想幫小朋友買醫療保險，唔知點決定

多謝巴打比意見，你講得岩，個儲蓄危疾應該唔好念囉得返，當放係到看門口
個agent係我老婆D小學朋友，應該唔會轉工，同埋之前我成日搵佢claim意外做物理治療都做得好快
呢份policy佢幫我做係 15k左右 一年：500k 儲蓄危疾 5.7k 保費供 25 年（好似叫愛伴航）、500k 消耗危疾 1.3k、大額住院16k墊底 3.5k（因為有儲蓄危疾 8 折左）、意外 800、意外醫療 260 、基本住院 2.6k 用黎比 16k 墊底時用（確實呢個組合會比單買 0 墊底平）、住院津貼 1k
呢個組合頭 20 年都係大概 15k 一年左右保費，負擔就ok既，可能有d item可以唔洗，同埋應該買其他野派息黎交保費唔洗我煩

至於 FWD 我都有報價:
倍衛您 $0 自付 5.9k 保費、16k 自付 3.9k 保費、25k 自付 3.5k 保費
尊衛您 $0 自付 7.8k 保費、16k 自付 4.1k 保費、25k 自付 3.6k 保費
危疾應緩保 30 年 227K 美金 保費 1.6K 美金
但FWD條友我唔識佢，只係whatsapp cold call，AIA會唔會大d公司好d? 不過當年睇住 AIG 收皮

係，至少無cashflow壓力

我本人就係無得買，當年醫我都好大開支，所以到自己小朋友就想買份安心，老婆都講得岩，唔想我地老左仲咁大開支，小朋友要自己獨立。
保險係外國其實好普遍，係華人社會？比人感覺好似想呃你錢咁，我識一班大陸agent講到明只係想人買savings食大佣

我係咁睇,保險產品日新月異,E家買咗一份,可能過多5-6年又有份新D,保障多D既產品出黎
另外,其實每間公司個賣點都唔同,所以我覺得無最好,只有岩你既產品
但我睇最重要係自己既經驗,如果你本身跟開你個agent,令你有好體驗(好似你話幫到你手CLAIM錢),
我覺得就搵返佢買穩陣,至於佢賺你既佣,又有咩所謂,起碼有事上黎佢會幫到你手先,
我試過一次CLAIM BUPA,真係經歷過先知煩,打去個死人客服長期無人聽,我個BROKER幫手一齊打,
打到我個仔上埋病房都搵唔到人...個陣阿仔又喊又拉住你,老婆憂心忡忡咁樣無話唔煩

無話咩公司執唔執,依家呢個時勢,要執都無辦法,唔駛驚呢樣

如果我係你就搵返你老婆既朋友搞,但AIA裡面買D咩,你可以再睇
儲蓄危疾,醫療,我就覺得要
至於消耗危疾,人壽,意外,意外醫療,住院津貼,
我就覺得慳返好

佢個配搭應該係
儲蓄危疾係定死咗,下面加左一堆野係到(可以CUT既醫療,消耗危疾,人壽,意外,意外醫療,住院津貼等等),
而呢堆野係將來可以CUT,但儲蓄危疾就定死咗,將來你覺得唔需要係可以CUT
*因為我十年前AIA都係咁買.最後俾我CUT哂,得返儲備危疾係到

如果你買佢既高端醫療(即全數賠償,唔好分項),最好再睇下保障咩.
陪床費、出院前後門診保障都重要.
我就會直接揀0自付,大個再揀返有自付
因為自付費只可以向上,向下要再核保

其實係咪BOWTIE 搞掂
都係買黎驚佢有咩事, 可以即刻入私家唔洗慢慢等

買份0 墊既高端醫療先，等呀仔大個d , 大約 6~7 歲就轉返有墊底既，冇記錯由0 墊轉去有墊唔洗再核保。
正路就應該買埋危疾。

0-7歲係最需要醫療嘅時候
千祈好買有墊底費嘅保險
原因如下
一、通常墊底費係12000-25000不等，而呢個價正正係小朋友最常用嘅價錢。為咗平20-35%保費而硬食呢舊錢，得不償失。除非你份工有包埋家人嘅醫保。
二、如果唔好彩有啲咩氣管或者免疫系統嘅病，買咗有墊底就買唔返全保，好似樓上有位巴打提過，而家買0墊底，轉返有墊底係免核保嘅(前提係身體狀況無咩重大轉變，調返轉，如果有大轉變，更加唔會轉有墊底啦。)

至於危疾，好老實講，係有用嘅，因為由0歳開始供，少少哋三兩千一個月就買到50-80萬保額。第時佢大個再加保都可以輕鬆好多。

至於嗰啲住院現金或者意外跌打就多多益善啦，反正一年先一千幾百。

儲蓄保險嚟講，睇返你自己有無儲蓄習慣，因為買儲蓄保險不如買BRK.B 靈活性高得嚟回報都唔差，如果你真係唔信股票嘅，先考慮儲蓄保險。

利申：9年保險狗
你想問私人嘢先TG我啦，其他嘢可以呢度問呢度答
https://t.me/InsuDog

個人覺得大額住院係必須。 其他就睇需要啦

多謝意見，係之前睇呢到有位家長小朋友唔記得入院做d咩攪左6皮幾野，所以都想為小朋友買個保障

未玩過，試下先

其實對於小朋友，
人壽係一定唔洗買，
危疾就你自己諗下。

危疾你就當係賠生活費既concept,
例如一個成人確診左cancer,
咁你重返唔返工好？
因為電療化療個d基本上會令到你個人運作唔到，
咁你有危疾架話，確診就賠一筆俾你，
你就可以當做生活費

但對於小朋友，本生就唔需要收入，
但你就要諗你會唔會有需要辭左份工去照顧佢，
所以小朋友買危疾就比較optional

公司有冇醫療包埋個細先？
有就唔駛買或者買少啲

BB仔買保險最好買 cover 到半私家房或以上plan
因為大房未必下下有得陪床 (開多張床比你陪過夜瞓得舒服啲，如果唔係坐凳你好難訓到) ，同埋大房唔一定有位

買唔買危疾，醫保買兩份定一份過就睇你budget而定

醫保：有錢唔想煩咪 高端 0 墊底，可以之後再調高返墊底費，如果你公司醫保包埋 BB嘅，咪一開始就買份有幾萬蚊墊底費嘅 plan，保費慳唔少，咁墊底費，貴極都係有限錢

危疾：你有錢就咪買定，投資相連一律唔建議 (大把伏 case 自己搵) ，保額可以就返你個人工，因為預有咩事係你辭咗份工，或者請人工嚟照顧佢，加埋比啲醫保唔 cover 嘅雜費

Fwd同bowtie嘅自願醫保大家prefer邊個好價錢差唔多 我就傾向想bowtie(唔係跟agent唔怕孤兒單）

只要你個心覺得佢用唔到，你就會覺得晒

但那怕有一次佢用到，你就會覺得扺返哂，有買到

人就係咁

F記會好d 因為佢嘅醫療係唯一一個包到 八歲前發現先天性疾病

自願醫保比傳統醫療保險不同的地方，就是能保障受保人年滿8歲或以後出現或確診的先天性疾病。此類病種類繁多，包括心漏病、白血病、先天性心臟病等。 先天性疾病的醫療開支高昂，過往傳統保險一般不會賠償，自願醫保推出後，則可以填補此缺口。

得目前三隻產品可以的，vprime/vbooster/vcansurance 都係可以的

所以小朋友就冇乜特別選擇嘅，醫療基本上都係買佢，係其他唔同產品就可以選擇唔同公司
利申 我就係財經台保險post個位巴打