［文字直播］挑戰兩日一夜鳳經全走

話說小弟啱啱快閃完台北，噚日帶住宿醉同唔夠瞓嘅狀態返到香港，瞓返十二個鐘補下眠，今日就出發去挑戰鳳徑全走。

原本有諗過三日兩夜走營，但又唔想揹住太重嘅gear上山落山，所以最後決定第一日行一至三段然後住旅舍，第二日早啲出發，半行半跑咁chur埋淨低四至十二段。

今日個太陽有啲惡毒，希望可以順利完成。

九月二十六日朝早11點，梅窩碼頭，拉埋筋就正式出發。

唔好意思主題已經有錯別字

應該係鳳徑至啱

鳳凰徑第1段

梅窩碼頭 ->>南山燒烤區

2.5公里微微上斜全部都係行人路，可能因為平日同天氣比較熱嘅關係，完全無撞到行山客。


鳳凰徑1段 done

原來有得住旅舍咁玩

支持
住昂坪嗰間青旅? 到時可否講下入面係點 有啲興趣住

Live?

再看不到遍地松果的時候，頭頂也再沒有大樹為我遮蔭。

天氣比想像中酷熱，爬升速度比平時上山要慢得多。

咁博命, 訓又訓得少
仲要揀呢個天氣

我有一剎以為水漥比我更討厭烈日，直到我想起要透過蒸發，它才能回到大海。

會keep住飲水！

等我包膠

不過今日幾大風
(利申 今日早上去完紫羅渣甸畢拿同龍脊)

加油!

過左500米之後開始涼爽

支持

不足二十四小時，我再次降落在機場跑道。

沿途碰到一個爛頭營主人，與他的兩隻狗漫步下山。






鳳凰徑2段

南山 -->雙東坳 -->大東山爛頭營 -->伯公坳

第2段 done

樓主好波

加油，下次你可以試吓挑戰4徑全走，睇吓快唔快得過聰sir

真係幾好天

聰SIR個紀錄我覺得10年內都無乜邊個香港人破到, 四徑仲要每年都加D難度

我呢啲新手過下癮㗎咋

邊有可能同聰sir 比

鳳凰徑3段
伯公坳--> 鳳凰山--> 昂坪心經簡林

喺伯公坳快食咗個飯糰之後就繼續上路（台北family mart啲飯糰真係又平又好食過華御結好多）

鳳凰山係今次全走第二個大佬，雖然比起大東山更加無遮無掩，但今日啲風都算幾體貼，涼爽得嚟又唔會吹到頭痛。

最後五點前去到昂坪，趁市集啲餐廳六點閂門前食晚飯，入面亦都有7-11可以補給，不過都係收六點。

之後行咗十分鐘去青年旅舍，我係喺booking.com訂，不過去到check-in先知要再做青年旅舍會員。

有廚房同二十四小時冷熱水，有得沖涼，間房都有冷氣。

3段 done

準備聽日4點起身，仲有五十幾km要行

大嶼山啲景真係一流
樓豬記得飲多啲水啊