尖沙咀TAPA ROOM 出埋啲垃圾西班牙菜

輻射JJ · 2023-09-19T13:52:19+08:00

真係未試過一間咁難食嘅中高價位西餐個嘅嘢食係隨畤間咁質素向下開始兩杯餐酒係全餐最好飲嘅嘢不過唔好意思我無影相因為我唔知之後嘅嘢食愈嚟愈難頂開胃菜：慢煮八爪魚味道正常蕃茄、紅椒粒、欖油為主要調味配料一般般前菜：呢樣係好簡單煎蛋炸煙肉炸薯條。三樣嘢可以話係咁啱係同一兜出嚟咁解同埋我見唔到啲薯條有皮 (題外話：如果你想分別咩係原粒薯仔整出嚟嘅薯條，通常薯條頭係有啲薯仔皮）主菜：金玉其外敗絮其中。絕對對唔住呢個地段嘅食飯質素。第一點：相入面有三隻紅蝦，三隻都係入口即化，我唔係讚緊佢，係因為啲蝦肉霉㗎，坐我後面嗰台都有人投訴，問：「啲蝦邊度嚟？佢嘅肉質係咪應該爽口唔應該霉？」經理答：「係阿根廷紅蝦。啲蝦肉質本身就係咁。」個下我同我女朋友笑咗出嚟。我自問唔係咩食評家，但我都喺香港食過幾次「冰鮮阿根廷紅蝦」，佢嘅肉質絕對唔係你所講嘅霉。你咁樣呃個客身為飲食業，你會唔會覺得有啲冇良心？第二點：個飯嘅質地，佢呢米煮得太熟，一般西班牙/ 意大利飯都係飯粒飽滿，但中間有硬心。不過呢碟飯放喺華人角度係無問題因為全部都係淋但喺西班牙角度就好大問題，一啲正宗嘅嘢都無。肉主菜：整定我咁大個人都末試過1吋厚嘅豬扒入面乾嘅，調味係唔差，但係肉入面係一的汁水都無。食呢𡚒嘢我唔吐落地度係我對自己要求，但估唔到呢間餐廳對食物嘅要求比我嘅標準更加低 D薯仔粒上面，明明冇醬汁，但嚟到嗰陣時已經係軟晒，而且係唔熱每一件事都係唔應該發生，有一個可能我假設：塊豬扒一早整定，然後包保鮮紙擺落冰箱，有order嘅時候就擺落微波爐解凍，所以先會咁乾。啲薯仔粒一收到order嘅時候，唔理個客有布食前菜？就即刻炸，然後擺上碟。所以先會咁淋。甜品：下？咩嚟㗎？相入面三樣嘢分別係 churros炸油條蛋白玉桂西多士芝士蛋糕上面我話個西班牙飯唔正宗，但呢個炸油條好正宗，佢係完全唔落奶製品，和尚嚟到都唔會破戒，如果佢有落奶，個油條都唔會咁卡頸蛋白西多士個心好似末熟，個心嘅情況就好似你煮粟米羹唔記得落粟米個口感個芝士蛋糕食落去起沙最後兩個人食左$887 打卡舖頭一間如果你真係想食好嘢可以揀過第二間我會將佢列入黑名單