［警世］冇咩必要唔好申請ZMA

是咁的，小弟架車本身有ZMA（港珠澳大橋澳門口岸泊車轉乘）

係8月頭嘅時候，係珠海地段比一部澳門車R波一野隊咗落我車頭到，即場報咗大陸交警，當時部澳門車主動承認責任，交警判咗對方全責，之後就係claim對方保險，呢到開始奶撚曬野。

相信冇咩人係ZMA嘅路段有交通意外，我都嘗試搵相關嘅案例我係搵唔到嘅，之後就同對家大陸保險交涉，對方好爽快，叫我去珠海指定嘅地方整車，唔會收費，都唔似香港保險計折舊等等。

問題就嚟，我係ZMA係唔會入到珠海市區，只係路過港珠澳大橋大陸段，咁我係唔會入到去整車。之後又同對方交涉一輪，對方可以比我係香港整，但係只可以按大陸嘅標準claim返錢，心水清都知大陸嘅價錢比多一倍香港都唔會整到。

去到最後我放棄咗，自己搞返個ZMB（港車北上）去珠海市區嘅理賠點維修。亦都好彩架車傷得唔嚴重，行得走得唔駛拖返香港。

所以想忠告各位，如果想去澳門口岸泊車轉乘就搞ZMB去，無謂一陣有交通意外都冇仇報。

又唔係入到去澳門市區就坐金巴算啦
慢唔得幾多，出左關都係要坐架垃圾101x/102x兜足十幾個圈

再唔係就直接坐船，一出關就有發財車任坐，先係最快

因為人多揸車去平過金巴先搞 結果玩鳩自己

幾值得諗既case
有無試過問中港拖車咁既case搞唔搞到

ZMA 贏係番香港個程
澳門一出境直奔屋企
見識過港珠澳香港關
巴士上唔到
的士排長龍
加錢call車都無車

Btw
由屋企落樓攞車再入澳門境
全程一個鐘
點坐都唔會夠揸車快

撞爛咗都過到中檢/中女驗車

有樣嘢叫泊喺香港口岸停車場

但金巴130來回 兩個已經260 夠泊車
橋錢都係300 泊車免費
ZMA 唔駛等車 點到點 差好遠

住大西北搞返ZMA最好
唔洗上落車+排隊等金巴, 最少慳6-9個字
大西北個位去搭船又唔會近左

香港個停車場就算鳩數啦, 又貴又少位又要一早預約, 仲要日曬雨淋, zma 去幾次已經抵返

ZMA好似要整張1年許可證$540？加埋保險幾錢？

最搵香港人笨既位係
澳門過橋唔洗錢
大陸過橋平香港2/3左右
條橋用最多又係香港人

呢樣真 所以佢地宜家玩爛左 抵撚死
不過我整左ZMB

澳門過橋唔洗錢咩真係唔知

搭黑的咪得囉

露天已經笑死人

提提大家，已經申請咗港車北上(ZMB)既朋友，係已經包咗澳門口岸泊車轉乘(ZMA)...

邊個位珠海段可以比人 R波撞？

入東停車場唔係要zma 個號碼登記架咩

大陸保 900左右
澳門保 9日 $82

不過而家整就直接整 zmb 啦

提提大家，已經申請咗港車北上(ZMB)既朋友，係已經包咗澳門口岸泊車轉乘(ZMA)，無需另外申請，只要買澳門保就可以直接泊入去澳門口岸東停車場。

我意思..第一去東停車場唔係要zma個號碼upload平台咩...
zmb 你肯定upload到東停車場

其實係你唔同佢玩姐
澳門狗撞你 你唔一定用佢保險Claim
你係澳門告佢，佢自己refer保險啦

上次去澳門市內坐的士
吹水個陣司機個司機講, 佢地都feel到成條橋都係搵香港人笨