［警世］冇咩必要唔好申請ZMA

食飯擰轉面 · 2023-10-04T00:07:40+08:00

是咁的，小弟架車本身有ZMA（港珠澳大橋澳門口岸泊車轉乘）係8月頭嘅時候，係珠海地段比一部澳門車R波一野隊咗落我車頭到，即場報咗大陸交警，當時部澳門車主動承認責任，交警判咗對方全責，之後就係claim對方保險，呢到開始奶撚曬野。相信冇咩人係ZMA嘅路段有交通意外，我都嘗試搵相關嘅案例我係搵唔到嘅，之後就同對家大陸保險交涉，對方好爽快，叫我去珠海指定嘅地方整車，唔會收費，都唔似香港保險計折舊等等。問題就嚟，我係ZMA係唔會入到珠海市區，只係路過港珠澳大橋大陸段，咁我係唔會入到去整車。之後又同對方交涉一輪，對方可以比我係香港整，但係只可以按大陸嘅標準claim返錢，心水清都知大陸嘅價錢比多一倍香港都唔會整到。去到最後我放棄咗，自己搞返個ZMB（港車北上）去珠海市區嘅理賠點維修。亦都好彩架車傷得唔嚴重，行得走得唔駛拖返香港。所以想忠告各位，如果想去澳門口岸泊車轉乘就搞ZMB去，無謂一陣有交通意外都冇仇報。