［校園鬼故事 Ｘ 陳子鋒系列］大學入學篇

（二十六）拉斐爾的提議 （4）

「既然你唔願意加入我哋，我只能夠......」

本來還在好好的對談，但一瞬間，拉斐爾散發出的殺氣令空氣都要凝結似的。

下一秒，拉斐爾右手多出了一支矛狀物，但只有手掌般的大小。

只見他手上的矛發出了光芒，變成跟我差不多高度的長矛，而拉斐爾在矛產生變化的同時，瞬雷不及掩耳地把矛砍向我的脖子。

彼德和安德烈仍弄不清楚現況時，黃炎冰已從身上抽出了一把金錢劍阻擋拉斐爾，長矛就這樣停止了動作，架在我的脖子上。

「傾唔掂數就想殺我？」

我沒有感到恐懼，反而感到好笑，畢竟我還是很清楚拉斐爾在諸多限制下，根本無法對我出手。

況且，以他的性格，殘害無辜的生命這種事是不可能發生的。

「你知道耶穌復活嘅故事嘛？」

雖然我不理解拉斐爾在此刻提起這家傳戶曉的故事是甚麼意思，但還是下意識地點了點頭。

「耶穌被釘十字架當日，有一位叫做朗基努斯嘅羅馬士兵，喺耶穌失去生命跡象之後，用一支長矛刺向耶酥側腹，確認耶酥的生死。而長矛貫穿耶穌身體後，先真正被認定為死亡，之後耶穌復活嘅事跡，亦傳遍整個世界。命運之矛，既是死，亦是生，喺經歷死亡之後，先可以得到重生。要改變你嘅命運，唯有重生可以做到！」

拉斐爾在說完以後，加大了手上的力氣，連同黃炎冰的金錢劍一併向我的脖子壓了過來。

「子鋒，佢係認真㗎！」

即使愚鈍如我，我也能感到生命正在受到威脅，我馬上閃身避開他的長矛，右手則一把抓着炎冰往後逃去。

「阿爾先生！」

彼德和安德烈已然回過神來，兩人馬上撲向拉斐爾持有長矛的右手，想要制止他。

「你哋走開。」

拉斐爾大喝一聲，身上發出強光，背上顯現出白色的羽翼，兩人近距離感受到他的力量，隨即暈死過去。

而被強光覆蓋的我們，好不容易靠着九字護身法硬撐過去，但那力量的差距已經很明顯了。

「喂喂喂，會唔會太犯規呀？又話唔可以隨便出手嘅！」

我邊說邊拉着炎冰後退，猛然發現四周所有東西都消失了，不知道甚麼時候被帶進了拉斐爾所設的空間之中。

「小心，呢度同遇過嘅結界都唔同，我唔覺得有方法可以破壞佢。」

既然連比我熟識結界的炎冰都這樣說，我還是不要期待可以強行逃離這裡比較好。

「咁依家點算？」

「我點知啫，我以前從來都係幫手除靈，最多都係解下降，咩惡魔天使呢啲，都係因為你先會拉埋我落水！」

「喂喂喂，我好好醜醜都叫幫你救返阿爸阿媽啦，雖然我都拉咗你落水好幾次，但計返最多都係打和啫，唔駛咁講嘢嘅。」

「你收聲啦，佢要嚟啦！」

在我和炎冰說話期間，拉斐爾右手拿着長矛，從半空中全力撲向我，沒有任何戰術，沒有任何後手，有的只是壓倒性的力量。

「子鋒，唔好硬碰，羅盤！」

炎冰手上拿着羅盤跑到某個位置後，向我示意。

我意會到他的意思，便也拿出一個羅盤，快速找出坤位。

我和炎冰站好後，馬上將靈力提升到同樣旳程度，在長矛觸碰到我的一剎那，術式已然完成，用卸力的方式硬生生把長矛撥向了另一個方向。

雖然合兩人之力將長矛撥開，但長矛刺向地上所產生的爆風，將我們兩人吹到老遠。

我深怕拉斐爾又再向我襲來，便不管身體的痛楚，硬是站了起來。

但站起來後，我全身都在發抖，那不是害怕，而是長時間運動後，體力耗盡後的那種感覺。

我馬上找尋着炎冰的身影，只見他單腳半跪在地上，看來暫時無法行動，但應該也沒有生命危險就是了。

之後，我發現長矛落地之處，拉斐爾已把長矛從地上拔了出來。

他再過來的話我就死定了。

突然發神經

先死而後生

（二十七）懲戒拉斐爾

「估唔到身為人類嘅你，竟然可以擋住我用盡全力嘅命運之矛。」

拉斐爾仍然站在原地，看來沒有打算再襲擊我。

「叫你唔好睇小我......哋㗎啦。」

我本想再口頭上逞強一下，但已經沒有那種力氣了。而且，雖然他說是全力，但我敢肯定這並不是事實。在澳門對上路西法時，他的力量絕對不只這樣。

這讓我再次感受到，如果他們能突破所謂的規則，解除束縛，我應該連一秒都撐不過去。

說不定拉斐爾提議我成為門徒時，我應該答應才對。

「陳子鋒，你再一次超越我嘅預期，如果係你，或者真係可以將所有事情解決都未定。」

「我一定會無事，不過，你唔再郁手啦？」

「嗯，我依然認為咁樣做係正確嘅，不過可惜，時間到。」

我聽到他的話後，總算能放鬆下來，整個人癱軟地坐在地上。

「時間到係咩意思？」

「意思係......」

在拉斐爾準備回應的時候，他身後出現了像是蟲洞的圓形，三道強光從裡面照射開來。

「拉斐爾，你違反咗天界嘅法則，我哋要暫時剝奪你留喺人界嘅權利，依家跟我哋返去，接受天界嘅審判。」

出現在拉斐爾背後，除了兩個不認識的人，還有一個熟悉的臉孔 - 米迦勒。

「嗯，我明白，我會跟你哋返去，不過我仲有啲嘢要同陳子鋒講。」

拉斐爾也不管他們同意與否，便已向我走來。

「陳子鋒，雖然你唔願意成為門徒，但我希望你收好呢兩樣嘢。」

拉斐爾把兩樣東西放到我手上，其中一個就是跟彼德和安德烈一樣的門徒石，不知道是否因為我並不是門徒，從拉斐爾手上接過來後，無法從石頭上感知到那種神聖的力量，似乎跟普通的石頭沒有兩樣。

而另一樣，則是剛剛拉斐爾在揮舞着的長矛 - 命運之矛，此刻的矛已變回手掌般的大小，與石頭不同，我能感受到當中蘊含着巨大的能量。

「我只係一個普通人，亦唔係所謂嘅教徒，你將佢哋交畀我，真係合適咩？」

「我明白你嘅諗法，亦都清楚你有嘅力量，但依家嘅你如果面對完全復原嘅貝爾菲格，仍然係束手無策。今次我被遣返天界，未必趕得切貝爾菲格完全復活前返嚟，到時只能靠你自己嘅力量。門徒石同命運之矛嘅複製品就交畀你，我相信你好大機會會用得着。另外晨光教方面，原本應該由我嚟處理，但依家只可以靠彼德、安德烈同另外九位門徒去應付。但貝爾菲格好有可能比預期中更早恢復，你要小心。」

「好啦，拉斐爾，盡快返去天界接受審判啦。」

「好啦陳子鋒，暫時要講聲再見啦，願主祝福你。」

拉斐爾轉身走向蟲洞，和米迦勒說了幾句後，便和另外兩人進入蟲洞之中，看來已經回到天界了。

但米迦勒卻沒有跟隨拉斐爾回去，這算甚麼，走了一個，又回來一個嗎？

「陳子鋒，我知道你覺得奇怪，不過你放心，我唔會留喺度太耐，我只係幫阿爾佢做一啲善後工作先留低啫。首先，我哋先返去阿爾住嘅地方啦。」

米迦勒打了一下響指，身後出現了白色的羽翼，強光掃過我和炎冰後，我倆便回到阿爾的住所。

當我們回到阿爾的住所，我的身體狀態完全恢復，而炎冰也在我旁邊睡着了般，像是甚麼事都沒有發生過似的。

要不是我手上還握有阿爾交給我的門徒石和命運之矛，我還真以為剛剛只是一場夢而已。

「好，趁佢哋仲未醒，等我嚟處理埋剩低嘅嘢啦。」

我還以為拉斐爾回去後，就可以完結了，現在是還有甚麼要處理嗎？

（二十八）米迦勒的提示

「陳子鋒，我知你有自己嘅諗法，唔太想我哋干涉你，不過你要明白，呢件事已經唔係你一個人嘅事，所以阿爾先會不顧後果咁出手。」

「唉，講真，我唔係話唔想你哋出手，我只係唔想再加入邊個邊個嘅陣營，又要守啲唔知咩規矩咁，對我嚟講，平等相處嘅話，所有嘢都有得商量。但如果一定要高高在上咁阻頭阻勢嘅話，我寧願自己一個去面對。」

「我尊重你嘅選擇，同樣地，我都尊重阿爾嘅選擇，所以先會留係度同你講埋以下嘅說話。貝爾菲格嘅事你已經知道咗，但你仲未明白貝爾菲格嘅恐怖之處。」

我聽到米迦勒的說話，回想起與貝爾菲格的戰鬥，要說是否強大，他絕對是一個強大的敵人，但要說是恐怖，路西法及別西卜好像要比他可怕得多。

「貝爾菲格之所以被稱為怠惰，係因為佢嘅出現，會令人變得富有，變得靈巧，變得聰慧。」

「吓？咁唔係好事咩？」

「如果以上嘅變化，係真實嘅，的確對人嚟講會係一件好事。但如果只係夢境，只係錯覺；當人夢醒，察覺到現實之時，虛假的成就會蒙蔽人嘅雙眼，令人相信虛假嘅夢先係現實，從而變得想逃避現實世界，浪費時間追求不存在的夢境，呢個就係怠惰嘅能力。」

聽到米迦勒的說法後，我腦海裡浮現出很大的疑問，就是我在戰鬥時，明顯是掉入了貝爾菲格的陷阱之中，但當中的情景，與其說令我變怠惰，倒不如說是色慾的表現。

想到這裡時，我眼角看到沉沉睡着的炎冰，回想起夢裡的他，臉上變得通紅。

不知道米迦勒是否察覺到我的變化，還是窺視了我的內心，他續說。

「當然，貝爾菲格目的是滿足人類的慾望，令佢哋依賴夢境變得怠惰，所以佢令人沉醉夢中的能力是七大原罪中最犀利嘅。只要你有慾望，唔理你係食慾，性慾定係其他慾望，佢都可以滿足你。而佢之所以能夠透過夢境令人樂而忘返，是因為佢會忠實地反映出人類深處，可能連自己都無察覺到嘅慾望，換言之，夢裡所見的一切，都係造夢者自己最想要嘅嘢，所以基本上無人可以從夢中醒返。」

米迦勒說到這裡時，我感到臉上一片火熱，所以我在與貝爾菲格戰鬥時出現的夢，就是我內心深處最想擁有的願望嗎？

「子鋒，拉斐爾呢？」

我還在胡思亂想之際，炎冰也悠悠醒轉過來，害我差點嚇得叫出聲來。

「佢佢佢被人捉咗返天界啦。」

「吓？天界？咦，你係？」

「我係米迦勒，我為阿爾啱啱對你做嘅嘢講聲對唔住。正如陳子鋒所講，阿爾因為打破規定，唔單止解除咗力量嘅限制，仲對普通人出手，就連命運之矛嘅複製品都用埋，我哋已經將佢帶返天界，佢暫時應該返唔到嚟。」

「吓？咁晨光會嘅事......」

「呢層你唔駛擔心，阿爾臨走有同我講，佢已經交代咗十一位門徒去處理。」

「原來係咁，但點解......」

炎冰看着面前的米迦勒，似乎不清楚他在此的目的。

「我只係嚟幫手提醒你哋啫，之前講嘅就唔重覆啦，你再問陳子鋒啦。接落嚟我要講嘅係，貝爾菲格會用咩方式對付你哋。由於貝爾菲格將全部人都視為敵人，所以佢無任何盟友，連手下都唔會有，取而代之嘅係，佢會以操控生物嘅方式去幫佢做嘢。你要有心理準備，你接落嚟嘅對手，除咗貝爾菲格，仲可能係你身邊嘅任何人。」

說到這邊，我又想到迎新營大概是那傢伙復活的時間，亦是他會選擇對付我的日子，如果他在那個時候把人都操控了，那我不就要面對百多二百人，而且還要綁手綁腳般不能傷到那些人，想到這邊頭都痛了。

「另外，除咗貝爾菲格，陳子鋒你要小心身邊嘅猶大。」

「猶大？佢唔係喺澳門已經......」

「正如十一位門徒一樣，佢哋都只係繼承咗前人嘅本質，而當中猶大嘅背叛係最大嘅特質，無論對你嚟講有幾密切都好，佢都有可能係猶大嘅化身，摧毀你嘅一切。耶穌可以復活，但陳子鋒你只有一條命，好好保護自己。」

「貝爾菲格已經令人頭痛，已經仲要對付其他普通人，仲要驚猶大嘅襲擊，不如你都係收我做第十二位門徒算啦。」

「陳子鋒，機會無咗就係無咗，同埋，呢個都唔係你嘅真心話，所以，你都係乖乖地接受你嘅命運。喔，差啲唔記得，門徒石同命運之矛複製品，門徒石對你嚟講係無意義嘅，但阿爾畀得你嘅話，都係好好帶喺身邊啦。另外，命運之矛，阿爾已經講咗最重要嘅部份，既是死，亦是生，記住佢對你有好處，當然，如果用唔着就最好啦。好啦，我要交代嘅嘢都差唔多啦，彼德同安德烈我就帶走啦。」

「咪住，答我最後一個問題，如果貝爾菲格完全復活，依家嘅我有無可能對付佢？」

「陳子鋒，你覺得天使惡魔同人類真係可以比較咩？如果唔係有世界嘅法則規範住我哋，人類根本無可能觸碰到我哋。如果貝爾菲格完全復活，以你依家嘅能力，贏嘅機會係零！不過阿爾既然選擇相信你，你就即管掙扎到底，證明畀我睇，我嘅諗法係錯嘅。如果失敗咗，我哋自然會出手，到時候就唔係你哋可以插手嘅時候。」

米迦勒話畢，便抱着彼德和安德烈從兩人眼前消失。

「唔似你喎，做咩會問埋啲咁嘅嘢，你唔係咩都唔驚嘅咩？」

「知己知彼啫，都唔係第一次被人睇死㗎啦。呀，係喎，你之前都被貝爾菲格襲擊，有無被佢帶入夢境度？」

「夢？無喎，之前我同阿爾一齊，而且佢目標係你，所以好快就被我哋擊退咗。做咩你會咁問？」

「無，無咩，八卦問下咋嘛。」

「奇奇怪怪咁。」

我無視了黃炎冰的疑惑，硬是把話題帶回對付貝爾菲格的事情上，我倆決定在迎新營到來前，嘗試找出貝爾菲格，希望能在迎新營前將事情解決。

OG發現

幾時有文睇

唔好被佢走甩

樓主好耐無出現，係紙言開始睇你既文。

真，都幾年無寫嘢，依家再嚟過，再儲過人一齊睇一齊追我文

加油呀心巴

（二十九）迎新營 - 前夕

在與拉斐爾與米迦勒碰面後，了解到自己能力不足，只好回到天命道堂繼續修行。

但說真的，不到一個月的時間，修行也不會有很大的幫助，頂多令我對道術的運用更加熟練而已。

而同一時間，我和炎冰亦嘗試在校園內尋找有關貝爾菲格的痕跡，只是完全沒有任何發現。

另外有關晨光會的部份，雖然有跟彼德和安德烈聯繫，但得到的資訊都是在處理中。

我愈是希望事情有所進展就愈是不順利，時間就這樣一直流走，到了迎新營前一天都沒有任何好消息。

「拉斐爾，唔好望啦，你應該知道佢哋只係浪費時間，貝爾菲格喺完全恢復之前係唔會被佢哋發現。」

「米迦勒，道理我明白，但我被禁足喺呢度都無咩嘢做，咪睇下佢哋有咩進展囉。係呢，晨光會嘅事進行成點？」

「十一位門徒已經令大部份晨光教嘅教徒了解到事實，佢哋基本上都脫離咗晨光教，但仍然有少部份忠實嘅信徒，喺一個外國祭師嘅帶領底下，避開晒所有外來嘅資訊。而且佢哋全部都秘密行事，好難接觸到佢哋，短時間內應該無辦法瓦解佢哋。」

「啫係貝爾菲格應該會成功復活？」

「機會好大，不過呢個都係預計之內嘅事，你應該好明白有啲嘢唔係可以咁易改變。」

「道理我都明白，或者好似陳子鋒咁講，我好似愈嚟愈人性化。」

「好事？」

「唔知道，至少今次嚟講唔知係好定壞事。本來貝爾菲格復活，打破規則對付陳子鋒嘅時候，我就可以出手，雖然可以預計陳子鋒會喺生死之間徘徊，但可以救返佢嘅機會好高。而我選擇咗去勸誘陳子鋒，失敗嘅後果令我被禁足，變相就算貝爾菲格打破規則，我都無辦法出手，就算你哋幫手都好，可能已經遲咗。是好是壞，我真係睇唔透。」

「但你已經將門徒石同命運之矛交咗畀陳子鋒，你唔係已經相信佢可以靠自己捱過呢次嘅危機咩？」

「呢個只係無辦法之中嘅辦法。以人之軀對抗七原罪，本來就係一件唔合理嘅事。」

「算啦，事情嚟到呢個地步，你只可以睇住佢進行落去。」

「或者，米迦勒你可以......」

「呢邊唔係我負責，我唔可以越界，而且，我只會喺有人對神出手嘅時候，先會出面阻止，呢一刻嘅我唔會亂用我嘅力量。」

米迦勒拍了拍拉斐爾的肩膀便轉身離開，餘下拉斐爾一人透過天之池繼續觀望着陳子鋒的行動。

「唉，都過咗差唔多成個月，乜都做唔到。」

我在天命道堂裡看着月曆，抱怨甚麼都沒有做到。

「都唔係呀，我見你呢個月同你迎新營班組員玩得好開心呀。」

炎冰在邊整理着道堂裡的雜物邊揶揄我。

「說話唔可以咁講嘅，我哋分工分得好啫，你負責處理貝爾菲格，我負責處理迎新營入面嘅人際關係，到時迎新營發生咩突發事都好，我都可以有熟人幫手呀嘛。」

「係係係，你啱你啱。咁你嘅人際關係搞成點呀？」

「還可以啦，不過我哋組個OC唔知搞咩，聽日都迎新營，我哋全部人都未見過佢。」

「可能太忙啩。嚟，呢個錦囊畀你嘅。」

「錦囊？哇，你都好似維園大叔咁算到我幾時出事呀？」

「我無咁犀利，呢個錦囊只係放咗一堆符咒，邊啲有用邊啲無用我都唔肯定，你自己研究下啦。」

「唓，咁渣㗎。」

「唔要就拎返嚟。」

黃炎冰伸手抓向錦囊，幸好我眼明手快，早一步把錦囊收進褲袋裡。

「我又無話唔要。」

「隨便你，好啦，我返屋企先啦，你今晚都早啲休息，聽日就係迎新營第一日，無人知貝爾菲格幾時會出手。」

「好啦，喔，我送你返去啦。」

「吓？你係咪有咩問題？平時都唔會講啲咁嘅嘢。」

黃炎冰瞪眼看我，仿佛想看穿我在想甚麼似的。

其實自從上次從貝爾菲格的夢中逃出來後，我就一直不自覺地對黃炎冰在意起來，但也不是說有甚麼特別意思，就是會多注意他一點點而已。

「無，我諗住順路啫。」

「吓？邊度順呀？」

「唉，無嘢啦，我亂講啫，你返去啦。」

「係啦，你返去好好抖下，養精蓄銳，捱過呢一關之後，就可以享受大學生活啦。」

「如果之後無咩奇怪事發生就係，好啦，我都返屋企啦。理佢貝爾菲格定路西法，等我一口氣搞掂佢哋。」

「好啦，咁我走先啦，聽日見。」

我下意識地也回答了「聽日見」，但明天應該見不到才對吧。

有甜未

無甜，得膠，接膠啦

一次寫3個故

Btw等左好耐 之前啲故都翻看左幾次

有貼出嚟嘅係三個，仲有兩個唔同類型嘅故仔寫緊，但暫時唔會出住

多謝你咁捧場

（三十）迎新營 - City Hunt (1)

「大家早晨，又係我Andy呀。」

「早晨呀，我係Angel。」

「距離上次迎新日已經差唔多一個月，唔知大家仲認唔認得自己啲組員呢？」

「你估個個好似你咁咁無記性咩，仲有，我知好多組都個別有再約出嚟gathering，我都偷偷地去咗其中兩組嘅聚會添。」

「搞錯呀，點解無人邀請我去㗎？」

「咁你要反省下啦。好啦，相信大家唔會好似Andy咁，又無記性又無人緣。廢話唔多講啦，我哋即刻開始今次嘅活動city hunt啦。」

「喂喂喂，開始還開始，你都講下咩係city hunt先得㗎。」

「唔駛我哋講㗎啦，每組嘅OC會幫我哋解釋玩法。咦？你唔係又無人通知你呀？」

「吓？真係無人通知我喎，唉，灰爆，都唔知請我嚟做MC做乜。反正無人理我，各位，我去北潭涌渡假營抖下先啦，你哋到咗再通知我啦。今次記得預埋我啦。」

「見你咁慘，我陪你去啦，大家，陣間北潭涌渡假營見。」

兩位大會司儀開場後，迎新營的工作人員開始每組分發一張地圖與及任務紙，上面詳細列舉着每個任務的位置、內容以及分數等資料。

我們組拿到資料後，長髮美女Apple便察覺到不妥。

「唔係喎，我哋組個OC仲未嚟嘅？咁我哋點開始？」

「係喎，未同你哋講添，我哋組個OC因為唔舒服，所以嚟唔到迎新營，所以學生會臨時請咗佢哋嘅朋友嚟幫手，但因為臨時拉夫嘅關係，佢都係早幾日先收到資料，等學生會同佢briefing完就會過嚟。」

「Judy你睇，話口未完佢就嚟啦。Irene，呢邊呀。」

「Irene？咁鬼熟嘅呢個名？」

我聽到家琪的叫喊後，對這個名字有種說不出的熟悉感。

「家琪，Judy，唔好意思，遲咗少少。」

從不遠處用小步跑的方式過來，映入眼簾的，竟然是黃炎冰。

「黃......」

雖然我差點脫口而出把他的真名說出來，但他那凌厲的目光把我的話硬生生塞回肚子裡。

而我雖然未有把名字說出來，但奇怪的舉動已被Judy注意到。

「咦，子鋒，你識Irene嘅咩？」

「佢係我師弟，之前讀同一間中學嘅。大家好呀，除咗子鋒同家琪，其他人都係第一次見，大家多多指教。」

黃炎冰怕我亂說話，搶先一步把我和他的關係簡單總結，而且也避免了安德烈說錯話的情況。

但他在說話的時候，看着Judy的眼神，硬是有種不協調感。

「好啦，雖然我係臨時加入嘅，不過我本身都有幫其他學會手搞O-camp，所以問題應該不大嘅。啱啱大家應該都有聽MC講過，我哋要玩一個叫City-hunt嘅遊戲，呢本小冊子入面有寫低晒所有任務，每個任務會有唔同嘅分數，亦有參與組別嘅限制，例如呢個同路人合照嘅活動，只容許三組參加，所以如果已經有三組完成咗，去到都唔可以再接呢個任務，同埋會浪費咗時間。我哋暫定四點半後就唔可以再接任務，無論到時幾多分都好，都要入去渡假營。當然，愈高分嘅組別會有獎勵，最低分嘅兩組會有懲罰。依家可以討論下應該去邊度同做邊啲任務，組爸組媽都可以一齊參與決定，而我主要就係負責監測住大家，唔會直接參與遊戲。好啦，我哋要快啲決定，隔離有幾組已經準備行動啦。」

黃炎冰一口氣把規則說完後，我們組的人馬上便商量應該怎樣行動，畢竟既然是類似比賽的形式，沒有人想輸的。

我們一行十人，決定從最近的地方開始進行遊戲，在城市大學中，有多個位置均有不同的任務，其中一個位置是在Lt-401這個地方。

由於這個任務的分數比較高，我們決定先去一趟。

「陳子鋒，陣間個任務我哋參加咗先，之後我有啲嘢同你講。」

安德烈趁着去Lt-401 的路上，來到我身旁如此說，我猜他是想說晨光教的事，便點了點頭回應。

來到Lt-401後，發現已經有另外兩組人在進行遊戲，亦看似快要完成。

因為這遊戲只容許頭三組能獲得分數，我們便加快腳步開始進行遊戲。

我亦如安德烈提出的要求一樣，自薦為第一個參與遊戲的人，幸好遊戲考驗的是靈活性跟反應，這方面當然難不到我；安德烈亦很快地完成遊戲。

緊接我們的，是嬌小的Grace，看來他不太擅長這種需要反應的遊戲，失敗了兩次似乎仍然抓不到訣竅，而這亦剛好為我和安德烈爭取了一點交流的時間。

「陳子鋒，晨光教嘅處理已經去到尾聲，最後一組教徒亦被我哋定位，我哋已經派人去處理，但作為核心嘅祭師似乎唔係可以說服嘅對象，而且佢似乎擁有某種可以奪人心智嘅魔力，處理起上嚟相當麻煩，不過只要多啲嘅時間，應該可以將佢制服。」

「制服？你哋就算自稱十一門徒，但都只係普通人咋喎，咁做會唔會有問題㗎？」

「我哋先唔係咩自稱......唉，算啦，同你爭論呢點根本無意思。你放心，晨光教本來就被定義為邪教，我哋出手唔會有問題嘅。同埋，如果唔係教會嘅人，根本無辦法抵抗佢嘅魔力，所以教廷已經溝通好，只要將呢個祭司處理好，晨光教就會被大幅削弱。」

「雖然聽落係好消息，但點解唔係成個晨光教被消滅而只係削弱？」

「你將宗教團體諗得太簡單啦，即使將最大嘅毒瘤消滅，佢嘅根都唔係咁易被拔起。但經過今次之後，佢哋唔會再咁囂張行事。」

「聽落似乎好順利，咁貝爾菲格嘅復活？」

「呢個都係我想講嘅重點，我哋同阿爾先生討論過，今次將晨光教逼到呢個地址，貝爾菲格能夠從信徒得到嘅力量會大大減少。只係，似乎無辦法完全阻止佢復活。」

「唔係啩，同當初講嘅唔同喎。」

「無辦法，似乎你上次傷到貝爾菲格之後，令佢嘅恨意加強，而且今次係佢得到你嘅唯一機會，所以無論點樣都好，貝爾菲格都會復活。但慶幸嘅係，似乎佢唔可能以百分之百嘅狀態回歸。」

「唉，咁都好過無啦，過咗成個月總算有啲好消息。」

「但呢件事其實未完，雖然祭司被我哋搵到，但根據佢哋記錄嘅資料，佢哋嘅信徒之中好多都有把柄喺佢哋手上，我哋仲逐單處理緊。而其中，似乎有好幾位嘅信徒或信徒嘅家屬已經係大學嘅一份子，你仲記得猶大嘛，我哋相信佢已經混咗入嚟我哋小組。」

「唉，我只係想好好咁享受下大學生活啫，你一嚟就同我講啲咁嘅嘢......」

「我都唔想同你講呢個壞消息，但你絕對有需要知道呢個事實，記住，我哋組入面，可以信得過嘅，只有我同Irene。」

安德烈的話，使我陷入了絕望之中。

把我的大學生活還給我！

輕輕一推

（三十一）迎新營 - City Hunt (2)

「咦，你兩個喺度傾咩呀？」

我和安德烈談了一會，Grace已經完成了剛剛的遊戲，等待着下一位成員。

「我同安德烈傾緊做完呢個任務，係繼續下個任務定食咗嘢先啫。」

「你講完之後我都有啲餓添。」

Grace豪不掩飾地拍了拍肚子，能感受到他真的有餓的感覺。

繼Grace之後，Apple，Joyce，Oscar同Raymond都相繼完成遊戲，旁邊原本還在追趕着我們的另一小組，在我們完成遊戲後發出了嘆息的聲音。

「哇，好在我哋早咗少少嚟啫，如果唔係我哋可能贏唔到呢個任務。」

最後一個完成遊戲的Raymond，浮誇地用手裝作抹汗，真的讓人有種緊張的感覺。

「大家都做得好好，我哋嚟鼓勵下自己先。」

家琪在旁邊帶領我們喊出勝利的slogan，像這種平常會讓人感到害羞的舉動，不知道為甚麼到了大學又會變得自然起來，不知道是否公開試實在令學生太過壓抑，導致來到大學做甚麼也好，都比考公開試輕鬆得多。

「好啦，雖然完成一個任務，但我哋仲有好多任務可以做，而且大家鬆懈嘅話，好可能被其他組追返上嚟。我建議你哋盡快決定下一個任務。」

提出建議的是黃炎冰，這般主動和會帶氣氛的人，不是我平常認識的黃炎冰，看來他已經很能融入大學的生活。

「大家大家，啱啱子鋒同安德烈喺度傾緊食咩，我想問下係咪會食咗嘢先㗎？」

Grace指着我和安德烈，看來他是要把我們拉進他那吃飯的陣營之中。

「嗯，迎新營主角係你哋，你哋自己安排啦，我同Judy唔會畀太多意見。」

家琪看了看Judy，Judy也有默契地點了點頭。

「咁樣嘅話......」

Grace將目光放到我和安德烈以外的組員上，希望取得他們的同意。

最後經過了一輪討論後，還是決定將大學裡面有的任務都跑一遍看看，如果都已經被完成了，就先去吃飯。

不知道是幸運還是不幸，我們組別還真的找到了還有分數的任務並順利完成，代價就是用餐的時間被延後了。

「好啦，我唔得啦，快啲去食嘢啦。」

Grace在眾人面前拍了拍小腹，旁人也能感受到他真的不能再等下去了。

於是我們一行十人，決定先到城大Canteen祭一下五臟廟後，才再出發。

來到Canteen，發現亦有其他組別正在用餐，看來大家也是差不多的想法。

我趁着點餐的這段時間，稍為跟黃炎冰談了一下，告訴他晨光教那邊的事情，還有安德烈提醒我有關猶大的事情。

「值得慶幸嘅係，貝爾菲格唔會係完美狀態咁復活，猶大嘅事都無辦法，我哋只能夠見步行步。不過，關於猶大嘅事，我諗Judy嘅嫌疑好大。」

「點解咁講？」

「其實你Reg day當日，有個女仔跟喺你後面，當時雖然覺得有啲奇怪，但佢身上感覺唔到任何靈力，就無繼續留意。直到你迎新日，我先發現Judy就係當日跟喺你後面嘅女仔，所以佢好可能係有目的咁跟住你。」

聽到黃炎冰的說明，看來Judy的嫌疑真的很大，難怪他會在紅門前能準確喊出我的名字，看來我老早就被他盯上了。

「可能佢跟住我，係因為我靚仔啫。」

「你算罷啦，仲有心情講埋啲廢話。不過都好嘅，好過你以前，可能已經縮埋唔知去邊。」

「我以前都不知幾勁！仲有呀，以前中學我哋咪會喺學校傾啲恐怖故仔嘅，你仲記唔記得呀？」

我看到Judy從黃炎冰身後慢慢走過來，馬上改變話題並向黃炎冰示意。

「哦，甲子年啲鬼故呀嘛，我梗係記得啦，師弟。」

「你哋咁好傾嘅？」

「咦，Judy，你唔係買嘢食咩？」

「無呀，我見唔係好肚餓，隨便買個包食算啦，見你哋兩個喺呢度傾計，仲以為你同子鋒喺度偷偷地傾密偈添。」

「傾就係傾，不過唔係啲咩密偈，而係以前讀中學啲嘢啫。好啦，我買嘢食先啦，個組仔交返畀你。」

黃炎冰說完後，便扔下我一個和Judy，害我有點尷尬不知道怎反應才好。

「係呢子鋒，你仲唔嗌嘢食？」

「我仲諗緊，哈哈，不過你唔駛擔心，我食嘢好快手，幾分鐘就搞掂㗎啦。」

我滿腦子都還在想着Judy是猶大的可能性，根本集中不了精神，只好隨便點了些東西來吃。

正當我付完錢後，Judy冷不防跟我說。

「Irene係你女朋友？」

「吓？你點得出呢個結論？」

我發自內心地冒出這個疑問。

「我睇你哋明明識又扮唔識咁，然後又鬼鬼崇崇喺度傾密偈，咪諗緊你哋係咪拍拖囉。其實係拍拖都唔駛收收埋埋啦。」

「痴線，梗係唔係啦，我點會同佢拍拖，唔好玩啦。」

「哦？係咩？咁你鍾意咩類型嘅女仔？」

「吓？順，順眼囉，無咩特別啫。」

「咁，我順唔順眼？」

我沒有想到Judy會跑來帶起這個話題，在我思考怎麼回應時，我點餐的地方正好喊到我的號碼，把我解救出來。

「咦，我份嘢食得囉喎，我去攞嘢食先。」

Judy聽到我這樣說，沒有再說甚麼，只是在我背後一直看着我，那刺人的視線，即使我不回頭也能清楚感受到，但在這麼開揚的地方，就算Judy真的是猶大，應該也做不出甚麼吧。

於是我便趕快回去小組那邊，希望從他的視線中逃脫開來。

重重一貼

屌live左
記得睇小詠個篇文已經係咸豐年前嘅事
btw 隻貝爾菲格咁似鬼滅隻下弦一

大家應該慣咗live先啱㗎
依家睇返一開始篇紅衣，原來啲用字咁奇怪
有次諗住執下啲字，不過諗諗吓都係旅程嚟嘅（其實係懶）

鬼滅無睇晒，等我𥄫下先

（三十二）迎新營 - City Hunt (3)

我們不愧都是年輕人，全部人都用不到十分鐘時間就把餐點清掉。

用餐完畢後，因為終點在北潭涌渡假營，所以我們都想先把比較遠的任務處理掉，然後慢慢往西貢方向出發。

但迎新營的組別差不多接近二十組，大家的想法應該也是差不多，加上每個任務的可完成次數也有限制，如果到達時發現競爭很大，甚至有人搶先完成，那就得不償失了。

所以也有人提出要不要反過來把較近的任務做完後，如果還有時間，才考慮遠一點的任務。

「好啦，提下你哋，其他組都差唔多走晒，要快啲決定。」

黃炎冰在旁邊提醒我們後，大家才達成共識先走近的地方，如果以港鐵線去分辨，就是往中環方向和往將軍澳方向去選。

最終由於位於大學旁邊的南山邨有一個分數頗為吸引的任務，我們一行人便馬上動身。

在前往任務地點途中，我本想嘗試跟黃炎冰定一下出事時的暗號之類的，但Judy一直明顯地盯着我們，結果甚麼也沒能說成。

而安德烈則有意無意地避開我和炎冰，是不想引起注意嗎？

「好啦，歡迎你哋嚟到偉智街遊樂場，提一提你哋，呢個任務能夠得分嘅組別係五組，已經有三組成功咗，另外有三組挑戰緊，你哋自己決定參唔參加啦。我繼續講解遊戲規則，旁邊呢度係石硤尾工廠大廈（即現時賽馬會創意藝術中心），嚟緊會進行改建，你哋會見到其實已經搭晒棚。我哋事前已經同入面嘅員工溝通好，可以入去搵佢哋進行任務，你哋將會分兩人一組，總共四組去一、三、五同七樓度進行任務，去到嘅時候會有人再同你解釋點做。記住，因為佢入面準備改建，有好多地方都圍封咗，你哋只可以喺指定嘅通道同地方移動同進行任務。畀多個建議，任務最好係一男一女咁搭配，四層任務可以同時進行，如果失敗咗唔緊要，挑戰次數係無限嘅，仲有可以中途換人。要挑戰嘅組別就沿住箭嘴上去啦。」

我們聽到後沒有多想，便馬上出發。

在出發以後，我看見黃炎冰神情有點奇怪，但Judy一直在他身旁交談着，我也不好走去黃炎冰旁邊，只能先跟組員們挑戰這個任務。

由於我們組女生只有三人，於是決定由兩位男性組員上七樓進行排戰，畢竟要爬七層樓梯的話，兩個男的還是比較快。

而原本的組合是由Oscar配上安德烈，但Oscar表示他不擅長爬樓梯，所以最後由我來代替了Oscar。

「咁大隻都跑唔郁，搞錯呀。」

雖然我有嘗試抱怨，但再拖下去時間就沒了，我只好放棄跟Grace一組，與安德烈一起跑到七樓去。

「安德烈，你做咩好似有意無意避開我同炎冰？」

「有咩？你諗多咗咋。」

我和安德烈跑到上六樓時，他還是避開我的視線，我實在有點忍不住。

「喂，到底咩事啫？之前都好地地，無啦啦黑口黑面咁款，有咩咪講囉。」

「上到七樓我慢慢同你講。」

安德烈邊說邊往上跑，我只好跟在他身後。

「點解要上到嚟先......」

我跟着安德烈跑到七樓，本來還擔心七樓有其他人，要討論的話可能不太方便，但我馬上明白安德烈為甚麼會要求上到七樓再說。

在我眼前，不只安德烈，負責任務的兩名工作人員，和另外三組的組員都瞪着我看，而安德烈亦慢慢走向他們，然後轉身看着我。

「哈，原來你哋識嘅，想夾埋整我係咪？」

我看着他們的眼神，知道他們都被甚麼操控了。米迦勒的話語在我腦海中浮現，他曾提醒我的對方，可能是身邊的任何人，但我從沒想做會在活動途中就出現這狀況。更沒有想到，安德烈也會被操控了。

我看着他們一行九人，在這正在改建的大樓中，狹窄的空間對我十分不利，於是我邊說邊往後退，想着先離開這個樓層再說。

但當我右腳往後踏出時，腳跟好像踩到甚麼有彈力的東西，完全無法往下行，這才想到剛剛踏入七樓時，有一種穿透某種薄膜的感覺，看來這邊也是類似結界的東西，要安然離去恐怕是不可能的了。

「陳子鋒，你無諗過我哋咁快又見面呢？」

安德烈看着我，用着一把跟他完全不搭的女聲在說話，想當然就是那可恨的貝爾菲格。

「你要見我出聲咪得囉，駛乜特登引我過嚟啫。同埋你做咩唔親自過嚟呀，我都想見你㗎嘛。」

「哈，哈哈，陳子鋒，你唔駛擔心，我一定會親自嚟見你。同埋，你都係想知我依家個情況啫，我大概恢復咗八九成啦，話唔定一日，話唔定半日，甚至乎可能我十分鐘後就可以出現喺你面前呢。」

「係咩，咁你快啲嚟啦，我驚我等唔切，又或者，晨光教被催毀後就見唔到你啦。」

「哼，十二門徒淨係做啲多餘嘢，以為咁就可以阻止我，結果咪淪落到被我控制嘅下場。如果唔係暫時唔可以打破規則，我真係想一嘢就殺咗佢。」

他邊說邊利用安德烈的身體，用指甲在安德烈的脖子上劃出一道血痕。

「既然你打破唔到規則就唔好勉強啦，等你恢復得七七八八再見啦。」

「又好啫，不過係我哋再見之前，你就同佢哋玩住先啦，唔好死呀，因為我要親手殺死你！」

貝爾菲格說完後，全部人都像發了瘋般向我撲過來，這下頭痛了，我動手的話會不會變成學校暴力事件。

我動手的話 呢個post唔會沉