客廳牆角天花滲水，想搵公證行找源頭

想找公證行快啲找到源頭。如果證實樓上係滲水源頭，我知道檢測費用可以claim返樓上，但我須唔須要先知會樓上，得到佢哋認同先搵公證行？

另外，我最重要係想樓上維修根治問題，唔好再滲水。公證行報告主要係民事訴訟索償作用，其實有冇法定作用令樓上維修（我知如果做政府滲水辦就有權力）？管理處可唔可以揸住公證行報告要樓上維修？

有冇人有相關經驗？

天花滲水苦惱中…

Thanks

天花牆角滲水位置上面係咪佢個廁所
any floorplan or 相

客廳天花板漏水，咁樓上位置係啲乜嘢？

位置係呢度呀…

有冇叫管理處上去同樓上講吓？ 對方有咩回應？

無法律效力架喎

有呀，管理處通知咗樓上，管理處話佢哋都會盡量配合去調查。樓上應該係兩個老人家

都報咗食環，度咗濕度、會開file, 話會再約樓上試色水（去水）。但我對食環唔太有信心，搞完一輪好耐都係得個吉。

做咗呢種試水未？

食環呢啲咁有特色嘅部門，你要日日打去追佢一次

我都有依個情況 依家滴水滴撚到變左鐘乳石咁🤣



之前樓上已經試咗一次色水 但滴落嚟嘅水都係透明

成幢樓做咗外牆大維修無耐 懷疑係外牆維修做得唔好搞到滲入黎

利申：租客

未做，因為食環今日先去我屋企度濕度，話會開file, 約下星期上樓上試色水。

另外我同步搵咗檢測公司上嚟做初步評估，佢哋現場睇過，用紅外線初步睇，推斷來水喉滲漏機會大。當然呢個只係初步評估。

你比左錢先就唔會拎得返

claim條毛咩 公證行晒鳩氣 份report用黎兇下人渣
樓上唔理 一樣企左係度

如果証實係樓上滲漏，就算claim樓上公證行/維修費用，都要經小額錢債署，我都好唔想…

但如果唔做舉証，係咪更加無得同樓上bargain?

問吓管理處意見

建議唔好浪費時間
有時天花滲水唔一定樓上單位
可能係大廈外牆，或者係樓上隔離個單位
試色水真係搵到源頭佢唔理你都無佢符

唔好浪費時間，所以咪想搵公證行快啲搵源頭囉

小心樓上玩嘢唔理，記得搵定律師告佢，如果唔係佢一世都唔會理

會唔會係樓上浴缸膠邊老化？

咁點樣處理先唔會浪費時間？？

我樓下都投訴漏水，我任佢試任佢check，諗住係漏咪整返俾人，
但點check都check唔倒關我事，即係可能係外牆/再樓上/我隔離單位 漏，
我今次真係愛莫能助。

呢種要等食環去水管色水fails 再搞一大輪先到bd接手做

1. 唔洗得到樓上同意
2. 管理處食環都係廢 無用
3. 上到庭如果你贏咗 會頒令叫樓上修復 但中間涉及太多程序同時間

檢測公司fatfat
用紅外線你用肉眼都睇到佢滲水做成損毀 食環封信都證明到你天花有滲水啦
洗鬼佢拎部機度天花板嘅溫度 (即係武肺個陣大廈門口裝個D測溫cam)

係搵佢地上門睇就問佢地有冇微波 最好就夾定樓上肯開門俾佢地入屋先請呢D公司