分享下你地解決鼻鼾嘅方法

我分享下個人經歷，鼻鼾咗差不多10年。
以前自己一條友嘈唔到人就由得佢，因為瞓醒無特別唔舒服就算。
係自從追到而家老婆，佢又特別醒瞓。去旅行嘈幾日佢都已經頂唔順。
咁先開始諗方法搞，都試過唔同方法係度share下。

我178/72kg，無運動習慣，口腔軟組織大，瞓覺放鬆壓住氣喉做成鼻鼾。
用過嘅方法如下
好似無用：
- 鼻鼾槍 （美容院果啲）
其實我就做過唔係好多次，大約4-5次左右，老婆話好似細聲咗但好輕微。

- 止鼻鼾枕頭
買過一個，設計係托高條頸黎瞓等個軟顎組織唔好落去，打側瞓係有啲效，但瞓得多條頸同膊頭好痠痛。

有用(但要keep住)：
- 中醫＋針灸電療
睇過個中醫，同肥胖同濕熱有關。用針炙針下巴再加某啲穴位，再配合中醫嘅藥同你去濕。真係針落去頭1-2次已經有效果。另外就靠飲食＋適量運動（佢會建議你去游水）。佢係要你戒煙同酒，盡量飲少啲凍嘢。我本身唔食煙，間唔中飲下酒，果排都戒埋。但自己忍唔住口飲凍嘢，同埋無恒心做運動。所以做完果個療程後唔繼續去，過多半年就有番鼻鼾。但果段時間老婆話真係靜番好多。

有用(但幾年要課一次金)：
- 牙套
搵過間做止鼻鼾牙套嘅中心做，係work。鼻鼾聲細咗超級多，有時係無。不過真係貴，做1個大概二千幾，同埋始終啲膠會老化/變型，用大概3年左右就會因為變型而無效，咁你就要去做過個新嘅。好處係你去旅行都係帶多個牙套去就大家都開開心心去玩，壞處係初時帶係有啲唔舒服，但點都舒服過晚晚做廳長。

跟住就講啲我聽過或者係身邊朋友做過嘅方法：
有用(但貴)
- 做手術（醫院射頻槍燒軟組織）
有朋友上年做過，有效。但做完等傷口埋果段時間時不時滲血，同埋會聞到燒著嘢嘅味道。不過都係果句，唔減肥同控制飲食就好快翻發。但你有錢嘅話呢啲就唔係問題。

唔好做
- 割吊鐘
聽過有case係去到醫院檢查完要割軟組織，仲要割埋吊鐘。果個人信醫生講就做埋，割咗吊鐘食嘢係超級易落錯格，吊鐘係一個Sensor係俾氣喉開合。呢個要小心。

分享下啲你地試過嘅方法，有冇用都share下。

仲有一種情況係本身如果你係下顎比較短，即係會導致所謂天包地(正顎)，下巴會向後縮，條脷都跟住一齊後縮，一訓著教肌肉放鬆，條脷就會塞住個喉嚨導致打鼻寒

cpap

學野

我係合撚埋個口訓就無鼻鼾聲

屋企人做過手術都係冇用

打側瞓，合埋口，自然無鼻鼾

3年2000幾好似都還好

唔用睡眠呼吸機？

原來啲止鼾針冇用，我本身都想試，多謝分享，或者我會試做牙套

止鼾*槍

用緊鼻鼾貼，由全屋聽到到而家細聲到另一半起我隔離訓得著
冇咩特別嘅話貼一世就算

減肥好緊要

瞓著咗就控制唔到個人係咪打側同個口係咪合埋

呼吸機
唔好走去開刀, 冇用
直接買部搞店

我初時都得，打側瞓就無。
但可能後來肥咗啲，同埋有時瞓瞓下會自然變番仰臥，然後就會俾人直直bird極。

有d人係會咁，有d tool可以控制

用緊呼吸機，好有用。
減肥可以減輕症狀，應該止唔哂，
我瘦果陣都已經有鼻寒（70kg/180高）

Ching係咪貼鼻果啲?

降噪耳機
試完返唔到轉頭

鼻鼾真係好撚on9
我本身唔肥 有做開運動 體脂15%
天生身體構造問題 訓覺側身閉口都有鼻鼾
前女友極度訓醒 少少聲都嘈醒
我訓佢隔離 佢無一日有覺好訓
最後磨合唔到分左手

Ching有無咩牌子推介?

累都係原因之一
如果唔夠訓身體透支狀態
你會明顯感受到軟組織無力一PAT野下墜感
所以生活習慣好重要，特別都市人，長期唔夠訓

前題係唔窒息

減肥啦pk