【颱風追擊】2314號熱帶氣旋小犬 KOINU(14W) + 2315號熱帶氣旋布拉萬 BOLAVEN(15W) #12

唔同意，要轉就轉大美督，起碼容易烈風

越嚟越靚仔

咁有啲19老闆要人8號風球返工 9號先放人
其實應該係要屌柒間公司 唔係屌天文台

yes，好多人個方向都錯曬
你話有啲必要性既行業，例如醫護，保安依啲就無得講啦，如果唔係，其他零售飲食依啲，其實咪就係啲老闆要賺到盡，8號風球都要人返工，之後上到9號又唔去安排啲同事返屋企既方法，咪攪到咁，怪得邊個？

唔知有無機會挑戰瑪娃個風王寶座呢

再順手屌埋自己要返份9號先放人嘅閪工

布仔好撚勁

非常靚仔

成個西太平洋任佢玩

布仔好恐怖下

呢個真

睇返天氣預報 天氣終於真係涼落黎了

但9號本身就係10號嘅預警
出pre9即係要大交合預測一個預測嘅預測

等左好耐了

宜鬆不宜緊唔代表九號風球出強三風力呢件事係冇反思空間。

好簡單咁講，今次九號風球導致萬幾人滯留機場。如果我係抵港旅客或者返港既人，我聽到天氣差所以冇公共交通，我第一反應應該係：天氣差既話，點解萬幾人既航班可以順利降落？而家唔係講緊幾百人，係萬幾人。

大交合今次出九既理由好簡單，就係黃茅洲颶風，喺現行機制同業務運作上當然冇錯。問題出於，九號講到尾係颶風預警，唔係香港以南海域颶風報告。每個風暴既移動速度、結構等都唔同，正如橫瀾島有烈風都唔代表要出八，點解而家九號淪為咁機械化操作？

風球系統優勢係容易理解，九號勁過八號，八號勁過三號。我地氣象迷知道佢係颶風預警，而十號都只需要一個海平面站達標（唔同八號理論上需要八站或者維港達標），但唔可以期待大眾有咁深入理解。

今次九號出強三風力，下次八號黎個帕卡再世，因為冇颱風所以死守強八，其實長遠黎講係咪導致風球系統同大眾基本理解脫軌？

今次係個風太細

天文台某程度又錯唔晒
不過今次細到北跳3格都未必中

一單還一單
滯留機場呢單嘢擺明係港鐵問題 多過警告制度/交合問題喎

唔知道大風唔一定影響航班係知識問題
但呢樣唔係常識，有得解決架咩

天氣差就有機會冇公共交通就常識黎架bor
未講九號，上八號都仲咁多公共交通其實就唔係一件正常事
呢個根本就係個期望本身唔正常bor

所以我好強調係規模問題，而家唔係講緊幾百人滯留機場，係萬幾人。九號風球可以航班正常升降到萬幾人順利抵港（然後出唔到市區），呢件事本身就係史無前例，反映既係呢個九號風球帶黎既風力本身就同往例完全唔對稱。

JMA 上望 115kt

其實關西機場都成日係咁
佢地仲要風力都未必到烈風就停
至少今次我地係有烈風既

所以我睇唔出呢個問題有得解，而且本身呢個就唔見得係問題….

過往八號風球都有人滯留機場，甚至冬天返西北風都可以一堆航班取消，但萬幾人滯留機場係史無前例。

嗰問題出於，飛機基於機場當時天氣，主觀判斷可以繼續升降，因為當時機場吹強風，風向係非側風既東北風。而港鐵基於九號信號發出，就一刀切暫停所有服務，咁呢件事必然係爆炸收場。

咁要解決呢個問題，一係機場升降一刀切啲，一係港鐵服務冇咁一刀切，而家檢討方向似乎係後者。但問題又黎啦。如果港鐵服務冇咁一刀切，其實係咪變相要港鐵主觀判斷咩既九號風球大風啲，咩既九號風球冇咁大風呢？如果九號風球唔可以咁早預警既原因係颶風可以黎得好快，颶風可以好危險，咁其實港鐵九號風球一刀切，先係符合公眾安全既做法架喎。

當然，現行操作上，港鐵係比公眾早得知幾時上九號風球。咁問題又黎啦，既然港鐵可以早得知，公眾自然會問點解唔可以提早公布埋俾佢地知呢？

機場今次冇烈風。