求救！隻貓尿道炎通尿手術後係咁去廁所

D處方濕糧好難食架，我打開見到都想嘔
反而乾糧食得好開心，你快d買乾糧俾佢試下啦

就佢係淨係鐘意食乾爭爭嘅野又唔鐘意飲水先搞到尿道炎你試下買啲黑色碗裝水 聽聞啲貓會鐘意咁 因為黑色底會睇到水線喺邊
太子深水埗好似都有唔少獸醫診所 你試下係Facebook 啲貓group問下

我隻一歲貓仔 啱啱都醫完屙唔到尿問題 一開頭醫生摸到膀胱唔大 而且都屙到少少尿 佢比左兩個方案我 一開做全檢查 x光 超聲波 加一大堆嘢 但要$4xxx 另一個方案係試住藥先 咁我就揀左試藥先 試下啲膀胱放鬆 普通消炎藥 睇下好唔好到

試藥途中都試過你呢個情況 佢係貓砂兜屙唔到尿 坐左好耐 跟左行開一陣 就見到佢屙左尿係床 地下分開有幾篤仔 上網睇過人話佢屙唔到尿有機會會周圍屙

最後試左兩個禮拜藥都搞唔掂 就決定都係check la 又洗左$6000左右 終於搵到係膀胱好多結晶 係咁刮到佢 最後醫生幫佢打左枝抗生素 再加開始食處方糧 一星期後就冇哂結晶 但醫生都叫要食多一排處方糧驚復發 （依家仲食緊）

如果依家貓仔唔係完全屙唔到都仲未係好差 我覺得佢係其他地方屙都叫屙到 如果一啲都冇就好危險

加油 師兄 我個陣醫都好無助 驚手尾好長 但都冇諗過咁快清到結晶

咁你係淨係畀處方糧佢食完全無畀其他野？
淨乾定乾濕都有？

完全唔比得 要處方糧有效一定唔可比其他嘢食
濕同乾都得

我就兩樣都有

濕糧你畀邊隻？我今日試畀RC包裝嗰隻，食左大半包
以我對佢認知，我聽日再畀同一隻佢應該唔會掂

都係hills 隻罐咋 係診所到買
我個隻都係好快會食厭 都冇計 要諗辦法局佢食

想問下師兄，餵水一次餵幾多？一日分幾次餵？
我驚一次太多佢會嘔出嚟
分太多次屋企又未必成日有人support到
如果一日4次每次60ml o唔ok?

你會用咩辦法局佢食？可唔可以參考下

最後有無食? 處方糧最好局佢食到斷尾先轉返普通糧，要狠心少少

笑死
成班都叫人食處方糧
乾糧轉乾糧解決到佢飲唔夠水嘅問題咩

食hills c/d罐好啲，一晚食到半罐加水，另外我有每日餵230ml以上水

而家貓貓嘅情況係：

小便6-7次一日，每次尿球大細都算正常，但就去得慢，可能痾一次要1分半至兩分鐘時間(以前同一個尿量可能只需痾十幾秒)，呢個狀態都維持左3-4日。

有冇人知痾得慢估計係因為仲有少許阻塞定還是因為小便時痛所以就住呢?

塞,痛,同埋有陰影都有關
醫生有開紓緩情緒藥就ok,俾D時間佢自己recover唔使過份擔心

我果隻之前只係有少少發炎同情緒影響都食左一星期藥先好,而且佢唔係叮一聲咁話好就好都係慢慢睇住佢愈黎愈好,所以放鬆D佢冇惡化到既話都唔使咁擔心

情況放鬆藥好似冇
食緊兩隻尿道放鬆同兩隻止痛
我有喺砂盤個位擺Feliway，希望有幫助
餵左兩星期藥好困身，出街食飯都唔得

我都係一日一罐頭加水加到湯咁

朝早晏就要翻工用自動餵食器 餵少啲
夜晚餵罐頭加水 要狠心 唔飲曬唔加餐

你食hill個個尿道處方糧啦 可以溶尿石

去買支 supplement tinkle tonic 有好大幫助
我隻仔 8月尾發現佢出出入入砂盤
即book醫生睇 照ultra 見到膀胱有好多砂
同佢洗左3次膀胱沖返出黎
醫生話先用冇咁傷害性既方法處理
如果都係經常出入砂盤就要做手術開肚清
開左消炎藥同轉食尿道糧
頭幾日都仲係成日出入砂盤同篤尿尿好細毯
見有人推介tinkle tonic就買左來餵
餵左係好明顯篤尿正常返同埋冇再出入砂盤

想問樓主嘅貓貓而家點？
我家貓貓最近都因為結晶堵塞尿道住院
今日啱啱插尿喉 仲觀察緊會唔會自主屙到😭😭