漫畫《葬送的芙莉蓮》討論區 (4)

點解係要傾未來既野？
佢就算去到天國，應該係為左要懺悔、重新了解、道謝 whatever......

你覺得23歲同旅途後嘅勇者係冇分別？

唔可以改變過去，所以基本上9成野都唔講得，講得既都係過去既事，咁仲有咩意思
原本內容係艾冉普通咁講句「去天國搵辛美爾傾一傾計啦」，要傾既對像就係離世左既辛美爾

其實作者特登花篇幅去講人類同魔族嘅分別
黃金鄉想了解人類感情呢d 已經係鋪排緊種族共存議題
只係以目前setting見唔到答案
(我覺得芙莉蓮個堆日常生活魔法+魔族用魔法=呼吸嘅設定係有d關係
但係諗唔到點演繹落去)

師父係千幾年前既人物，咁計落芙莉蓮應該係2000歲左右或以下。

如果佢去天國係因為 regret，我睇唔到辛美爾死後嗰30年有必傾既重要性，因為呢個 regret 係來自打魔嗰10年，而佢而家已經可以去返第7年，3年夠晒時間比佢補回、修正遺憾。

你幻想下個情況，a同b經歷左10年，a最後愛上左b，然後a死左
b坐時光機返到10年前，見到a就同佢講「你最後會愛上我，我地而家拍拖啦」成立咩
仲有一拖到時間線，多重宇宙果味野，呢個「過去既辛美爾」係咪等於「同我一齊打左10年魔族既辛美爾」呢。唔同既，咁regret又好、補償又好、傾計都好，都冇意義；當係相同既，咁又去返影響未來果個問題，本身時間線就冇做過呢啲野，突然改變曬風格同行徑，會唔會改變未來呢

我如果係b，返到10年前見到a，係唔會同佢講任何野，因為無咁既需要，我既目的係消除遺憾，所以我只會用嗰3年去真心了解a，其他順其自然。
咁先係合乎芙莉蓮既性格設定。

所謂既遺憾，完全就係自身既事，你可以為一件根本唔值得遺憾既事遺憾一世，亦可以反過來千夫所指而不遺憾，跟事件本身既屬性無必然關係，亦即係：自己攞黎。
而芙既遺憾係佢無去了解對方，既然遺憾 "已經" 形成，除非對方變成一個 "不值得讓我去了解" 既地步，對我自身既補完計畫(去了解)無影響。

再講，而家係仲未知呢套既返回機制，到底係多重定係單一不可逆。

反正芙莉蓮又冇嘢做，肥倫又可以見返師傅，酒肉僧侶又可以望到一眼長大咗嘅肥倫，就咁諗都覺得呢一幕會幾感人 我諗勇者佢哋都會想睇下改變左芙莉蓮嘅同行者係咩人

當芙番番現在，就姐係勇者、酒僧同艾冉用左大半生去解碼，而過去嘅芙因為去左50年旅行，並唔知道佢地為解讀時光倒流魔法嘅付出，佢地除左解碼之外又要番番上北國，刻番個解碼落去。

次序可能係奇蹟讀左現代芙，知道左大師姐會比現代芙打死，叫大師姐、戰神同聖女立即離開去盡快搵到佢2個徒弟之後滅左條村佢，剩低奇蹟拖時間同勇者一行人戰鬥。之後芙搵機會返回現在，過去芙一𣊬間番番黎見到奇蹟要打覺得好奇怪？但唔理禁多立即加入戰鬥，就好似沉睡花果集咁就繼續當刻嘅魔王之旅，亦冇理禁多嘢了

跟住現在聖女同戰神感受到時空變動，番黎左石碑，跟住小隊3人行大戰聖女+戰神

所以阿烏拉咪只配做魔王下面的一條靚攞

呢d少技倆，當年魔王一眼就睇穿。

你係講緊一個客觀既大眾結果，我問既係芙去天國既主觀動機。

首先本身芙莉蓮就冇乜人生目標 佢有嘅係時間 睇唔出佢之後有咩原因會話唔使再去 /唔去嘅話佢可以想去邊 因為佢唔同人類 冇浪費時間呢個觀念

睇左幾次漫畫都唔覺stark對肥倫有feel

修仔對感情太遲鈍，得肥倫單方面有意思，兩人仲差d契機先能夠串合一齊

亦唔見得佢一定要搵個地方去，晌森林執下樹葉都去左幾百年。
佢如今唯二既"興趣"就係收集魔法同了解人，呢兩樣都唔需要有目的地。

約會嗰日心裡面讚佢可愛。

係 所以就算佢冇咗個你講嘅主觀嘅目的佢都可以繼續去天國 同"目的地" 冇衝突 去天國嘅途中一定會經過其他地方都可以收集到魔法 同埋了解人類（隊友

咁我都明，唔係既話邊有戲拍落去。
但亦要考慮一點，天國唔係一個易去既地方，更唔係你所講去邊都無所謂既合理選擇。

呢段戲反而會令我唸番，到底師父梅係純粹人老精所以睇通芙會有咁既需要，定係又一位有預知。

其實以芙蓮蓮的諗法
以色列人係咪應該將巴勒斯坦人滅族?
掉返轉巴佬一有機會都應該將以色列人滅族
不過現實好似唔可能...唯有一路靠呃

我只係講返漫畫。
如果是但企任何一方既角度睇，都係要滅絕對方。
但中立客觀黎睇，魔族唔係壞得晒，佢地只係先天無能力理解人性。

其實我幾同情早段出現嗰個魔族細路女，佢剎村長都係為左還返個女比人，目的係安寧，可以講係出於善意而非惡意。剎左個村長就可以解決問題，邏輯上係無錯，只係不合乎人性。最後佢講：我似乎又做錯左d咩，都真係幾無辜。
黃金鄉篇就係講呢種可悲，人類角度下魔族既可悲。

你忘記左佢冇啦啦食左人地個女
冇人性姐係畜生，咬人嘅熊會人道毁滅
『我似乎「又」』姐係重複犯錯而不自知
人類教極都係冇人性，捉到佢嘅話
只有2個地方幫到佢，一係就精神病院，一係監獄

魔族每一句都只係為生存嘅謊言同計謀黎，當中冇任何善意。你覺得佢係出於善意，覺得佢可憐，同情佢嘅身世，姐係你已經比魔族呃左。

所謂為安寧，都只係謊言，只要勇者一行人走左，都會滅左條邨佢