蘇軾人生簡述：躊躇滿志嘅青年，最後用十二個字總結人生丨《蘇軾文選》、〈念奴嬌〉

高質 留名

睇左兩段又幾好睇
聽日返工聽你podcast

閱讀高低起伏嘅人生都可以有感悟

感謝

支持

巴打咁夜都未瞓

夜鬼
中意夜晚活動 諗野

機緣巧合見到
多謝你嘅制作
希望你知有人欣賞你做嘅野
而且心存感恩

推一個 睇得舒服

超高質post 留名

我都係

感謝你講出嚟 巴打

黃州時期偷作閒
呢次去到湖州，蘇軾就寫咗〈湖州謝上表〉，當中嘅四句引起王安石不滿，寫到：「知其愚不適時，難以追陪新進，察其老不生事，或能牧養小民」，王安石決定唔忍蘇軾，認為文中嘅「新進」係對應自己所一手提拔、支持新政嘅「新進勇銳之人」，於是聯合彈劾蘇軾，指蘇軾「有譏切時事之言」、「包藏禍心，怨望其上，訕（音：傘）凌謾罵而無人臣之節者，未有如軾也。」仲話蘇軾有本詩集（今已失傳）係埋怨新法同皇上。言下之意，係新政係以皇上嘅名義去推行，而家蘇軾大大聲妄語朝政，係唔尊重新政嘅大臣同埋皇上，「萬死不足以謝聖時」。

於是，同年七月，蘇軾被捕，押解回京，送往御史臺候審。御史臺因為長期都有好多烏鴉同埋柏樹，又稱為烏臺或者柏臺；呢次文字獄，又被稱為「烏臺詩案」。經過130日之後，由於搵唔到足夠嘅罪證，加上神宗嘅干預，喺12月28日最終判決，蘇軾被貶黃州，由呢一日開始，蘇軾開始貶居生活。

蘇軾少年得志，本來一路升遷、平步青雲，但突然由「二千石」變成罪臣、逐臣，內心一定難以接受。一方面，係生活艱苦，所以你會見到蘇軾講到「我久食官倉、紅腐等泥土」〈東坡八首〉、甚至「廩入既絕」〈答秦太虛書〉、「向人乞米」〈蜜酒歌〉。另一方面，係體會人情冷淡，佢認為自己係「出沒風浪裡」嘅孤舟、講到「故人不復通問訊，疾病饑寒宜死矣」〈送沈逵赴廣南〉。

邊啲學校教蘇軾就咁儒入道出

讀書時、同做過四間學校（band1-3都有）都係教儒釋道兼備融和；亦會講前赤壁賦同念奴嬌內嘅複雜思想。

而Edb啲垃圾文件大家一向都無視㗎啦；考評局嘅評分就有各校老師集體監住，有相對大嘅彈性。

支持巴打繼續教儒釋道兼備融和
維護良好風氣

所以喺地位、生活同心理嘅落差下，蘇軾依靠佛道兩家，令自己喺困難當中重拾心靈解脫同淨化。例如佢會閱讀佛道，「不復作文字，惟時作僧佛語」〈與程彞〉、去安國寺修禪定，「間一二日輒往，焚香默坐，深自省察。」堅持五年時間，終於「物我兩忘，身心皆空」、「一念清淨，染汙自落」〈黃州安國寺記〉，更親自耕種，憶白居易舊事，名其地為「東坡」，自居「東坡居士」。

作者咁樣總結：
「蘇軾傾心佛道，固然有其消極的一面，但他並不沉迷其中。他比較理性，把佛道主要作為抗衡厄運、化解憂悶、求得心理平衡的一劑良藥。在逆境中借助佛老思想保存自己，實際上是以一種特殊的迂迴方式來固守自己的節操。暫時的出世，目的是為了入世，這是另一種頑強與執着。因此，我們在蘇軾身上看不到頹廢萎靡，相反， 越是打擊挫折，越是樂觀擴大，越是能激發出永不衰竭的創作動力。」（頁6－7）

喺黃州時期，令佢遠離官場爭鬥，有時間反思人生，亦拉近咗同「田父野老」嘅距離，體察民間疾苦。對於蘇軾來講，文學創作令到佢得以喺困苦當中抒發憤怒、排解內心痛苦、撫慰受傷心靈、闡發人身體悟。所以佢嘅作品亦由討論政治、歷史，轉向文學、書簡。黃州時期有唔少佳作，例如〈赤壁賦〉、〈念奴嬌〉……所以蘇軾感言：「秀語出寒餓，身窮詩乃亨」〈次韻仲殊雪中西湖〉。蘇轍為蘇軾所寫嘅墓誌銘，就對蘇軾嘅黃州時期有好好嘅總結：

「其既而謫居於黃，杜門深居，馳騁翰墨，其文一變，如川之方至，而轍瞠然不能及矣。」

蘇軾萬萬想唔到，呢段黃州時期雖然係來自王安石嘅懲罰，帶畀佢人生最寧靜嘅時間。佢亦結識咗好朋友李公擇，當中〈與李公擇書〉提到：「吾儕雖老且窮，而道理貫心肝，忠義填骨髓，真須談笑於死生之際。」佢喺閒居當中、談笑之間仍然記住忠義。只係，迎接佢嘅係顛沛流離嘅後半生。

Same

年閱三官若飛雁
正所謂一朝天子一朝人，喺元豐八年三月（1085），神宗病逝，繼位嘅哲宗年僅10歲，由高太后聽政。高太后對於王安石變法非常不滿，認為王安石損害自己利益，於是高太后喺執政之後立刻起用反對變法嘅舊黨領袖，司馬光。司馬光全盤否定新法，主張一切「皆如舊制」，王安石等人被逐出朝廷，而反對王安石嘅蘇軾就開展一輪新嘅仕途生涯（坐火箭）。

元豐八年五月，蘇軾被任命為登州知州，實在受寵若驚，喺〈登州謝上表〉表示「沒身難報，碎首為期」（今次終於出人頭地）。到任五日，凳都未坐暖，就奉詔回京，任禮部郎中。半個月後，升為起居舍人（隸屬中書省，你可以當係丞相個部門）；三個月後，升為中書舍人，負責起草詔令。佢見到自己升得咁快，都忍唔住話：「曾未周歲，而閱三官」，即係一年唔夠，就連跳三級。

呢一切當然係司馬光嘅安排，佢想藉由蘇軾嘅才華同埋聲望，想蘇軾為佢起草「元𧙗更化」，宣傳王安石變法嘅弊處。

本來蘇軾聽聽話話嘅話，照計都可以做到司馬光嘅頭馬，但係蘇軾並無因為司馬光嘅重用而俯首貼耳。蘇軾雖然反對王安石變法，但係對於新法當中限制貴族特權等等嘅措施都表示認同。所以佢唔贊同司馬光全盤否定新法嘅極端做法。

司馬光其實都預咗蘇軾唔合作，表示「大不以為然」，決定唔再保蘇軾。這個時候，蘇軾仲捲入咗「洛蜀黨爭」，蜀即係蘇軾出身地（四川），洛係指洛陽，即係程頤一派。蘇軾喺朝中真係無咩朋友，佢面對司馬光同王安石係兩邊都唔支持，依家仲有埋「洛蜀黨爭」，要求離開京城。

元𧙗四年（1091），蘇軾出知杭州。兩年之後，被召入京，做翰林學士，又被洛黨攻擊，五個月後，出知潁（音：泳）州。半年之後，即係元𧙗七年（1092年）二月，改知揚州。呢個就係所謂嘅「二年閱三州」〈送芝上人游廬山〉。

揚州留咗半年，同年八月，蘇軾又入京，做兵部尚書兼翰林侍讀學士。後來，睇重蘇軾嘅高太后死去，哲宗親政，哲宗係支持王安石變法，蘇軾都心知不妙，主動要求外任。元𧙗八年（1093年），蘇軾知定州，佢喺〈定州謝到任表〉提到：「坐席未暖，召節已行。筋力疲於往來，日月逝於道路。」即係話我都五十歲人，一直無處安定，好似時間都用晒喺出發到任職之地，人生真累，「日月逝於道路」六個字，寫實中帶點嘆息。

不過，始終避唔過政敵攻擊。紹聖元年（1094年）四月，蘇軾被人翻舊帳，以「誹謗先帝」嘅罪名彈劾。蘇軾就開始被貶南方之旅。