一手居屋/綠置居/首置盤討論 - 13 (居屋2023已攪珠/首置盤煥然接受申請中)

對於舊居屋市場 放寬按揭只係增加需求 同供應完全無關 需求多咗就只有靠買家提價吸引業主增加供應量同成交 而多咗成交去咗舊居屋之後 半新居屋需求會減少 價量齊跌

至於私樓跌 主要係高息供貴過租 但居二市場主要買家係白居二同埋綠表富戶 佢哋一係買居二 一係收番公屋之後焗租私樓 而未補價舊居屋呎價偏低 同私樓租金比好易供平過租 加上唔使壓測包借九成甚至九成半 同買私樓根本係兩個市場 可以私樓有私樓繼續跌 居二有居二企穩甚至有得升

應該都係得靚位舊居屋會有一輪小升幅 但唔會多
除非真係好似d人ff咁公屋住左大量富戶要買樓
如果唔係好快就會消化晒d購買力
等半年就先真章啦

e.g. 啟悅苑a座近20號單位

樓梯？

岩岩抽到白居二，想問下各位巴打絲打有冇d咩野好介紹？小弟岩岩就睇緊愉翠苑，貪佢交通方便 d樓既實用面積都算大而且自己有揸車，嗰邊停車場亦都算多，所有配套設施都好似唔錯，但樓齡都已經20年多d,有啲心大心細
各位有冇d咩野好意見可以分享下？除咗港島區九龍新界都可以介紹下，thanks

天盛苑

上條天橋就係天水圍站，屯馬線去到尖東35分鐘左右，出市區巴士係尾站，去機場方便，去深圳灣半粒鐘以下

屋苑有個商場、街市，政府街市喺天水圍站隔離，穿過西鐵站可以去泳池、圖書館等

之前比半新樓屏欣苑㩒住嚟打，而家翻身

最最重要係康和式

缺點係附近有警署、消防局，某啲座向會密集地聽到救護車聲
而且個屋苑基本上係外人都可以自由出入

多謝介紹先，但係去到大西北 對於自己同埋另一半做嘢都唔太方便，未必考慮天盛苑
Btw,愉翠苑我上網睇都係康和式wor

天盛A-D座係和諧式
其他先係康和式

愉翠苑好似係有齊幾種康和式
不過有短樁醜聞，雖然而家嗰幾座冇問題、唔駛拆，但我都唔會考慮呢個屋苑

多謝師兄，可唔可以分享吓點解唔會考慮呢個屋苑？同埋以你見解有乜嘢屋苑可以介紹吓？

有冇人知點樣查返當初填入息個數
網上報果時一下填晒有既資產
好驚手填既數同網上報既數唔同

條數唔同無問題，唔超過上限就得

純粹係短樁事件，所以對個屋苑冇信心

其實咩屋苑都係睇返個人、家庭要咩地區，budget

我覺得早期嘅房協、私人參建、房署康和式最理想，但近年房協質素普通，漏水問題都唔少，不過個則真係實用

再比較樓齡相若，有啲睇落新淨/殘舊，就知道屋苑管理上係點
有啲法團係純自住，所以乜都慳，管理費平；有啲就整到乾淨企理，但管理費貴啲

樓齡舊嘅，就盡量搵啱啱做完大維修，否則住兩年又話夾錢，住得唔安落又麻煩

咩屋苑、單位都有優缺點，最緊要缺點係自己接受到，唔好比一小個優點蒙蔽哂

白核兩人家庭
如果兩個人都搵齊哂12個月糧單可以交
重要唔要交埋mpf果啲報表
見本身糧單都寫左每月供幾多mpf
因為屋企人未必搵到mpf嘅文件

其實自僱人士點樣有個入息證明
自己填入息，自己證明自己?

BIR60?

交咗審查信後，房署會唔會通知番我 佢地收到我啲文件？
我打去房署 轉駁到1823 1823呢家又掟番比房署處理

你有d咩都要照交，冇嘅就睇主任需唔需要你補

有問題先會搵你
你如果真係想搵房署職員,email或者去樂富

到真係中咗主任會叫你了隻字聲明返最新入息/資産

依家係第一次叫你報收入資産？
印象中交完無通知，除非有野錯漏要你update

問房署，或者乜都比曬佢

係 第一次 申報資產
明白哂 唔該

原來2018啟朗苑都係賣緊七千二/呎
因為折扣率少咗
今年啟德已經賣緊九千幾（交通配套差唔多）

今期三安會唔會吸引到人轉會?
個出入口位其實係近城哥首置盤同安秀

根據運輸及物流局近日公開的路線圖，見到東九線會由彩虹站，途經彩雲、順利、順安、秀茂坪、寶達、馬游塘，最後再「過山」往油塘站。另外，政府會設行人通道接駁到安達臣道一帶。