錢嘅方法就係不斷搵下線
如果你好talk得呃到一大班下線的確可能搵到大錢
但係一定會有人做走唔甩果個，坐撚住晒啲貨同斷六親

坦白講果啲「貨」真係值？如果係值又點解要用呢個方式賣呢？

唔係，係講緊你可以refer 無限個人都得，總之每一位就萬幾。但如果你refer 到6個，另外果6個人+自己係3個月內用夠100萬credit(即係買夠100萬貨），就可以升級做更高級嘅會員

上兩個月
約我嗰陣講左一兩個我識嘅名氹我上去
上到去三十幾四十條友

至憎傳銷狗
推

班仆街傳銷狗如果知道中招者身邊有親戚朋友反對/勸阻受害者，佢哋會妖魔化班親朋戚友，講佢哋壞話

有個fd之前推依啲野比我，我睬佢都有味而家直頭unfriend左

諾士佛台3 4樓係同一個老闆

推

再推

再推