蘇軾人生簡述：躊躇滿志嘅青年，最後用十二個字總結人生丨《蘇軾文選》、〈念奴嬌〉

仲記得中學嘅時候學蘇軾，當時教〈赤壁賦〉定唔知〈水調歌頭〉，老師淨係話蘇軾退隱，做官好hea，然後又將蘇軾同莊子扣連，以道家嘅出世去對比儒家嘅入世。所以總有個印象就係蘇軾係道家，道家就出世。

將世界一分為二，易唔易記？當然易記，我依家都記得，儒入道出，琅琅上口。我回憶當時對儒道嘅諗法，就係儒家攞苦嚟辛，道家不負責任。如果唔去檢視呢個「常識」，呢個一分為二嘅印象可能就會伴隨我嘅一生。

一套講中庸、講和諧嘅文化，被人講成走向極端，陷入二分，唔係好可悲咩？中國文化理應係多元而立體，而對立同簡化將會令文化變得片面；如果老師一直以儒入道出教學，咁十年過後，佢就會令幾百人接受一套想像出嚟、無力嘅中國文化。

依家先發現，老師無一句講啱，道家已經係古舊講法、蘇軾有大半人生都係喺官場上為國為民，話蘇軾避世，實在太過輕描淡寫。藉由回顧蘇軾嘅人生，你會發現從蘇軾嘅背影，可以見到儒釋道思想嘅罔兩。內容包括：

書香世家三門傑
少年得志得第二
多元思想儒釋道
直言極諫陷黨爭
黃州時期偷作閒
年閱三官若飛雁
輾轉南方至海角
面對北歸莫敢還

北宋政治都幾混亂，所以你會見到蘇軾周圍走；
另外，內文有好多年號，因為唔少皇帝早死，蘇軾就做過幾朝臣子。
最後，我會用「蘇軾」呢個名總結蘇軾嘅一生。

按：
考評局：「《念奴嬌‧赤壁懷古》是一首懷古之詞，蘇軾借懷念三國歷史人物，抒發個人懷才不遇之情。……，帶出千古以來的風流人物，也如被江浪淘盡，一個個消失於歷史舞台，時間無情，物是人非，感歎悲壯淋漓……借一樽酒沉醉江月，遣懷消愁。」
某：消失於歷史舞台，係被遺忘，但係蘇軾正正係記住公瑾小喬。總結再講。

牛哥講經志於編寫廣東話文章以及用廣東話去為香港人講講書本，內容主要有關歷史、政治、哲學。希望每講一本書，唔只做到簡介／推介人去睇呢本書，我更想以我嘅理解去講講呢本書有趣嘅地方、值得反思嘅地方，希望真真正正同大家去了解一本書。用思考，去陪伴你過一小段時間。

近排仲增設youtube，用心製作，有興趣可以睇睇。

牛哥講經Youtube
今集無youtube

牛哥講經Wordpress 
（排咗版同加咗啲相，我會不定時修改內容，請以Wordpress版為準）
https://cowgortalk.wordpress.com
依家會將完整文稿放到patreon，大家都可以自由觀看

牛哥講經Podcast 
（內容已經製作成Podcast，有興趣可以聽聽）

Apple Podcast: https://podcasts.apple.com/hk/podcast/%E7%89%9B%E5%93%A5%E8%AC%9B%E7%B6%93/id1572447901
Spotify: https://open.spotify.com/show/0yFR7YKUcAhkoEM6HWlJPA?si=A-rx6vM9R1qK0UQNJqC--g
KKBOX: https://podcast.kkbox.com/channel/HXptHA4hSuBHVkYNQU
Google Podcast:
https://podcasts.google.com/feed/aHR0cHM6Ly9hbmNob3IuZm0vcy81ZDZkYTIxMC9wb2RjYXN0L3Jzcw
牛哥講經IG 
（歡迎畀comment / 參加投票講邊本書）
@cowgortalk: https://www.instagram.com/cowgortalk
平台連結可以去：https://linktr.ee/cowgortalk

正文內容
書香世家三門傑
北宋宋熹宗景𧙗三年12月19日（公元1037年1月8日，就快一千年前），蘇軾出生喺湄州嘅眉山，即係今日嘅四川。

佢屋企係一個典型嘅書香世家，祖父蘇序係詩人、父親蘇洵係古文名家、細佬蘇轍亦係大文豪（我個人就幾鍾意蘇轍解老子，推介大家睇）。

蘇洵本來有六個子女，但係長子同三個女兒早死，結果只有蘇軾、蘇轍相依為命。

而蘇洵、蘇軾、蘇轍父子三人，被人合稱「三蘇」，喺唐宋八大家入面，佢哋三個就佔咗三個位，都咪話唔話把炮。通常個仔叻，爸爸就冇咁叻，爸爸叻，仔就冇咁叻，但呢一家人係爸爸又叻，兄弟兩人都叻，放諸中國文學史、甚至世界嘅文學史都係頗為罕見。

以前中文老師都講三蘇，真係會聽到著迷

蘇軾一出世，父母就為佢規劃左一條做官之路。父親更為兄弟二人寫咗〈名二子說〉，我哋到最後會藉由〈名二子說〉，睇睇「蘇軾」呢個名點樣對應蘇軾嘅人生，蘇洵早已見到兩兄弟嘅未來。

喺蘇軾七八歲嘅時候，就入咗小學讀書。放學之後，父親會親自對佢嘅讀書作文悉心教導。母親程氏出身官宦人家，係個知書識禮嘅女性，將《後漢書．范滂傳》等等嘅人物傳記，當成床邊故事講畀蘇軾聽，所以蘇軾細細個就「奮厲有當世志」。

有一個好老師好重要！令學生鍾意聽書

少年得志得第二
蘇軾都幾細個就考到功名。喺嘉𧙗元年（公元1056年），即係廿歲唔夠就同蘇轍，一齊跟父親上京參加禮部秋試，並且中舉，第二年以〈省試刑賞忠厚之至論〉，獲得歐陽修大大賞識。

當時嘅科舉考試，要求學生以文章答題，收卷之後，會將答題重新抄錄，所以考官係唔可以透過字跡去推斷文章係由邊個所寫。歐陽修作為考官，覺得眼前文章深得自己嘅心，以為文章係自己弟子曾鞏（音：gung2)所寫，為咗避嫌，就判做第二。

點知出到嚟先發現係蘇軾嘅作品。所以蘇軾因為寫得太合考官心意而拎咗第二。

Lm

Push

竟然

宋朝好似無熹宗？

留名

十分抱歉 我打錯咗無為意

應該係宋仁宗

要知道，同蘇軾同期考試嘅，仲有依家中國哲學史上，琅琅上口嘅大哲學家，張載同程灝（程明道），蘇軾可以喺咁多高手之中，得到歐陽修嘅青睞，實屬不易。歐陽修甚至稱蘇軾呢篇〈省試刑賞忠厚之至論〉「有孟軻之風」，即係話蘇軾係再世孟子。孟子被人稱為「亞聖」，歐陽修言下之意，就係話蘇軾係「亞亞聖」。

當時嘅蘇軾對佛老無咩好感，喺嘉𧙗六年（1061年）所寫嘅〈韓非論〉就寫道：

「昔周之衰，有老聃、莊周、列禦寇之徒，更為虛無淡泊之言，而治其猖狂浮游之説， 紛紜顛倒，而卒歸於無有。」

點解無有？

「今老聃、莊周論君臣、父子之間，泛泛乎若萍浮於江湖而適相值也。夫是以父不足愛，而君不足忌。不忌其君，不愛其父，則仁不足以懷，義不足以勸，禮樂不足以化。」

簡言之就係仁義禮不足，失去父子君臣關係。

理科撚留名

多元思想儒釋道
當然，對老莊唔友善嘅蘇軾只係一時。由於宋代嘅思想已經陷入多元（中土文化受到佛教、同埋引接佛教嘅道家影響），所以蘇軾都幾廣泛閱讀。呢度同大家分享一篇文章，係蘇軾知道自己即將離世，寫信叫蘇轍寫墓誌銘，蘇轍於是寫咗《亡兄子瞻端明墓誌銘》，回憶蘇軾一生，當中提到：

「少與轍皆師先君，初好賈誼、陸贄{zi3，唐德宗宰相}書，論古今治亂，不為空言；既而讀莊子，喟然歎息曰：「吾昔有見於中，口未能言，今見莊子，得吾心矣！」乃出中庸論，其言微妙，皆古人所未喻。嘗謂轍曰：「吾視今世學者，獨子可與我上下！」......後讀釋氏書，深悟實相，參之孔老，博辯無礙，浩然不見其涯也。」

大約語譯一下：蘇軾細個嘅時候，同蘇轍一齊讀書，初初鍾意睇賈誼、陸贄嘅書（都係有功業嘅名相），佢哋論古今治亂，唔講空話；然後蘇軾開始讀莊子，就嘆息道：「我以前見到中呢一個字，但係我講唔出中嘅意思，而家我睇到莊子，佢講出咗我心聲！」莊子講出中庸，言語微妙，係古人都睇唔出。蘇軾曾經同蘇轍講：「我睇依家嘅學者，只有細佬你可以同我差唔多！」之後蘇軾再讀佛學嘅書，認為佛學深遠，同孔老溝通，無有隔閡，廣大而不見其涯。

如果話儒釋道三教合流係明末嘅結果，咁蘇軾處於北宋時期，對孔子嘅尊敬、對佛老嘅友善，可以話開啟三教合流嘅先聲。另外，佢亦係首先提出莊子同儒家經典《中庸》嘅關係嘅人，佢認為莊子雖然有喺書中取笑孔子，但實際上係「陽擠而陰助之」（即係表面上踩孔子，實際上輔助孔子），所以「莊子蓋助孔子者」（《莊子祠堂記》）。提倡「儒釋不謀而同」、「相反而相為用」〈南華長老題名記〉。但我哋必須要留意，蘇軾並唔係用莊子、佛老吸收儒家，而係用儒家吸收莊子、佛老，所以佢嘅基底係儒家思想。我哋睇落去，你就會明白點解我咁講。

歐陽修之後都好睇得起蘇軾，睇完蘇軾嘅〈謝歐陽內翰書〉，就講到：「讀軾書，不覺汗出。快哉！快哉！老夫當避此人，放出一頭地也。」（歐陽修〈與梅聖俞〉）當時蘇軾只係二十二歲，實在政壇嘅明日之星。

直言極諫陷黨爭
喺1062年，25歲嘅蘇軾參加制科考試，我哋通常講嘅科舉，其實係科舉中嘅貢舉，主要考詩詞經典嘅筆試，定期舉行；其實科舉仲有另一種形式，叫做制舉，係皇帝出題嘅特別試。制舉要有兩個大臣做保薦人、另外係非常難考，有分一、二、三等，實際上一、二等係虛設，無人會拎得到，三等已經係滿分。少年得志嘅蘇軾參加咗制舉，更寫咗〈進策〉、〈進論〉等等嘅二十五篇文章，我哋稱之為制舉二十五篇，有系統咁闡述自己嘅政治思想、治國主張。自述自己係「直言當世之故，無所委曲」（直率咁指出當世問題）、指出北宋係「有治平之名而無治平之實」。結果蘇軾成為宋國開國百年以嚟，第一個拎到第三等嘅人，呢一科叫做「賢良方正能直言極諫科」。其實蘇轍都有一齊參加，不過蘇轍更加直線抽擊皇帝，拎嘅名次就無咁好。

仁宗考完兩兄弟，過幾年就死咗。宋神宗喺1067年年少登位（1048年出世，所以係廿歲唔夠就即位），對蘇軾呢個初出茅廬，又敢於直言嘅才俊非常賞識。

佢既光芒直頭掩蓋晒其他人
我記得呢句，下視其轍，登軾而望之，兩個仔屈機

正斗 留名等新料

大家都知蘇軾文學勁
但今次會講多少少佢嘅哲學洞見


下視其轍，登軾而望之呢句好型

熙寧二年（1069年），蘇軾寫咗〈議學校貢舉狀〉，反對王安石變法。神宗即刻召蘇軾入朝，囑咐蘇軾：「凡在館閣，皆當為朕深思治亂，指陳得失，無有所隱者。」（大家都係自己人，應該要幫我去諗下點樣治亂，直接指出得失，唔好隱瞞）意下之言，即係要蘇軾繼續直諫，此等信任，實屬可貴。

蘇軾喺年少批評過主政嘅王安石，就注定蘇軾要陷入黨爭。不過蘇軾算好彩，喺四十四歲之前，可以算係幾順利。而佢喺各地任職之際，對政務越漸理解；蘇軾明白北宋需要改革，只不過佢認為王安石嘅變法太急進，所以「上疏六千餘言，極論新法不便」。

到元豐二年（1079年），蘇軾被派到湖州做知州。按照慣例，履新就要寫〈謝上表〉。所謂〈謝上表〉其實就同皇帝講，多謝你派我嚟呢度，我有咩展望呢。其實蘇軾都成日寫〈謝上表〉，因為佢成日都要去唔同地方做知州，當時係王安石主政，王安石都無咩阻蘇軾嘅仕途。但蘇軾始終係個文人，自己嘅政見無被實踐，就借〈謝上表〉發牢騷。

例如喺〈密州謝上表〉講到：「論不適時，皆老生常談陳腐之話」（我講嘢都唔啱呢一個時代，成日講埋啲老生常談、陳腐嘅說話。」
〈徐州謝上表〉：「國力報之無所，懷孤忠而自憐」（想回報國家，但有冇咁樣嘅能力，我只有孤獨嘅中心，以此自我安慰）

好明顯講說話俾王安石嘅改革派聽。王安石都一直隻眼開隻眼閉。於是蘇軾雖然有幾句牢騷，心情都唔算緊張，而係幾開心，喺〈超然台記〉寫到「餘自錢塘移守膠西，釋舟楫之安，而服車馬之勞；去雕牆之美，而蔽採椽之居；背湖山之觀，而適桑麻之野。」簡言之就係本身水路係舒服啲，蘇軾偏偏為感受旅途，走去坐馬車。

支持牛哥人生真係要有高低起伏先會有感悟