港產片仲需要大家多多支持(61) [七月返歸/說笑之人/我們的十八歲/紮職2/4拍4家族]

尋日我本身都諗住問


我睇嗰場謝票場都有唔少人舉手係第一次睇
我覺得如果要跑好多場，答唔到咁多，都俾人問一個半個問題
可以交流下
當然只係個人意見

咁人地覺得好，你去否定人就話人係吹，咁又唔係咁好

至於其他場口如果話做得木啲
我就唔係好覺
反而我覺得係可能未係好有經驗，未做到一個好有創作性嘅演員

但係邊句有吹大？
又無嗰啲浮誇野乜乜演技大爆發

你鍾意啦 你覺得好睇咪得囉 反正我就冇下次

我只能話
下下用千字文嚟覆一啲反對意見 其實會比到嗰個人好大壓力
好多人會懶得覆，或者費事覆
你覺得自己係幫個演員解畫 但係其實係反而令到個演員路人緣更加受損
因為只會令人留下一個印象係做得唔好都唔俾講
當然我唔係淨係針對AK 包括其他演員，甚至係其他港產片

我都覺得有d位係導演可以分享多少少 同埋試吓答唔同類型既問題
我琴日都有睇謝票場 都見幾多人想問問題都問唔到
都係想睇完套戲深入了解
我覺得謝票場應該都要解答下d人嘅問題 有啲人真係第一次睇 唔係個個都睇咗好多次 因為有啲真係係街客唔係想打卡派禮物嗰啲 係真係想深入了解套戲

以前謝票場無咁趕
啲演員導演可以留耐啲
但而家趕頭趕命打卡影相就算咁
好難望有咩深度分享

咁即係我唔可以表達意見？
況且我持相反意見，我有無攻擊你？
定係唔可以同你持相反意見，只可以附和你？
acknowledge 左你講佢木嘅問題，再表示反對，解釋返個可能性
呢樣野對你黎講好offensive？
藝術淨係可以得一把聲？

btw 我不嬲以為討論係理性冷靜有禮貌就夠
我無諗過原來長都係錯
咁我唯有道歉

再by 多個the way
唔俾講嘅係邊啲人？
我淨係要求自己負評少講，唔中意一係唔講，淨係中意先講
我有要求其他人咁做？
相反，前面先有人講到人地「呢啲都讚得落」
我先搬馬田史高西斯出黎

依家邊種講法先係踩低表達意見嘅人？
我有無話你唔識欣賞呀？
我用字都好mild 咁話 否定人就話吹唔係咁好
你話佢木咪木，話佢前面成日「吓」都得，好虛浮
除左驚恐可以用呼吸法去帶情緒，其餘係做得普通
如果你係咁樣就住佢嘅演法去講係好歡迎格

所以搞清楚，我寫幾長幾短都好
我唔係反對啲負面評價，都唔反對啲讚我麻麻嘅戲嘅評價
我係反對嗰啲睇唔起其他評價，講到啲野死晒嘅講法

oh sorry，好似又太長
希望你唔好覺得有壓力

講明謝票場唔係映後談
唔好預期會有導演深度Q&A囉
D fans唔問尷尬on9問題已經謝天謝地

AK演技頭半場講真好難頂
開始入局之後都感覺到係有D戲
不過好同意冇得同窄路AY比

諗起4444謝票場有fans問盜月者嘅嘢

慘
啲fans 當係見面會
我覺得呢啲問題佢地自己包場問飽佢is ok
公開有街客嘅唔該問返套戲

鏡片謝票場來講
呢類問題已經唔算O嘴
起碼同港產片有關

我好少回覆千字文，因為一嚟好容易泥漿摔角，二來會影響之後嗰啲人追post，但係我嘗試歸納下你嘅論點以後再回覆返嚟

1. 我從來冇話過你唔俾有相反意見，我都唔知你邊度覺得我個咁諗
我甚至第一句已經講咗，你可以繼續鍾意，只不過我唔鍾意
相反的係 我好想反問你一句 係咪唔鍾意就冇資格講？
藝術淨係可以得一把支持聲？套戲收到負評對你黎講好offensive？
點解一定要將人由唔鍾意游說度變成鍾意？

2. 你話我否定人哋嘅講法
咁好正常喎 我因為佢講嘅嘢先入場
然後入咗場先發現貨不對辦，咁都唔可以出聲？
佢自己將江𤒹生同袁澧林比較先 我睇完覺得完全冇可比性 咁都唔否定得？

3. 都係最重要嘅一點
你雖然話好歡迎人哋嘅意見 但係其實言語之間都喺度否定緊人哋意見 咁又點會有人同你傾呢
就算人哋覺得「呢啲戲都讚得落？」咁又點？係咪唔俾講？
淨係比講啲正面意見？

其實好多時候入場睇戲，有啲時候係為咗睇藝術嘢 但係有啲時候好簡單，只係為咗一啲娛樂
一個觀眾入完場，連簡單兩句情緒抒發感想都唔得，係要吓吓好似做閱讀報告咁樣寫長篇大論，性格行為開始分析，分點列明點解唔鍾意
呢個門檻會唔會太高 咁到時候得返少部份觀眾入場就真係唔好怪人

以前港產片post有句嘢大約意思係「唔係唔歡迎屌，但係要入咗場睇左先屌」
估唔到而家進化到連入左場都唔俾屌

窄路AY係金像金馬雙金影后提名來的

回應下ching第二點
個人認為監製比較佢地兩個唔係比較緊佢地演技
而係好似我係#186所講
部份人會唔中意AY，但至少唔會因為AY而discredit整套作品
講真AY開始做戲嗰陣AK都未出道，演技方面邊會有可比性
(當然唔排除真係有啲天才型演員第一次拍戲已經勁過好多前輩，不過有幾多呢啲天才)

泥漿摔角先好睇
先有正反兩面嘅觀點
唔似某套戲d fans集體釀魂

除咗要有基本尊重外，換個角度
同時都係個機會學習下點同人講嘢

講少少七月

呢度無集體釀魂呀
都有正有反

1. 重申左好多次
無話無資格講
我嗰句都係好mild 咁話貶低人comment 唔係咁好
你返轉頭睇返我個講法

亦無迫人鍾意游說
因為唔需要鍾意，現實世界個運作只有接唔接受
你鍾唔鍾意都好，個世界會唔會變左運作方式？
咁但係列舉論據就叫迫人鍾意？

2. 你認有咁樣做就ok
我都只係話唔係咁好
人地可以係真心相信
再加上你quote 監製個講法，我依然係認為佢講嘅唔係直接將AK同AY 比，而係比較緊網上聲浪對兩個人嘅比較

3. 個問題係嗰句說話唔係關於套戲正面意見定負面意見
而係關於對其他人嘅評論
我有邊句發爛炸屌人屌啲戲？
我係屌人屌其他人講到啲野死晒，好似唔俾人讚咁
好似華人家長嗰啲，啲野唔係90分都唔讚得咁，所以先話自帶仇恨bgm，同埋搬史高西斯出黎
所以你搞清楚我個講法

有人覺得套戲好，套戲壞，唔同睇法就梗架啦
覺得套戲好嘅要俾你地講到係吹大左？
覺得套戲好嘅要俾你地講話「呢啲戲都讚得落？」
都係嗰句，你comment 套戲就comment 套戲
就算我comment 返你睇法，我都acknowledge 左你睇法先

亦都唔好曲解到我要求邊個（更何況要求唔到）
講親要長篇大論
我補充嘅例子係建議要針對返套戲或者演員 etc 去講
除非你覺得「呢啲戲都讚得落？」、「吹大左」呢啲都叫做係針對套戲而唔係針對其他人嘅comment

你曲解我意思，話我唔准人屌，我唯有重申立場

我覺得個氣氛係有做出嚟 音效都幾好 劇本同演技就唔屌了 唔止ak 譚育英都 反而太保係水準之上

我補充嘅例子係建議要針對返套戲或者演員 etc 去講
除非你覺得「呢啲戲都讚得落？」、「吹大左」呢啲都叫做係針對套戲而唔係針對其他人嘅comment

《銀河守護隊》結局篇首波影評大讚 《終局之戰》後最好的Marvel作品
- 分享自 LIHKG 討論區
https://lih.kg/3370602

唔知你點解會覺得 唔可以評論人哋嘅影評
根本唔止港產片 全世界啲電影都有呢個情況㗎啦

而且最搞笑係 一方面叫我唔好針對其他人嘅comment
另一方面，你又針對緊我嘅comment

唔知你點解會覺得 唔可以評論人哋嘅影評
根本唔止港產片 全世界啲電影都有呢個情況㗎啦

首先我唔知人地係點樣評論其他人嘅評論
都可以有分尊重人地意見嘅方式去評其他人嘅評論
亦都可以唔尊重咁去評其他人

咁呢樣野唔使quote 全世界有無呢個情況
要個討論風氣就都係尊重其他意見比較好
都要搞清楚，反對唔代表唔尊重

用返你開我波前，我嘅reply做例子
先係話個講法唔係咁好
然後你話木，我都acknowledge 完先再提出反對，解釋返可能係創作力未夠
唔通我話「話佢木嘅都唔識睇戲架」、「亂咁踩人」，咁樣呀？

我個例子咪就係comment on comment 都係引導返去套戲同演員本身嘅討論
而跟住你唔係引返落套戲，而係comment 我講野長氣乜乜乜

所以請你搞清楚comment on comment 一樣可以係返返套戲
而依家你話我針對你comment，咁公道格，你本身係繼續講套戲咪繼續講套戲
你好地地講我做乜唧

唔係你主動插隻腳入嚟comment 我，我唔會comment你
唔想覆你了 個討論已經變得無意義

我理解監製Mani嘅意思唔係話AK做得好過AY，佢係話啲人一見AK係偶像就先入為主，直程連套戲都ban埋，佢無話AK做得好，而係啲人睇都無睇已經直接話佢唔好，佢想啲人公平啲睇完先判

其實佢呢個問題，我覺得某程度上關佢哋宣傳嘅方向太重視AK事，所有poster 都得AK大頭，白靈jiejie又大戲裝無人認得

有巴打講卡士係強，俾人知道上咗啲人就入場。佢依家宣傳嘅問題就係連個卡士除咗AK以外其他有咩演員，做街客都唔知。我係fb討論區見過，街客睇完先知有譚玉瑛姐姐

其實袁澧林都唔係一步登天
我會去睇窄路微塵好大程度，係因為佢係過時過節表現得好
所以我對佢擔正做主角有信心

新演員冇乜經驗係一件事 咁真係冇經驗嘅情況之下，係咪一定要做主角呢？ 可唔可以由配角做起呢？
而且同樣係新演員 戴玉騏都表現得好過AK 起碼叫做相對自然