馬田史高西斯《花月殺手》討論區

片長越短嘅先會越啱佢
最好10分鐘一套

今日係銅鑼灣睇,有個操普通話既中年男觀眾用個袋霸Q左我個位,我見俾佢霸住個位既格離無人,我又唔想同個阿叔坐咁近,所以都費事話佢,由得佢算
但個中年阿叔,睇睇下就同佢格離個女伴傾返一兩句劇情,都幾煩.....

d 中意mansplain 嘅中年阿叔真係…
睇戲都要講彩數

一開頭殺印第安人好震撼，覺得啲白人喪盡天良
殺吓殺吓就同戲入面啲人一樣麻木晒

次次呀舅父／李安納度話好愛mollie／印第安人，都覺得佢哋好虛偽

將本原著改得勁好睇，雖然今次由Ernest既角度出發，但係無減少到成單案既細節，以及Marty更加加入咗Osage人既文化，令到唔太熟既人都會有一定既概念，前半雖然節奏稱為慢，但確實有雖然將每個人物既性格background build up，再慢慢揭開每個人既真面目成個劇本既流暢度同豐富度，係令人surprise既，如果要講美中不足既話，應該係模糊咗原著企業剝削嗰部分，同埋Leo既演技

睇個陣好平淡
但後勁好強
呢啲先係好電影

ROLLER之後仲有?

配樂夠平淡反而令觀眾無咁易比配樂效果帶住氛圍
完全交翻比演技同畫面去lead

岩岩睇完上車 真係好攰

有無瞓著

有無人覺得里安納度仲係無乜影帝味演極都係同一個人咁

睇唔明點解Ernest要坐監？又話同FBI有deal ?

馬田啲戲套套都有好強後勁
會令你想坐係戲院睇埋credits,慢慢思考返套戲講咗啲咩

咁先係影帝味
佢係典型嘅舊式荷里活明星，即係你套套戲都認得出嗰個係humphrey bogart/cary grant，但每個角色嘅變化同形象嘅運用先係精彩之處

daniel day lewis嗰種超大變化嘅演技係之後嘅嘢嚟

咪好似hale咁講，fbi有deal都照做你
大佬殺咁多人唔通唔使坐咩，最多咪減刑

史實係佢判咗刑坐緊監之後先爆響口

我想問 喺但第安人文化入面 貓頭鷹真係純粹死前會見到 定係有咩喻意？
Lizzy q 死前 同 molly 都見到 之後話見到個戴帽男人= hale?

套戲輕輕講3K黨同共濟會
Hale重要係32級 （共濟會最高33級）除左掌控左Osage 外 好似見唔到其他野？
Byron 車Ernest 去懺悔個度就係共濟會會社？

覺得女主角選角同最後果幕有驚喜，中間其實好多陳腔濫調感，如果文戲黎講覺得情感拍得唔夠深入

呢套唔係用imax cam拍？

套戲已經悶 坐後面條友仲要又咳又索鼻足三個鐘 未睇真係唔洗入場

老實講，我覺得套嘢好悶。

個故仔其實由一開始，就已經打哂開口牌，白人唔好，原住民慘，頭15分鐘，你就已經好清楚，De Niro想要原居民嘅石油權，個問題只係佢要點做，同埋Leonardo到底喺個故事係咩位置。

但當你開始意識到，男主係幾咁蠢之後，個故事就再已經冇咩特別，只不過係男主畀佢舅父指指點點，有意無意，幫De Niro殺哂佢老婆啲姊妹，之後就決定棄暗投明。個故仔係完全冇咩特別。

唯一一個可以傾下嘅，就係最後Mollie問Ernest，到底佢幫自己打咗咩針。呢一Part係成套戲最好嘅地方，我自己個解讀就係，Mollie質疑Ernest，Ernest其實心知自己係做緊好錯嘅嘢，但做嘅原因係因為自己嘅私心，而唔係純粹因為佢舅父，而Ernest唔肯答，就係確定呢一點。呢一Part係真係幾好，但之前你要去捱咁耐，先去到呢度，真係好痛苦。有冇需要講Mollie咁多個姊妹嘅死呢?

另外，De Niro好戲，呢個就肯定，但係Leonardo個表演真係唔太好，佢嘅表情，其實就只有兩種，一個就係醉，一個就係:<，好好笑。

好正喎，三個半鐘但一啲都覺得悶
羅拔迪尼路個角色都幾似good fellas 角色，不過真係老啦睇到佢面容，同馬田唔知仲有冇機會合作