想幫小朋友買醫療保險，唔知點決定

醫療喎師父

你將埋危疾放入去做乜鬼，危疾包到未出世BB嘅目前市場都係得四間，綠色係其中一間呢個係冇問題㗎

但係而家醫療個條款就係

投保時未知的已有病症於首個保單年度的第31日開始保障
就您在投保時並未知悉的已存在疾病或先天性疾病，本計劃為您在首個保單年度 的第31天開始提供全面保障。此外，保障更延伸至涵蓋受保人於任何年齡出現或 被診斷出的先天性疾病。假使您投保前患有未知的已有病症，您仍可安心得到守護。


唔需要八歲之後先開始提供保障

其實而家間間嘅中高端醫保，全部都係呢個條款，31日後未知已存在疾病都可以提供100%保障，係普通醫保先會有百分比每年調升呢個限制

就算係之前唯一一隻仲係有呢個條款嘅煲呔，上一次更新都已經更新咗，真係唔係一個獨家嘅條款嚟

唯一獨家嘅條款就係八歲前小朋友嘅先天性疾病可以保障到
先天性疾病
是指(a)任何於出生時或之前已存在的醫學、生理或精神上的異常，不論於出生時有關異常是否已出現、被確診或獲知悉;或 (b)任何於出生後六(6)個月內出現的新生嬰兒異常。

唔介意中資可以買「國壽海外」尊尚醫療保險計劃，私家房全包，我仔買亞洲區每年$8,775，如果住半私家或者公立醫院每日仲有額外$2,000住院現金，小朋友發燒入院好易回本，claim過幾次都好順利

間間都係已經有就唔買得架la

綠色係唔通可以買之前發現都可以保埋？ 而家就係講緊出世之後過咗31日先發現嘅疾病都可以包埋

咁佢有冇呢個任何小朋友年齡段都可以包到先天性疾病嘅呢一個條款？同埋佢呢一個條款係連埋投保前已有病症一齊睇的，係包括先天性疾病放埋喺31日裏面，你如果係發生之前嘅話已經係一個投保前前已有病症，根本就已經去唔到後面

其實呢撐公司唔係一個問題，但係盲目咁將一個周街都有嘅條款講到獨家，跟住其他公司嘅獨有條款又完全忽視咗

綠色嘅唯一一個好處，係佢危疾可以終身鎖定價錢，其他公司唔得，你講呢啲冇人會challenge你，但你講其他嗰啲其他公司都有嘅講到獨家咁樣就真係睇唔過眼

搵份包醫保既工好過， 買醫保唔值

仲有，就算買都唔好買有任何儲蓄成分既保險，agent sell 呢類保險commission 最多

其實點會搞得亂

一個係本身就冇呢個條款，另外一個就係有呢個條款，咁就梗係揀一個有包呢一個條款嘅落去

而家咪就係講緊其他公司八歲之前唔包嘅，佢八歲之前已經得，呢一個已經係一個特點

即係你會覺得其他公司寫到明八歲之前唔包，八歲之後包到嘅反而係一個好啲嘅地方？

咁而家市面上就係得佢一間公司有，仲要係佢入面嘅幾個產品先有，定係其他公司最近都有出到？目前佢真係獨家㗎嘛，佢呢一個條款真係太特別

就等同返糖尿病病變一樣，喺加拿大太陽獨家，你有冇得話佢唔係獨家喎，係除非其他公司都出咗可以包到嘅啫

因為我覺得就係咁樣討論先會促進到大家又或者係其他睇緊我哋內容嘅人，先至會越嚟越明白保險產品嘅結構

依家好多plan住院都唔使墊底費都幾平，小朋友可能幾千蚊已經包晒由$0至到幾十萬嘅住院醫療。講緊係每一年每個傷病計。至於儲蓄而家有啲plan可能供五年或者10年其實就碌到佢結婚啦或者可能18歲呀都有一筆錢，筆錢嘅槓桿都幾大嘅如果細個供。。不過主要都係睇吓自己適合買啲咩需要啲咩！🤓