我見大家討論得咁熱烈,但唔好意思,我必須潑個冷水,唔好屌我住,睇埋數據同分析先

雖然呢個風好強,但弊在持續力唔夠勁,一登陸就極速減弱。雖然到時小量陣風數據可能有50-70公里,勉強接近8號風球標準,但唔好意思,持續風速連3號波都不如。

睇返熱帶氣旋形成當時嘅高低氣壓差,海水同陸地溫度都keep唔到72小時,環流窄雨帶對比起同級甚至次一級颱風(T4.5-T5.5)嚟講都係墊底水平,所以基本上一遠離200公里就變返3號風球。

如果只睇圖嘅話,水蒸氣會釋放嘅潛熱唔算高,令對流系統有缺陷,而且高壓脊同層積雲都顯示個風登陸後會在幾小時內幾何式減弱。

值得一提嘅係佢經過南海北部時曾經有過厚牆風眼,令到內外圈產生逆流,所以當佢今明兩日經過香港時會增加移動速度,有機會比天文台預測嘅停留時間更短。
所以估計明日中午11時前會變返3號風球