港產片仲需要大家多多支持(61) [七月返歸/說笑之人/我們的十八歲/紮職2/4拍4家族]

即係要套戲本身無人睇先去睇

吳肇軒好似有mon po
想講呢首係愛在記憶中找你喎
唔係愛不疚
笑點之一？

係應該套戲一上映就即刻睇

自己就係製造口碑嘅人

btw 多謝欣賞35 36
我總算對個po 留低啲legacy

https://www.instagram.com/p/Cxhwa1nP-_d/?igshid=MzRlODBiNWFlZA==

3M得來不易

呢排啲靈異題材全線收皮

成堆差唔多時間上
好難唔收皮
cls嚟緊又係陸續有嚟

林峰演技幾好 咁都交得出戲

佢喺呢套表現點都好過「刑天？我打到你冇明天啊！」

我當黑哥係明日戰記裡面負責搞笑，效果好ok呀

https://www.instagram.com/p/CxiJfV9LXOv/?igshid=MzRlODBiNWFlZA==

開心死連登啦

似乎冇乜機會爬過教主頭

宣傳方面方向應該要改
雖然今日AK 連跑超過15場謝票，跑咗接近50萬數出嚟，但係好似之前白靈jiejie係ig live咁講，AK fans一向都知齣電影，會唔會你宣傳重點係呢班fans以外嘅人呢？

我見依家佢宣傳太正路，做訪問講電影，repost下影評。不過，係資訊爆炸年代，長文/長篇真係tldr啦，要有juice嘢。目標觀眾係咩人都要搞清楚，香港好多人鐘意講鬼，香港鬼故、都市傳說大把網台做緊，一套鬼片連鬼王潘紹聰個網台都無上，何超都識上啦

外國鬼片呢？

完全唔覺電影票房關宣傳事 根本一套戲個題材 卡士 故事 一開波就定咗票房個base 宣傳頂龍幫多十幾廿% 成日係度講點宣傳其實好無謂

我當你任你點宣傳說笑之人 聽日0宣傳即刻上金手指 人地單日票房都應該多過佢總票房

所以啲咩宣傳 謝票 根本都係啲加冕嘢 唔使太上心 有適度宣傳比人知上咗is enough 對你果套無興趣你點宣傳都唔會入場

咁嘅態度 咪即係佛系
正義迴廊點睇牌面都係三百萬樣
點會估到上到三千萬

啲公司如果冇心收回成本不如唔好掉咁大舊錢拍喇
或者有人係鍾意倒錢落海拍戲嘅

你可能會有呢個感覺
但件事唔係感覺咁簡單
宣傳學係社會科學嘅範疇，作用就係勾起人興趣

當然，好多人可能都仲未接受到
因為呢種影響他人心理嘅學問從古至今都係好有爭議性
例如鬼谷子，獨尊儒術之後無人提
現代就有現代公關之父Edward Bernays，佢做過嘅宣傳係咪對人有益都好難講，所以爭議不斷（詳情請search Edward Bernays 同bacon）

佢地嘅學說就係勾起人興趣，令人主動去做一件事
如果宣傳無用，戈培爾就唔會應用Edward Bernays 嘅書，幫希特拉操縱國民
當然，呢個係負面例子，但純粹反映宣傳做得出色，個威力可以有幾大

正面嘅應用例子可以舉鬼谷子嘅學生蘇秦
六國大封相嗰個蘇秦，懸樑刺股咁讀鬼谷子嘅著作，學習游說技巧
結果憑佢一把口，游說六國合縱
秦國十五年唔敢派兵出函谷關
保天下太平十五年
（但都係鬼谷子學生嘅張儀，就用連橫破左合縱，秦王掃六合，生靈塗炭）

所以呢啲影響人心嘅學問都係視乎一個人點用佢，可以向好可以向壞
而且係有實例證明有用，同個人感覺無關

符合Edward Bernays 理論而應用喺電影業嘅做法，其中一個例子就係賀歲片
我唔排除咁啱得咁橋電影業做啱野，未必係知道呢啲理論先去做
google 一下發現賀歲片最早係1937年《花開富貴》
之後四十至六十年代電影公司就開始拍賀歲片
本身人又有需要娛樂，咁啱電影公司又集體一齊喺農曆年呢個時段推
咁就營造一個好大嘅心理建設，令人覺得農曆年假期一個重要娛樂就係睇賀歲片
如果你仔細諗，呢樣野係後天習得嘅思維黎
係咩人同你講？係成個環境同你講

所以唔係宣傳無用
而係最上等嘅宣傳係做完你都唔知道
我上面講嘅係下等至中等嘅做法（自抬lol）
最上等係好似上面嗰種，唔係宣傳套戲，而係植入概念（適逢inception 重映）
當大家出現賀歲片概念，嗰個檔期嘅戲全部都會爆，因為大眾唔知點解就係覺得新年就係要睇賀歲片

補充返少少呢個做法
Edward Bernays 喺佢著作有講
佢sell 鋼琴係點sell? 佢唔會宣傳自己嘅鋼琴有幾靚聲有幾好
佢做嘅野係搵出名嘅室內設計師，出嘅所有設計都有間房for 鋼琴
令美國人覺得嚮往嘅生活就係返到屋企有音樂，好優雅，所以要買鋼琴
呢啲就係上等宣傳
因為完全無一件實物sell 緊

但我上面只針對一套戲可以做嘅野去講
叻極都只會係中等
都唔好講依家主要做嘅宣傳方式清一色下等
sell 黎sell 去咪同溫層

不過都要重申
點都要名實相符，宣傳唔係講大話
用宣傳做壞事會反噬
用返上面提過嘅戈培爾同希特拉，咩下場唔使講

講漏左一個上等宣傳嘅效果
就係《超神經械劫案下》都可以輕鬆千五
真係要好感恩，多謝前人種賀歲片落黎嘅善因

又唔係佛系 做到正常standard比人知有上就夠 其他宣傳同謝票頂哂龍多到幾十

正義呢個例子非常好 淨係個base當然唔會呢個數 亦係異數靠口碑成功嘅例子 但就更加證明完全唔關宣傳事

如果你定義到宣傳咁窄
咁宣傳當然無用
我唔建議睇野咁極端，講到完全唔關事
但你前而又落頂籠幾十

宣傳定得闊啲
口碑當然都係宣傳一部分
嗰陣睇完《正義迴廊》
心諗仆街，拍得咁好，但咁重口味又三級，怕佢票房低
如果拍得唔好，票房低我唔心痛丫
所以我雖然係做財經節目直播，我都同啲觀眾做宣傳（無收電影公司錢）
叫做將一套戲帶左入唔相關嘅領域，即係財經
後尾都有啲觀眾同埋同台主持多謝我介紹
雖然我唔覺得自己作用好大，但我傳播嘅口碑已經係一種宣傳，不過呢種宣傳唔係電影公司做之嘛

另外，嗰陣仲有神秘K 先生注資拍戲，同埋翁子光監製拎份首期畀天哥拍戲
成件事都食正當時支持港產片嘅風氣
呢啲都係宣傳一種啦

仲有後尾所謂裸體女演員單野
唔知係咪安排出黎
但效果完全係宣傳

電影本身係重要
但當宣傳完全無用係無視左現實世界嘅運作
《明日戰記》就係宣傳嘅一大例子
《緣路山旮旯》都係，幫佢搞digital marketing 嘅我識，係我個拍檔主持
乜野香港真係好靚，九唔搭八嘅都
但咁又賣黃成功
仲有乜野大隻公仔定咩嘅page 話要欺凌爺爺

但呢兩個例子亦係我點解強調要名實相符
又唔能夠話無咁好嘅戲就無生存空間
始終都係台前幕後嘔心瀝血嘅作品
咁但唔著重品質而齋重視宣傳又死路一條
但如果宣傳做得唔好，都係死路一條
連《正義迴廊》都有咁多宣傳做過，包括首期拍戲、K先生撐港產片、裸體演員爭議
先收獲到四千萬
其他戲點可以無宣傳

有啲嘢，我覺得有爭議
就係有雞先定有蛋先
到底係佢成功咗後人再分析佢嘅xx理論
定係佢真係用咗xx理論而令佢成功

我同意宣傳係要做多
但係啱唔啱港產片又一回事
理論係好，但最大變數係有血有肉嘅「人」

嗰個先後唔緊要的
緊要嘅係某啲現象發生左，咁就可以參考佢發生嘅機制
從而搵到適合嘅做法
好似Barbenheimer 呢種，可能純粹起源於meme，但宣傳效果非常強勁
件事可能渾然天成，但一樣可以參考個做法，睇下之後用唔用到

做發行做宣傳就好似做另一套戲出黎咁
戲入面講嘅係角色有咩intention，有咩obstacles
戲外都係，不過參與嘅actors 係啲觀眾
點樣令佢地有intention 去睇戲？點樣掃除佢地嘅obstacles？
你講得啱，牽涉到人嘅變數
所以呢份編畀戲外嘅劇本係一樣咁難寫咁難拍
拍一套戲出黎，起碼有兩套劇本

有冇人睇咗4拍4
https://www.thenewslens.com/article/192313
我們想讓你知道的是
這樣一部難得一見的廣東歌電影，非常清新，不落俗套，處處見真情。最後一幕化香港夜景為演唱舞台，近乎魔幻現實的一場記憶與希望的拉据。一首奇怪歌詞「上，落上，落上上」，令人聯想萬千。

音樂電影，歷來是香港電影不容易征服的高山。賴恩慈導演挾着電影長片《N+N》和一人舞台劇《女兒紅》的成功經驗後，自編自導開拓難度很高的新類型電影——廣東歌電影《4拍4家族》。香港音樂界泰斗泰廸羅賓擔任監製及作曲，伙拍精挑劇本罕有演出的音樂女神謝安琪，唱演一對表面怨懟內裡情深的父女，劇本危走在高台鋼線上，意外地換來一幕一幕窩心的温暖。

賴恩慈的第二部新作路線有別於黄進、陳小娟等同代導演的社會關懷（同樣也期待其他優秀新導演的第二部作品），而是更富冒險精神，朝向新類型的開拓。她的劇本清新獨特，拋開一般類型電影包袱和「扭橋」的情節，更顯出作者舞台劇根柢與訓練，擅於通過不同場口作為（非正常血緣關係的）一家四口成員互動的舞台。晨早的樓梯是妹妹（Anna hisbbuR飾）與弟弟（陳諾霆飾）建立感情的空間；同樣一個天台，可以屬於兩姐妹一邊收晾內衣，一邊聊私密心事的場所；又可以是父女穿越記憶的秘密空間。

賴恩慈演而優則編導，角色的塑造法與演員的表演法是她獨特之處，力求自然。謝安琪的演出，令人眼前一亮。謝安琪拋開了歌手形象，接受一頭乾悍金髮「Rock師奶」造型；為了揾食，有時會扮米奇老鼠的醜怪形象。背負著理想與承諾的執著音樂人，時而顛喪罵人，時而哭泣自責，獨自隱藏着家族帶來的秘密，謝演繹得十分自然。四位主演成員都要能唱能演，難度極高。當中謝安琪有機會問鼎影后。

兩位新人陳諾霆和Anna值得注意。有看過《1＋1》與《N＋N》的觀眾，一定知道賴恩慈有一顆童心，處理小孩子演戲一向是她看家本領。陳諾霆的時間拿捏很準，笑位與哭喊位都恰到好處，十分自然。更難得他「打」得，一手「打鼓」奇藝聽聞是天賦異稟，監製泰廸羅賓一手發掘出來，不單是演戲好手，更是音樂奇才，日後娛樂圈前途無量，我看好陳諾霆競逐最佳新演員獎。另一位演員Anna歌聲獨特，氣質與蔡思鈞有點相似，具有個性，演出也自然，她會是陳諾霆的新演員競敵。

泰廸羅賓的角色沒有《打擂台》那麼搶眼，一個失敗父親演得很內斂。但是他的歌聲一出，音樂才華洋溢，在電影中魅力四射。一顯一隱之間，也令觀眾留下深刻印象。泰廸羅賓翻唱他年青時的歌曲，又有新譜的廣東樂曲，夾着新一代謝安琪與Anna的歌曲，不同年代的香港廣東歌共冶一爐，是以往香港音樂電影幾乎很少見過。

這樣一部難得一見的廣東歌電影，非常清新，不落俗套，處處見真情。最後一幕化香港夜景為演唱舞台，近乎魔幻現實的一場記憶與希望的拉据。一首奇怪歌詞「上，落上，落上上」，令人聯想萬千。無論過程如何落，也寄望向上的積極精神。（我相信跟股票沒有關係吧？）「落」，跟「諾」與「樂」同音，可以帶着承諾，或者苦中作樂的引申義。再深入一想，寧願大上大落，也不甘唔上唔落，更似是導演的某種不甘於順應任何刻板的故事套路，另闢蹊徑的決心。觀賞的過程，不是預期的那種精密計算的情節，也沒有什麼明顯高潮迭起；反而很多細膩窩心的感覺，與各種細密的伏筆，有如巨浪將至，各種小浪、漩渦、暗湧，直到最後推向高峰，大浪掩至。一切在你不設防之時，早已無意間攻入了心房⋯⋯

因為呢篇報道今朝早特登去睇咗七月返歸早場 想話俾個機會AK
睇左覺得AK真係演得好木 同窄路微塵的AY 完全冇得比
有時候真係唔好吹咁大 吹多到就真係變咗狼來了嘅故事 以後真係做得好都冇人信

i. Trailer片頭用濁水窄路後壓軸之作做大字
ii. 監製由Day 1 (計正式公映)就一直講AK要由負分開始俾人評價
iii. 自譽港版返校/Get Out/Ari Aster

七月唔太認為mm2係佛系宣傳/淨係sell AK粉，就以上舉幾樣見到佢地初期既策略係做得幾明顯
一開始目標觀眾群冇放喺鍾意神怪嘢既街客，而係一啲睇到 恐怖片/偶像刻板 可能會卻步既 文青/影迷，再藉由呢啲圈子寫既 影評/互相推薦 從而建立起口碑
所以repost 訪問/影評 對於佢地想要既客群應該係有啲作用，同埋主要係想吸引願意二次入場甚至多刷既觀眾，長文唔係冇人睇而係想加深理解就會去睇，願者就上釣(釀魂嗰啲我諗就真係冇人睇)
同意要更貼地接觸多啲對神怪有興趣既朋友，但其實佢地都已經做緊，呢個禮拜fb/ig都開始po啲相關既都市傳說

最後既 票房/影響力 自然係受客觀條件限制，某啲電影人可能會講呢啲係「命」，但唔代表真係冇嘢可以做，特別係mm2呢三部曲既核心都係言志
七月面對既困境可能係依家既香港真係冇欣賞恐怖片既土壤，普通聽鬼故同睇鬼片係有分別既，你話你做緊類型突破既嘗試，但一般冇睇開恐怖片既受眾係冇基礎知識唔會識得睇你做緊咩突破
如果主創們真係咁重視電影既教育功能，我其實希望你地做多啲教育大眾既工作，例如搞多幾場深度分享場/影評人導演對談之類，我見七月po有人講想問問題但你地要趕場冇得問

最後知道mm2係會moon po建議導演謝家祺做訪問試下用多啲唔同角度切入去答問題，睇好多篇唔同平台既訪問都係重覆返差唔多既內容