崇禎帝係唔係一個on9仔

依家咪就係話全部都中央集權囉
你識中史唔識中文？

明神宗咁玩法佢點努力都無用

溥儀算唔算黑仔成世都係比人控制咁濟

你都係唔了解當時嘅情況

咁你咪直接回應囉：

問心個句，畀你穿越，你係選擇做李自成、努爾哈赤 定 崇禎去玩先？

有時贏波唔係你自己踢得好
係對方表現實在太差

相反美國已經為正義開咗兩條戰線

其實你成段嘢都講得幾有道理，唯獨你紅色咗嗰段好撚有問題，我都可以好肯定咁回答你如果比我選擇一定選擇玩後金

詳細我之前都講過下，你自己可以入去睇睇

崇禎皇帝為何淪為最慘的亡國之君？
https://lih.kg/AKtmaiX
#283 回覆 - 分享自 LIHKG 討論區

明朝末年就好似西羅馬帝國崩潰嗰陣咁，你要戰場上面打贏一兩場仗咁當然好簡單，但國家機能嘅崩潰先至係帝國滅亡嘅原因，並唔係話地盤大資源多就有優勢

引用返大明劫入邊嘅對話：「天下糜爛，百姓從賊！皆因飢餓！百姓飢餓皆因無地可耕！得人心者得天下，你們知道甚麼是人心嗎？！人心，就是糧食！就是源源不斷的後備兵源！這就是為甚麼他李自成可以輸個十回八回，而我孫傳庭連一回也輸不起」

死局

孫傳庭為左糧草
得罪成班世家大族
最後被逼出戰
全軍覆沒

係個個時代
根本無野做到

一係就學左良玉
屠殺平民拎糧草
但後果就係農民兵愈剿愈多
殺之不盡

屌 真係冇糧咩
小冰河時期呢啲argument不值一駁
佢大清康乾個陣仲係小冰河 咪一樣頂到
仲人口增生添

江南仕紳大把狗大戶
係睇你夠唔夠狼死
呢個時候就算係 南漢個啲痴線佬 自私自利皇帝 都好用過 崇禎
殺咋
上面啲人話冇人用
你既天子家奴呢？ 廠衛呢？ 畀佢條傻鳩廢晒呀 【萬曆礦稅模式】
再creative啲 文臣都唔係鐵板一塊，可以拉一派打一派【嘉靖嚴嵩模式】，閹黨都大把人你用可以平衡下啦
文官唔盡心，你派啲 五服以外冇錢冇權既 宗室幫你去搶 幫你重新去丈量土地都得啦
手段真係多到冇朋友
但遇到個 愛惜名聲 自以為勤政愛民 自以為有手段既 傻西崇禎
外父啲錢都搶唔到
望下佢祖先 朱元璋啦，佢屈到老婆企喺自己個邊呀搶埋外父呀

你引述個段係從 文官既角度出發，仲要背後有個傻西老細
如果從掌權個個人出發 崇禎佢輸咗幾多場呀？ 輸咗過百場都有，都未滅國啦，佢大把機會走去南方玩 東晉南宋 劃江而治
最多資源唔係包贏，但可以有最大 容錯呀

你選努爾哈赤既理據係咩？因為對方係最終成功者？
做努爾哈赤，你既成功係要基於對方勁多錯誤
難聽啲講，對面個李自成唔係on9 入京拷餉，你都未必入到山海關
你個選擇仲衰過 做三國幽州公孫瓚

同埋做努爾哈赤 你sure你有手段搞得掂蒙古同八旗內部啲嘢？
個邊仲係一個相對鬆散既部落聯盟剛剛成形既國家
啲權力唔係完全因為你係首領就服你
係你要展示到手腕能力
你sure你穿越佢身上 你做到？ 三個月你都頂唔順可能就收皮了
崇禎個邊個 帝王權威有2000年歷史沉澱
你亂咁黎 有排人地都唔會踢走你

我覺得清朝尾六十年對皇帝黎講係地獄meta黎
內有慈禧 外有帝國主義

隋煬帝 就真係一個人改變國家

用全國之力打高句麗 打到自己亡國

睇佢會唔會打台灣, 佢一打台灣就直接收皮
家陣中共根本經唔起一場全面戰爭, 尤其是必輸

如果佢唔打台灣, 就可以長久統治落去
有老百姓起義, 就出解放軍鎮壓........現代軍隊 對老百姓 有絕對優勢, 唔似古代官兵 vs 起義軍咁, 大家武力差唔多

唐朝中後期果陣其實算好彩
無乜強勁外敵 , 當時吐蕃都衰弱, 無乜威脅
又無大型起義

主要威脅 都係各地割據既 節度使
但呢D 節度使 主要都係擁兵自立一方, 無諗住推翻皇帝
只要比D 甜頭佢地, 佢地就會扮歸順

隋煬帝呢??

有實權咁亡國

點解魏忠賢白手套呢d講法可以一直流傳
執掌內廷數年俾佢黨羽拎出口既政績就係完工三大殿同廢陜西商稅,都可以蔭其從孫為伯從子為公。明朝伯爵除左后戚外只封軍功卓越者,俞戚呢d功將犯政治錯誤都無份,李成梁掌遼東數十年加上無政治失誤先得封。公爵作為勳貴頂點要求更加嚴格,除左奪門之變投機晉封外 最後一個封公係有滅國之功(安南)既張輔
如果魏忠賢真係受人所制既“白手套”咁實行呢種衝擊政治秩序既斜封濫賞 天啟就真係政治白痴
而且崇禎年間一直起用太監督軍同掌鈔關榷利

唔係有13萬九邊軍??

只係 松錦之戰 輸哂

最起碼佢唔洗被人殺死.......
連中共都無殺佢

好多亡國之君都被殺

TLDR

上個post已經同第二個傻鳩嘈左太耐

呢個post唔想再浪費時間

明末軍餉發唔足
通常都係食空餉
用幾萬人既軍餉養一千幾百個家丁

所謂十幾萬邊軍
實際打得既
可能得一萬幾千家丁

大部份軍戶
連飯都食唔飽
臨戰向天開三戰
之後掉頭跑
已經對得住皇帝
正常做法係未開戰就直接掉頭跑

明末幾次大戰役
輸親都全軍覆沒

明朝個官僚制度
令崇禎根本收唔到錢
就算收到錢
發出去做軍資都比人貪曬
愈係加稅
民變就愈勁
但唔加稅又即死
到最後點做都死

最簡單就係比地方勢力發展自己既軍隊
但一開左先例就收唔番
漢末唐末既藩鎮割據
係明朝最極力防範
最後玩下玩下
成個明朝政府一兵一卒都無曬
突然間就猝死左

有好多人話崇禎向官紳宗室開刀收稅就解決到問題，呢班人真係打機打上腦，以為改革稅制就好似遊戲咁撳個掣就可以搞掂就算清朝盛世期間，雍正都要用10幾年時間先可以成功改革到稅制

喺崇貞年代，官紳宗室可以話係最後擁護大明嘅階級，如果用極端手段的呢班人交錢只會令政權加速瓦解

皇帝最大既敵人係士族

其實明朝有幾個皇帝想中興
但都落水而死
仲有好多不明不白既案件

崇禎逼d 大臣捐錢
之後自己個仔突然間就意外身亡

如果崇禎向士族開刀
我相信佢都可能落水而死

如果真係咁簡單就解決到問題就好

除非崇禎親自出去帶兵
自己打天下
有自己既軍隊支持
你走去殺曬d 士族都無問題

滿清入關
第一件事就係殺到d 世家大族收曬皮
攤丁入畝 永不加賦
呢八個字
背後死左幾百萬人先爭取到番黎

你講嘅嘢我基本上都同意
崇貞的確無咁既條件

少冰期、嚴重天災、官紳集團腐敗、財政枯竭、通貨緊縮（美洲同埋日本白銀當時都減少流入中國）、農民起義、邊患

真係諗唔到有邊個歷史時期會更艱難過當時

我嘅意見係崇貞當然係一個有缺陷嘅帝王，亦做咗唔少錯誤嘅決策，但當時的確係天要亡大明，並唔係憑皇帝一人之手就可以扭轉

其實史學家對慈禧既評價係點 記得睇過有個post係兩派嘈緊無左慈禧既話 清朝係咪會死得仲快

事實上，晚清財政收入喺中國帝制上嘅巔峰，宣統年間，財政收入係康雍乾盛世嘅五倍有多

打贏太平天國嗰陣可以話係形勢大好
只可惜中興止於甲午戰爭，而李鴻章要負上最大責任