我指嘅問題從來都係錢係講緊,對好多香港人黎講,錢係唔生仔嘅最大影響因素,你講教育,政治呢d 問題,全部都係可以用錢就解決到嘅問題,有錢有選擇
香港讀書係辛苦係壓力大師資都越黎越差,但同時你比得起錢,香港讀間國際學校普普通通收你一萬蚊一個月仲未計有啲要買債券扎幾球係學校,比得起你小朋友都係返學同班鬼仔鬼妹hehehaha
政治的確你點有錢都唔會令香港個政府有唔同,但移民乜乜物物全部都係錢,你有錢預左個小朋友掉去外國讀書嘅,讀完中意就留低嗰邊發展定返黎佢可以話事嘅話,咁生仔難處唔係少左好多?
我都唔認為有人會因為呢兩萬蚊而生仔,但我好肯定如果佢係每月派兩萬,或者佢一筆過比一個改變到你生活嘅數,我可以話你知,香港人一定會仆住咁去生