［文字直播］挑戰兩日一夜鳳經全走

行過三次鳳徑全走, 都覺得好正

趁未有明日大嶼同南大嶼發展, 想去就去返次啦

大嶼山其實真係好靚。

第一日行第一至三段，大約五個鐘行咗15km，第二日行第四至十二段，大約十二個鐘行埋剩低果55km。

就咁睇好似第二日行得快好多，但其實第一日比第二日更加辛苦。 第一日要喺酷熱天氣下連續上落大東山同鳳凰山，比預計中嘅速度慢，每次停低休息其實都係因為熱多過攰，好彩都有帶足夠水同電解質。

人類喺大自然面前其實好渺小，行山除咗睇體能同自己狀態之外，都要時刻留意天氣同環境變化，例如打風同黑暴之後好多樹枝都冧低咗，本來預可以跑嘅路段都要彎腰慢行，又例如就快去到梅窩嘅時候，又出現牛大哥攔路食草嘅情況。

雖然有好多預料之外嘅事，但都係咁先令到呢次旅程更獨特。

就算之後再全走多次，見到嘅景色都唔再一樣。

每個人都有自己嘅節奏，唔需要同人鬥快，因為你唔會知道人哋行咗幾多，亦唔會知人哋仲有幾多要行。

快慢未必係最緊要，只要堅持，就可以去到終點。

記得要量力而為，真係受傷或者頂唔緊，可以擇日再戰，人無事先可以做世界冠軍

明日大嶼上馬前 記得去影全景記錄
而家間中都會上去 有次企係度憑弔 有個鬼佬問我知唔知會填海 支唔支持
跟著傾咗一陣

其實第一日巴打用5個鐘都係快
嚟緊打算12月行一次 真係要慢行享受下靚景

都唔到我地支唔支持...

仲有個南大嶼發展, 好似話整咩架空道路, 到時又插黎插去

可能因為真係太熱所以都無乜停低睇風景

呢啲天氣先有高清景 但真係好熱

有同個鬼佬講 根本冇得揀唔支持

樓主打capation時尷唔尷尬

其實靈會山 去分流頂 個邊靚到好似外國咁
但鳳凰徑就行下面

樓主住中途宿舍

留名

仲有少少肌肉痛

正常一下行咁多喎
休息多兩日就ok