我隻兩歲仔17號晚開始係咁出入貓砂盤都痾唔到一滴尿，
凌晨12點幾出去搵急症，
得VSH有位，摸咗膀胱唔算好大，
開咗尿道放鬆同止痛藥返屋企觀察，
但貓貓返到屋企都係痾唔到，
去到朝早先痾到幾滴。
中午再帶佢去睇開嘅診所，即時畀佢入院通尿，
要留完三日。
診所話照到有鳥糞石，但就未有好大粒嘅，
驗血所有野都正常。
插咗3日尿喉前日出院，返屋企途中已經瀨濕咗
一返到去入咗幾次砂盤，每次滴少少
然後去到下晏，夜晚開始痾返正常少少嘅尿量，
係痾得好慢。
打去診所醫生話佢因為之前一直插尿喉唔使用力痾尿，
需要時間習慣膀胱彈性。
醫生叫照食尿道放鬆+止痛+膀胱修復藥。
點知去到尋日傍晚又再出入砂盤，6-7次左右，
每次痾幾滴。
去到夜晚情況變得更worse，
不停咁樣去砂盤滴尿，每次都踎好耐但得幾滴，
仲喺屋企唔同地方痾，
我哋今日朝早起身見到周圍都一滴滴尿，
佢自己大髀位濕哂。
佢瞓咗一陣間起身又再痾過，
除咗砂盤仲喺唔同地方痾，
有一下直頭癱咗喺地就咁痾，睇到我好心痛
然後下晝又帶咗佢返診所，
醫生㩒佢膀胱即刻噴咗一攤尿出嚟，
證明無塞到，有機會係放鬆尿道藥影響，
叫我減一半劑量，
然後醫生同佢打咗皮下水就返屋企。
返到屋企佢瞓咗一個下晝，
然後頭先又嚟過，仲跳上我張床痾，
好彩我即刻攞得切尿墊
而家痾咗6-7次又停咗。
其實距離佢上次食尿道放鬆已經20個鐘，
點解仲係咁？
有冇過來人話我聽佢會持續咁樣幾耐？
睇住佢咁我都同佢一樣咁攰
仲有咩可以幫到佢
好似係hills嘅尿道配方
