［校園鬼故事 Ｘ 陳子鋒系列］大學入學篇

好耐冇見你出文
唔記得晒啲劇情
而家重新睇一次等你新故出多啲

我返嚟啦
新故方面盡量加速

你邊係新人
印象中你係唔係有故爛尾

正所謂十年人事幾番新，我都差唔多三年無蒲頭，當新㗎啦
爛尾呢啲衰嘢唔好提啦
等我整新一話嚟洗走你個留言先

（十）O-Day （4）

「大家好呀，我叫家琪，係你哋嘅組爸，呢位係Judy，係你哋嘅組媽。我哋仲會有一位OC（Organizing Committee）嘅，但佢有啲事仲未到，到咗嘅時候再介紹你哋識。」

一名臉帶笑容，身形高大的男生，爽朗地跟包括我在內的迎新營組員作出介紹。

「大家好呀，我係組媽Judy，陣間我哋會去Multi ABC（多用途活動室）度同其他組集合，玩一啲Ice breaking嘅遊戲，等大家可以喺入迎新營之前認識下先。係啦，我同家琪其實約早咗少少嘅，我哋去Canteen度坐陣，順便等我哋組都認識下先。」

Judy臉帶笑容地向我們說話，感覺得到她發自內心地歡迎我們。之前單獨跟我相處時的違和感完全消失，是我的錯覺嗎？

在飯堂那邊坐着後，組員們互相介紹，我們小組的構成是這樣的。

Apple，長髮大眼的美女，皮膚是那種白白的，年齡跟我一樣，說話時卻有種穩重感，應該挺習慣跟陌生人交流。

Grace，身高只有一米五多一點的嬌小女生，搭配着一頭長髮，說話方式和語調卻十分豪邁，跟柔弱扯不上半點關係的性格，那種反差並不會令人感到討厭，但我站在旁邊時有種不自然的感覺，畢竟跟我相差了差不多三十厘米的距離。神奇的是，組爸家琪分明跟我差不多高，跟Grace對話相處卻沒有那種不自然感，是我的問題嗎？

Joyce，組員中最後一名女生，有着一張大眾臉，沒有其他特徵，但相處了一小會，便能跟全部人混熟，很自然地對上每個人的話題，比起Apply那種像是業務般的交流能力，她有種天然的感覺，而且相處下去十分舒服，讓人會想繼續跟她談話。

Oscar，頭髮很短像是陸軍裝的感覺，五官端正，一臉正經，有點嚴肅。身高大約一米七左右，但令人印象深刻的是他的身形，那像是健美選手的體態，是那種長年在健身室中鍛鍊才能達到的程度，性格則是比較沉默內向。

Raymond，與Oscar形成強烈對比，頭髮瀏海很長，快要及眼的程度。雖然戴着眼鏡但絕不是書呆子的樣貌，反而有點酷酷的感覺，看上去有點裝模作樣。他的身材瘦削，跟Oscar着了一倍以上，兩人互相站在旁邊有着強烈的對比，而且Raymond亦是話多的類型，感覺挺好相處。

Andrew，安德烈，明明是混血卻又比我們香港人還鍾情於中文名字，堅持要我們以中文稱呼他。撇除他對神的信仰外，還算是一個好相處的人。只是想到他跟阿爾有着默不可分的關係，我就不太想跟他交流了。

最後一名組員，也是最重要的一員，就是陳子鋒，子鋒。是一個又高又帥的男生，除了外表，還兼備智慧，聰明的腦袋，福爾摩斯般的推理能力，還有......

「子鋒，子鋒。」

別吵我，我還在介紹迎新營的組員。福爾摩斯般的推理能力，還有......

「陳子鋒，你無嘢呀嘛？」

我從整理組員資料的思緒中回到現實，發現呼喊我的是Judy。

「吓？我？我無事，做咩事？」

「我哋差唔多夠鐘啦，但見你無晒反應咁，咪嗌一嗌你囉，你真係無事？駛唔駛休息下？」

「哦，夠鐘啦，無事無事，我啱啱諗緊我哋組個OC點解咁耐都未嚟啫。」

我隨口說了個理由，家琪立即回應。

「佢啱啱Send咗個SMS畀我，話佢嚟緊，我哋唔等啦，落去Multi ABC集合先啦。」

聽罷，我們一行人準備向Multi ABC移動，然後我看到Judy盯着我看，是在關心我剛剛在發呆嗎？

「陳子鋒。」

在動身之際，安德烈默默地走到我身旁，用幾乎聽不見的聲音向我說話。

「點呢？有咩幫到你呢？」

雖說現在是同組的關係，我實在不想跟安德烈搞好關係，故回應也比較冷淡，但安德烈好像並不在意。

「你覺唔覺得，呢度流動嘅氣有啲奇怪。」

「哈，我以為你哋呢啲聖職者淨係會講哈利路亞添，原來仲會講『氣』？」

「哼，神本來就唔會束縛我哋，只要我哋行走喺正確嘅道路上面就可以。你係咪咩都感覺唔到？可能我高估咗你。」

「唔駛嚟呢套啦。我一早已經感覺到奇怪嘅氣，只係依家無動靜，我都唔想亂嚟住。而且呢間學校真係好奇怪，明顯有各種各樣嘅存在，出面泳池嗰三注香都唔係啲咩好嘢嚟，要全部處理嘅話可能走晒第一個Sem啲堂都搞唔掂，總之，人不犯我，我不犯人，佢哋嚟搞事嘅，我自然會令佢後悔。」

「總算有件事係有共識，我都唔打算依家做啲咩，希望今日能順順利利渡過。但只要出手嘅都係敵人，就算對手係你，我都唔會猶豫。」

我對安德烈的話不以為意，亦不肯定他是對我說，還是對我體內的甚麼東西在說着。

只是，看來我和他都有共識，今天，絕對不會是平靜的一夜。

（十一） O-Day （5）

我跟着他們來到活動場所，起初聽見Multi ABC這名字，實在想不出這到底是一個怎樣的地方。

來到後才發現，基本上就是一個十分廣闊的室內場地而已，形狀有點像是「Ｌ」字型，如果用間隔板分隔開，就可以分成三等份的正方形，大概是這樣才會被稱為Multi ABC吧。

家琪有跟我們簡單介紹，這空間不只是O-Day會用到，很多其他大型活動如動漫展、歌唱比賽等等都會借用這邊來當作活動場地，基本上每一年的檔期都是滿的。

由於我們是準時到達的，想當然人就是還沒有全來，嗯，準確來說是連一半都不到，所以學生會的成員決定再等一會才開始。

「大O真不愧為大O，人數真係唔同啲。」（注明：這邊所指的大O為學生會所舉辦的迎新營）

我看着那所謂一半的人數，少說也有百多人，這規模的活動在中學時可不常看到。

就在我東想西想時，安德烈突然來到我身旁。

「陳子鋒，你有無發現，呢度感覺好唔妥？」

事實上，在踏進這地方前，我已經感覺到強烈的違和感，有一種像是空間被扭曲的感覺。

「我頭先咪講咗，人不犯我，我不犯人。我依家淨係想好好享受大學生活，同埋搵定組mate，第時走堂，做group project我都可以交晒畀佢哋幫手。」

沒有錯，我之所以積極地參與大O和細O，就是希望在選擇不同的課程時，均可以保證有人可幫我，簡單說就是大學版的天賜和阿詩。

安德烈用近乎鄙視的眼神看着我。

聊着聊着，人總算差不多都到齊了。

「大家好，我叫Andy，呢位係Angel，我哋除咗係今日嘅MC之外，之後O-Camp都會由我哋兩個嚟主持嘅。相信大家都已經襯呢段時間認識咗身邊嘅人，本來預定要畀大家認識下定下組名先嘅，但因為比預定時間遲咗好多，大家都傾咗咁耐，我哋決定直接開始我哋嘅遊戲。Angel，交畀你。」

「無錯，啱啱我哋已經喺你哋嘅組爸組媽手上收到你哋嘅組名，每一組都要揀一個隊長，由隊長安排每個遊戲嘅組員。我哋第一個遊戲叫First Impression，首先會喺你哋組入面進行，完成後我哋會抽唔同組別嘅組員出嚟再做一次。依家我哋簡單少少，用男女嚟分開兩邊先，規則方面就由組爸組媽去同你哋講解。」

在Angel說明過後，每一組便開始各自進行講解。

遊戲玩法就是每邊為男生女生去配對一個號碼和一些第一印象，例如誰最像擅長運動這類的問題，透過提問再去猜對應的人設。

但基本上所有問題都是基於第一印象而提出，故問題只是好玩用的，實際是組員之中溝通和認識的一個機會。

順帶一提，遊戲結束後，我得到的第一印象是大細路，笨笨的......

算了，還是別提了，總之就是一個和我完全符合不上的人設就對了，媽的。

在經過好幾個遊戲後，總算變得比較熱鬧起來。雖然在過程中我仍然感覺到那種違和感，但人這麼多也不好做些甚麼，畢竟我可不想還沒開學就被貼上怪人的標籤。

「好啦，睇嚟大家都已經熟咗好多，咁我哋就繼續啦，接落嚟......」

正當Andy準備說明下個活動，室內的燈光突然熄滅，咪高風的聲音亦突然切斷。

遇上這種狀況，肯定會有呼叫的聲音才對，但四周卻安靜得像是死城一樣，這大學的學生都這麼鎮定的嗎？

我還沒來得及弄清楚現狀，眼前的黑暗中出現了一道耀眼的光芒。

那是一種非常奇怪的畫面，分明四周的環境是一片漆黑，眼前發出的光線應該會異常明亮才對，但眼睛對上這道光芒時，影入眼簾的，卻是一顆黑色的星星。

而在意識到這顆黑色星星的時候，我感到天旋地轉，有點像暈船的感覺。

下一秒，嘔心的感覺湧現，我忍不住吐了出來。

但我感覺到，我吐出來的，不是嘔吐物，而是血液。那股血液獨有的鐵鏽味，我不可能弄錯，而且吐出來的量絕對不少。

「可惡，到底發生咩事？」

我下意識感到事態嚴重，馬上做好九字護身法的結印。

本來這種護身法就是用作驅除邪穢之物，從天命叔那邊偷來後，我更多次用作保命和攻擊的手段，基本上我認為足以用於任何情況。

但，我錯了！

在我結好手印後，溫暖的光芒包裹着我的身體，不舒服的感覺也緩和許多。

那顆黑色的星星好像察覺到我的行徑，忽然鼓動起來。

隨着黑色星星的鼓動，九字護身法的光芒和力量好像被它抵銷掉一樣，那種不舒服的感覺再次湧現。

我感到胃部一陣翻騰，嘔心的感覺變得更加強烈。

心知不妙的我，再次結起手印，但暈眩的感覺令我不能好好行動，大量的鮮血再次從我口腔吐出。

我的血液慢慢流向那顆黑色的星星，星星吸收掉我的血液後，慢慢變成血紅色。

我努力維持着意識，希望想出破解的方法。

但腦海裡卻只能想到天命叔提醒我的那句說話：「小心晨星。」

我只是想好好享受大學生活而已，為甚麼非要遇到這樣的事情，而且，不要只是警告，把解決方法一併告訴我啊！

推

幫推一下

我又推埋一份

不過我會用故事嚟推

（十二）拉斐爾與炎冰（1）

在大學新生登記後，炎冰在我離開學校後，在大學範圍下了不少功夫。

「我讀咗成年明明都無事，條友仔一嚟就搞到呢度啲磁場亂七八糟。」

炎冰邊埋怨邊在大學四周奔波着，來到鄰近南山邨出入口位置，確定沒有人在附近後，便拿出了令旗及符咒，準備為結界進行修復。

「得你一個咁辛苦？」

炎冰聽到一把聲音從背後傳來，不禁嚇了一跳，分明已經確認過四周的情況，而且她亦一直有所戒備，但竟然有人能在她不察覺的情況下靠到她背後，絕不是甚麼等閒之輩。

於是在回頭的同時，運起劍指便向後方刺了過去。

「冷靜啲，係我，拉斐爾。」

拉斐爾擋下炎冰的劍指，並臉帶微笑地說。

「我就知道係你。」

炎冰收回劍指後，便重新開始修復結界，畢竟也不是需要隱瞞阿爾的事情，再說，應該也隱暪不了吧。

「駛唔駛我幫手？」

「幫手？唔駛啦，我知道呢一套同你哋唔係好夾。你搵我到底咩事？」

「嗯，我嚟提醒你啫。同埋，睇下你會唔會勸到陳子鋒，叫佢唔好參加迎新營。」

炎冰聽到這邊，不禁眉頭一皺。

「你應該知道，無人可以講得掂子鋒。」

阿爾聽罷，沉思了一小會，便搖了搖頭。

「不過，既然你特登嚟搵我提醒佢，應該都唔係啲咩小事。我姑且問一問，今次又係咩事？」

「嗯，喔，嗯嗯......﹞

阿爾閉眼沉思，好像十分掙扎。而在他掙扎期間，炎冰已經完成了結界的修復。

「我仲要去LT401修復結界，你唔想講嘅我行先啦。」
（*LT401，大學泳池旁的演講室）

「等，等等。因為我有受到制約，唔可以好直接講，咦，你頭先話要去邊？」

「LT401。」

「嗯，咁啱啦，我哋一路行一路講，順便展示畀你親眼睇啲嘢。」

炎冰雖然還是感到疑惑，但想着既然目的地一樣，也就和阿爾一起向LT401移動。

「黃炎冰，你有無聽過晨星？」

「晨星？你係指天上嘅星星？」

「嗯，佢都可以算係天上嘅星星，但我唔係想講呢種星星。」

面對着欲言又止的阿爾，炎冰稍為分析了一下。

「唔通，你係指啟明星 - 路西法？」

阿爾沒有回應，但臉上露出了笑容。

「晨星，本來係天上最閃耀嘅星星，我同加百......我嘅朋友，都好鍾意晨星嘅光芒，佢嘅光芒雖然傲慢，傲慢到想掩蓋其它嘅星星，但佢嘅光芒，真係好靚。只可惜，唔知幾時開始，晨星嘅光芒變弱......唔係，係變得奇怪、扭曲、不純粹，而且，變得極為危險！」

阿爾和炎冰已經來到LT401的前方，炎冰本打算進入LT401先處理結界的部份，但阿爾卻阻止了炎冰。

「我啱啱，咪話要畀你親眼見識嘅。」

阿爾話音剛落，四周的景物突然變得扭曲，本應還是白晝的天空，突然變得漆黑一片，而在漆黑的夜空中，卻有一顆黑色的星星，發出一陣奇異的光芒。

炎冰不期然盯着星星，才不過五秒的時間，炎冰突然感到體內莫名的燥動，五臟六腑好像在翻騰着一樣。

「冷靜，深呼吸，唔好被佢嘅光芒影響，想像下陽光嘅模樣。」

在阿爾的提醒下，炎冰調整呼吸，加上降伏心魔指印，那種不舒服的感覺終於消失。

「到底咩事？呢個就係晨星？」

「正確嚟講，係不完全嘅晨星。」

「咩話！」

炎冰着實嚇了一跳，若然這狀態是不完全，實在無法想像變得完整的晨星會帶來甚麼樣的影響。

「呢個，就係陳子鋒，今次要面對嘅試煉。」

炎冰聽到後，心裡只有一個念頭，又是陳子鋒闖的禍。

（十三）拉斐爾與炎冰（2）

「好強嘅邪氣。」

炎冰看着星空上的黑色星星，不舒服的感覺雖然消失，但心中總是有一種燥動感驅之不散，仿佛只要稍為放鬆，人就會變得瘋狂。

「本來，晨星嘅光芒唔應該係咁。」

阿爾的語氣帶着一絲感慨。

「唔得，我個腦就嚟轉唔到，雖然我有好多嘢想問，但我唔知點問，亦唔知你邊啲答得。你可以簡單話我知到底發生咩事？」

阿爾沉默良久後，像是下定決心似的。

「黃炎冰，既然你同陳子鋒扯上關係，我相信你已經了解到陳子鋒體內嘅邪惡。嗰個，係所有邪惡嘅起點。」

「先唔反駁你扯上關係嘅部份，子鋒嘅事我略知一二。」

「神雖然全知全能，但係正因為全知全能，先可以做到持平，絕對嘅持平。縱使係邪惡，只要未出手，佢就只係一個普通嘅存在。亦因為咁樣，喺創世後嘅漫長時間入面，反抗神嘅勢力一而再，再而三咁出現。而當中，晨星嘅背叛，係我有記憶而嚟，其中最為慘痛嘅一次。」

「但據我所知，晨星喺聖經入面，並無頻繁出現，對佢嘅描述亦只係短短幾句。而且，要講最慘痛嘅經歷，我以為你會話係受傷嘅嗰次添。」
（請參閱：澳門旅遊之陰魂不散的傳教士 彩蛋三：裏 創世記 － 亞當、夏娃與蛇）

「受傷嘅原因，係因為意想不到嘅突襲。但如果要講慘痛，一定係晨星嘅背叛，而之所以無喺聖經嘅出現，係因為被刪除咗。」

炎冰露出驚訝的表情，畢竟這不是普通的書籍，而是一教之本，很難想像會有人對其動手腳。

「可能我用字唔係咁好，本身呢段歷史係有寫入去嘅，只係喺製作成書之前出現咗意外，部份嘅章節受到破壞，其中一段就係描述晨星嘅事，仲有好多零零碎碎嘅部份，當時製作嘅人無辦法修復失去嘅部份，只能夠用仍然存在嘅部份去製作。」

聽起來雖然疑點重重，但畢竟這不是炎冰可以插口的話題，故亦識相接受。

「唔好意思，有啲離題。晨星嘅背叛之所以慘痛，係因為佢率領咗其他嘅原同伴一齊叛變。可能你會聽過，我哋有七位御前嘅侍奉者，侍奉全能嘅神。」

「米迦勒，加百列，烏列爾同埋，你。其他我都唔肯定。」

「拉貴爾，沙利葉，雷米爾。但其實，原本仲有一位同米迦勒並列，就係貴為晨星嘅路西法。只可惜，晨星嘅傲慢，令佢忘記佢嘅本份，佢唔願意有任何事或物存在喺佢嘅頭上，包括神。爭鬥持續三日三夜，最終晨星隕歿，我哋亦損兵折將。只係，隕歿的晨星並無被徹底消滅，大概係神嘅仁慈，又或者，傲慢嘅晨星，唔允許自己墜落到最底層。佢一直都積蓄住力量，準備復活。」

「歷史就講完啦，但點解會係呢度，點解會係子鋒？」

「陳子鋒，作為一個復活嘅容器，係十分之優秀。就算係佢體內已經有另一種邪惡存在，對晨星嚟講根本唔係啲咩問題。本來所謂嘅邪惡，佢哋唔會有所謂合作或互讓嘅概念，有嘅只會係利用或吞併。所以陳子鋒就好似一塊磁石咁，會吸引各式各樣嘅存在接近。至於點解係呢間大學，你有無聽過晨光教？」

「晨光教？」

炎冰一臉疑惑，大概是第一次聽到。

「嗯，未聽過都好正常，佢唔係一個正式嘅教派或組織，在表面嘅世界大概唔會有咩人認識佢。簡單講，佢哋係一班信奉路西法主義嘅狂熱份子。」

「聽起嚟好可怕。」

炎冰由衷的這樣想，畢竟怪力亂神縱使可怕，亦不及人心的醜陋，而且，聽說宗教上的狂熱份子尤其可怕。

「我之所以以教師嘅身份潛入呢間學校，係因為收到消息呢度有晨光教嘅信徒，只可惜過去一年完全無任何發現。不過，當陳子鋒確認會入讀呢間學校之後，一切都唔同咗，晨星開始露出佢嘅獠牙。依家呢度，都係我最近先發現。」

「既然你已經知道咗佢哋嘅存在，咁你仲唔出手處理？」

「唉，我唔係唔想，只不過當對方無出手，我可以做嘅嘢係有限。但我唔係無準備，我已經安排咗彼得同安德烈入嚟，佢哋會幫手調查同處理。只要陳子鋒佢肯唔出席迎新營，避開今次嘅危機，我相信一年，唔係，半年內，我哋可以處理好晨星嘅事。」

「半年，我諗就算只係一個禮拜，佢都唔會應承。」

「你一定要想辦法說服佢，以陳子鋒依家嘅力量，唔可能對付到佢。」

炎冰看了阿爾一眼，臉上露出了笑意，似乎對阿爾的說法不以為然。

「雖然，你哋嘅力量好強大，但會唔會太睇小我哋？」

炎冰說話同時，拿出了一道符咒。

「破邪咒？」

阿爾皺眉看着炎冰將符咒丟向晨星，晨星的光芒變暗淡，然後慢慢消失，扭曲的空間慢慢變回原狀，兩人再次面向LT401。

「或者，我哋比你想像嘅更為堅強。」

阿爾欲這又止，仿佛找不到合適的詞彙，思考良久後，便對炎冰說。

「晨星嘅力量愈嚟愈強，之後唔會咁易應付。」

其實炎冰心裡明白，阿爾說的全部都是事實，剛剛炎冰亦只是擺脫了晨星的束縛，而非將其消滅。

如果現在的晨星並不完全，再恢復下去，別說消滅，可能連擺脫束縛也做不到。

但，要勸說陳子鋒，好像消滅魔鬼還比較輕鬆。

（十四）拉斐爾與炎冰（3）

「所以你諗住點勸掂陳子鋒？」

炎冰看着拉菲爾，再次搖搖頭露出苦笑。

「雖然我認同你講嘅嘢，但......勸佢半年唔好返學，認真，無可能。」

拉斐爾沉思一會後，向炎冰提議。

「如果，只係叫佢唔好去迎新營呢？」

「淨係迎新營？有用咩？你唔係話要半年時間？」

「雖然好艱難，但如果佢肯唔去，我呢個月全力去處理呢件事，就算搞唔掂，都應該可以削弱晨星嘅力量。」

「如果能夠削弱嘅話，危險性會少好多。但......」

就在炎冰認真思考可能性期間，拉斐爾突然用力推了炎冰一把。

炎冰還沒有反應過來，已見到拉斐爾單膝跪地，右手掌心流出鮮紅色的血液。

「原來你哋嘅血都係紅色......唔係，點解會咁？」

「向後跳！」「我知啦！」

拉斐爾大喊同時，炎冰亦早已作出反應，但可惜還是慢了那麼一點，炎冰感覺到小腿像被利刃削過一樣，傳來一陣刺痛。

疼痛的感覺令炎冰反應變得遲頓，她轉頭看向了天際，此刻的夜空仿佛離她十分靠近，而剛剛本應消失不見的黑色晨星，正發出詭異的黑色光芒，那光芒化作無數的針線，向炎冰襲去。

「九字......」

炎冰手中結印，但明顯已慢了半拍，眼見已經趕不上之際，她被另一股溫暖的強光包裹着。

在光芒之中，炎冰隱約看到，拉斐爾的身姿仿佛變得不同，好像能看到他背後長出美麗的翅膀。

「晨星，你違反咗規定！我以神之使徒之名，行使主嘅權能，接受神嘅洗禮，回歸主嘅懷抱！」

拉斐爾身上發出更強的光芒，黑色的晨星受到照耀後，消散於虛空之中，而被光芒覆蓋的炎冰，小腿的傷口瞬間復原。

「治癒嘅，大天使......」

「可惡。」

拉斐爾雖然嘴上這樣說，但表情沒有太多的悔恨，難道他還惦記着昔日伙伴之情？

「你唔係話過，會有好多限制嘅咩？」

定下神來的炎冰，用疑問的雙眼看着拉斐爾。

「正常係，不過頭先係佢違反咗規定，妄想用真身顯現喺人世。」

炎冰聽後感到相當驚訝，總算明白為何在一度擊退晨星後，會如此之快以更強大的力量襲擊過來。

「世界有世界嘅規則，即使力量再強，都唔係可以隨意使用，所以點解要搵代行人或者化身就係咁解。如果強行顯現，世界嘅規則被破壞，我自然可以界入去處理，但可惜都係被佢走甩咗。」

「你之前明明話佢積蓄緊力量，但點解會突然間顯現？」

「可能係因為你啱啱將佢擊退咗；又或者，佢想制止你。」

「制止我？你係指？」

「勸陳子鋒唔好參加迎新營。佢有咁嘅舉動，進一步證明咗今次迎新營嘅危險，晨星絕對會藉住今次迎新營出手。炎冰，你已經親眼見證咗佢嘅力量，你一定要勸陳子鋒唔好參加。」

「無可能。」

「你......」

「我明你想講咩，我都見識到晨星嘅力量，但......咁唔足以阻止陳子鋒。」

聽到炎冰的結論，拉斐爾沉默了片刻後，認真看着炎冰。

「我唔明，明明有咁簡單嘅方法就可以避開啲麻煩事，點解佢會唔肯。」

炎冰聽到後，忽然回想起兩個月前，陳子鋒在台灣時跟她說的話。

「鄭炎冰，你阿爸阿媽當年用盡方法都要保護你，要救佢哋嘅話，依家就係最後嘅機會。無嘢係命中注定，逃避亦唔會解決到任何事情！所以你唔可以逃避，更加唔可以放棄！所有人都會幫你，我都會幫你！」（有關炎冰父母狀況請參閱：十不思議事件 彩蛋三：黃炎冰？鄭婉冰？）

「大概，係因為逃避會成為習慣，而且，我哋都唔相信逃避可以解決到任何事。」

拉斐爾聽後，還是不太能接受。

「我唔認為以佢嘅力量可以解決到晨星。」

「既然係咁，點解你唔選擇幫我哋？」

拉斐爾聽罷，整個人呆了一呆，顯然沒有想過這個選項。

「如果佢嘅程度同你差唔多，我唔覺得可以有任何改變。至少，如果佢可以展示出超越你嘅力量......」

「咁嘅話，就以迎新日為界線，由你去判斷到底陳子鋒有無足夠嘅力量。」

「哼，到時晨星嘅力量會進一步恢復，如果到時佢可以擊退晨星，我就認同佢。到時我會諗方法，喺規定之下去幫佢。」

炎冰聽罷，露出滿意的笑容，接下來，就要看陳子鋒能做到甚麼地步了。

（十五）O-Day（6）

「彼德，彼德，你喺邊呀？」

「安德烈，我喺度，到底發生咩事？」

「我都唔知，淨係知道突然眼前一黑，本來以為係停電，但呢種令皮膚刺痛嘅感覺，唔係咁簡單。最重要係，其他人好似唔見晒咁。」

「我哋都係離開呢度先啦，再喺度等都唔係辦法。」

安德烈正想回應的時，突然感覺到有點不對勁。

「咪住，等等先。」

「你做咩呀，快啲離開呢度先啦。」

「唔係，有啲唔妥。」

安德烈被彼德催促的同時，剛剛那股異樣的感覺漫延至全身，就好像在內心深處，有甚麼警告着安德烈一樣。

「你係咪唔舒服呀，嚟啦，捉住我隻手，我拉你出去。」

彼德說話同時，安德烈仿佛在黑暗中，看見了彼德的右手。

然後安德烈便反射性地伸出右手，就在快要觸碰到彼德之際，突然一把熟悉的聲音在他腦內響起。

「安德烈！主禱文！」

「阿爾先生......」

安德烈在心中默念起主禱文，在他眼前的右手，突然變成暗紅色，指甲亦變化成發亮的黑色，那是魔鬼的姿態！

「哦，發現咗啦？」

在身份敗露的同時，魔鬼的右手已然抓住了安德烈。

如果只是低階的魔鬼，安德烈絕對能夠應付，但在雙方接觸到的瞬間，安德烈本能地明白，眼前的魔鬼，並非他能應付的對手。

黑暗的力量猛然侵蝕着安德烈的身軀與心靈。

「安德烈，你以為自己真係主耶穌嘅第一個門徒嘅後代咩，只係因為你容易擺佈，拉斐爾先會將你放喺身邊。」

「你自以為引領咗好多人去認識主耶穌，但入面有好多都係魔鬼嘅門徒，你只係將一個個嘅炸彈送去主耶穌面前。」

「安德烈，你嘅存在連一個非主耶穌嘅門徒都比唔上，就連你最敬重嘅拉斐爾，佢都係重視陳子鋒多過重視你。」

一句又一句的話語，都準確地攻擊着安德烈內心脆弱的部份，慢慢污染他的精神。

「安德烈，你，只係一個小丑，一個連普通人都比唔上嘅小丑。」

「呀～～～～～」

安德烈大嘁同時，他的眼眶，皮膚開始泛紅，有甚麼東西正在他體內萌芽。

而正在享受着安德烈咆哮聲的魔鬼，卻突然放開了抓住安德烈的右手。

只見安德烈突然停止了咆哮，身體發出強烈的光芒，而這正是拉斐爾的光芒。

「晨星，神嘅門徒唔係你可以隨便玩弄！」

「拉斐爾，又係你？上次放過咗你同個女仔，依家又嚟阻頭阻勢。」

「只要你一日與神為敵，我就會繼續阻止你。」

「阻止我？就憑你呢種不完全嘅附身方式就想阻止我？」

「你將力量分成兩邊，仲想虛張聲勢？」

拉斐爾和晨星互相對望，誰也不打算退讓。

「哼，的確，依家未係時候對付你，安德烈就還返畀你，至於另一個邪惡嘅存在，就由我接手！下次再見面，我會將你同米迦勒一次過殺死！」

放下狠話的晨星，化作一團黑霧消散，安德烈身處的空間亦像玻璃般破裂。

「晨星，如果可以，我實在唔想與你為敵。」

拉斐爾抱着昏倒的安德烈，慢慢走向LT401，與黃炎冰集合。

「拉斐爾，安德烈佢......」

「佢無事，只係精神稍為受到污染，休息下就無事。」

「Multi ABC啲人點呀？」

「暫時無事，應該全部失去咗意識，只要陳子鋒成功擊退晨星，佢哋醒返就會無事。啱啱我再同晨星稍為對峙過，佢嘅力量比之前更強，你真係認為陳子鋒可以贏？」

「佢會贏。」

「好，就等我睇下，陳子鋒到底係咪真係有能力去對付晨星。」

兩人默默在LT401坐下，等待着陳子鋒的歸來。

好似無乜人氣

可能大家都唔記得晒
唔緊要啦, 都會寫埋佢, 好嚟好去, 畀返個結局陳子鋒

今次cap左圖
唔好走數

你咁做係唔會令到我驚ga
不過我今次係唔會爛尾嘅

（十六）O-Day（7）

在九字護身法失去作用的同時，那種撕心裂肺的痛苦令我無法進行思考，加上在失血有點嚴重的情況，整個人仆倒在地上，幾乎暈死過去。

在我面前鼓動着的黑色星星，在我倒下的同時，那顆黑色星星正在變異着。

只見那顆星星，慢慢變成人型，嗯，不，應該說是魔鬼的形態，大概就是頭上長角，全身通紅的那種感覺。

「可惡嘅拉斐爾，下次就係你嘅死期！」

變成魔鬼形態後，空氣中瀰漫的壓迫力增強了不少，仿佛所有的生物都會被壓垮一樣。

「呢個就係莉莉絲（ית‎，Lilith）嘅容器？」（詳情請參閱：彩蛋三：裏 創世記 － 亞當、夏娃與蛇）

魔鬼一把抓住我的右腳，把我整個人倒着拉了起來，那種像是觀察着蟲子一樣的眼神，令人好不生厭。

「七成，不，八成嗎？未完全成熟嘅容器，算啦，足夠啦，再等就要同莉莉絲去爭奪控制權，就等我代替你成為撒旦，依家係最好嘅時機！」

魔鬼的腹部露出了一張大嘴巴，尖銳的牙齒、帶刺的舌頭把我的身體捲進腹中，一米八的我就這樣被整個吞進它的體內。

腹部嘴巴的蠕動，發出咔擦咔擦的聲音。

「點呀，用我嘅靈力做嘅稻草人好唔好食呢？」

我在不遠處看着，手指頭打了一下響指。

「火雲咒。」

一下響指過後，魔鬼的腹部發出了熊熊的火光，火勢很快的漫延全身，好不壯觀。

魔鬼屹立在烈火之中動也不動，完全無視火雲咒，大概無法對它做成甚麼傷害。

「小聰明，不過我欣賞。小朋友，不如我哋嚟好好傾下。」

說話的同時，魔鬼從腹部的嘴巴吐出了一堆黑色的稻草。

「又傾？唔好啦，我以前次次傾親都無好嘢，我走先啦。」

回想過往的經歷，所謂交談是不可能的，往往最後都只是浪費時間而已，而且眼前的傢伙長得雖然像是雜魚一樣，但壓迫感不是說笑的，而且這個奇怪的空間好像一直在蠶食我的精神和力量，逃出這邊才是我優先要做的事情。

「小朋友，唔駛跑啦，離開呢度嘅方法只有一個，就係將我殺死。」

「哼，係咩？」

我從剛剛開始一直在尋找着這個空間脆弱的部份，畢竟也不是第一次被困在這種不知名的空間裡，所有的異度空間中，都一定有比較脆弱的部份，甚至如果力量足夠，瓦解整個空間也不是甚麼難事。

但是，現在這個空間有點不同，它在不規律地變動着，像是生物一樣躲避着我的探測，看來不是短時間能找到突破點。

「唔駛再試啦，對你嚟講係無可能走得甩，再者，如果你強行離開呢度，出面嗰百幾人就唔會好似你咁好彩啦。」

「你唔好亂嚟！」

可惡，我都忘了外面還有其他普通人，雖然炎冰不知去向，，但是只要再拖延一點時間，拉斐爾應該會採取行動才對。

「唔駛諗啦，佢唔會出手。」

「你係咩意思！」

可惡，是被讀心了嗎？

「我意思係，我已經同佢傾好咗，佢唔會出手。」

「無可能。」

「比起你，佢始乎更重視我呢個舊同僚。喔，順便同你講聲，你朋友同拉斐爾一樣，都唔會出手幫你，唔信嘅話你自己睇下。」

魔鬼右手一揮，眼前映出了炎冰和拉斐爾兩人的影像，只見兩人安坐在一間應該是大學上課的演講室中，而在拉斐爾前面，能看到暈倒的安德烈。

這到底是甚麼情況，他們在的話怎麼還不出手？難道是虛構的影像？而剛剛它說是拉斐爾的舊同僚，那又是甚麼意思？

「小朋友，世界上唔係得善同惡，視乎情況，善同惡可以共存，甚至可以合作。就好似依家咁，佢哋只所以唔出手，係因為比起我，你體內嘅惡更加係不容於世，比起等你成為完全嘅容器去破壞呢個世界，似乎借我嘅手去消滅你，對佢哋嚟講會更加輕鬆。」

它說的是真的嗎？

（十七）O-Day（8）

「你覺得咁樣講我就會信你咩？」

「信又好，唔信又好，你都無辦法離開呢度，咁點解唔好好地坐低傾下，如果可以，我唔想出手。」

它說的話倒沒有錯，在有人質的情況下，要離開這個空間，只剩下將它擊倒這個方法。

但在剛剛交手的時候，火雲咒完全無法造成傷害，我並不認為自己有十足把握去擊倒它，除非......我能找出它的破綻。

「唔想出手？我睇只係你出唔到手咋？睇你個樣，只係低等嘅惡魔嚟。」

「嘖嘖，如果你真係咁諗，就唔會淨係得把口啦。最後一次，我真係唔想出手，我希望透過對話同你達成協議。」

「無可能，我受夠呢啲所謂協議。」

「聽我講埋先，咁衝動無意思，而且呢個協議對你嚟講只有好處。」

聽着眼前這魔鬼自說自話，完全沒有將我放在眼內，看來我是徹底被看扁了，或許......這是機會。

「你當我白痴？」

「只係咁啱你有我需要嘅嘢，而呢樣嘢係你唔需要啫。我可以幫你消滅體內嘅邪惡種子。」

「哈，我老豆老母細細個已經同我講，無咁大隻蛤乸隨街跳㗎。」

「當然，我幫你只係順便，我要你交出你嘅靈魂。」

它說到這邊時，目光變得凌厲，我馬上提高警覺，深怕它突然出手。

「唔駛緊張，係我講得唔好，嚴格嚟講，我所指嘅靈魂，係你體內嘅黑暗面，無咗佢，對你嚟講應該都係好事嚟，係咪？」（無能子鋒與無能鬼：（終）終結之後，旅途再開）

聽到這邊，我體內盛載着我所有負面情緒的靈魂變得燥動起來。

「你好似搞錯咗啲嘢，無論善與惡、光與暗，我就係我。廢話講完啦嘛？」

「除咗頭先講嘅，我仲可以畀你無盡嘅財富，等你同你嘅屋企人過上奢華嘅生活。」

我嘆了口氣，看不起人也要有個限度，看來它真的認為我會就範。

「定身咒！」

在施展定身咒的同時，我便準備施展出在天命道堂偷來發現的陣法，奇門八卦陣。

真正的奇門八卦陣其設計佈局十分複雜，而且一時半會無法施展，通常是在設置好後，引導對方進入再作出攻勢，屬於被動型的陣式。

此陣式經天命叔改良後，能以簡單的符咒及靈力便能施展，雖然缺少了迷惑敵人的功效，但削弱對方力量方面卻有所加強，可謂是應用於實戰的術式。

在偷來發現陣法的瞬間，我還在想這維園大叔平日到底在想些甚麼，才會研發出這種簡易的陣法。

「簡易版奇門八卦陣！」

以聽取對方說話的方式，爭取到設置陣法的時間，正當我滿心歡喜發動陣法的瞬間，期待卻落空了。

「欸？八卦陣！八卦陣！！！」

「哈哈哈哈，你真係好易理解，咁明顯嘅舉動，唔係以為我會無發現呀？奇門八卦陣？你覺得呢個空間嘅方位係固定嘅咩？」

聽到這邊，我才突然想起，剛開始在嘗試找出這個空間力量薄弱的位置時，不管怎樣專注亦無法找到，就是因為這空間一直在變化。

雖然只要花些時間，大概就可以抓到這種變化的模式，但在底牌曝光的現在，奇門八卦陣大概已無法再度施展。

「就同你講好好地坐低傾咪好囉，我本來就懶得出手，不過既然係你郁手先，我無理由唔還擊。等你見識下，晨星嘅力量。」

話音剛落，腳底下便出現了詭異的黑色強光，我沒有半點猶豫，馬上往後方逃跑，但這黑色光芒的範圍比想像中更大，我懷疑它足以包覆整個空間。

「我已經同你講咗，你走唔甩。」

既然逃不了，只能對其進行破壞。

「五雷咒！」

數道閃光毫無規律定往地上劈下，但，無效。

「雷光只會令晨星更加閃耀，乖乖受死，交出你嘅肉體同靈魂！」

地上的光芒積蓄到滿溢的狀態，在吸收了雷光後，仿佛打開了開關一樣，黑色的光芒化成射線向我襲來。

那不是能躲避的速度，這下死定了。

而家先見到

主角變身未

見到陳子鋒呢個名嘩左出聲 估唔到你仲會出文

遲到好過無到

主角天命叔行開咗
遲下返嚟變身你睇

出呀, 今次會寫完佢 (不日內)