[26] 電單車討論區 (129)

你有無揸過300/400級啲車？
一黎擒上MT07我驚你一黎扭大油起頭
或者有無fd借你揸過

PS 28car la 叫個賣家車你兜個圈 留意下架車有無雜聲 睇下多唔多銹跡 頭fork有無梅花點 引擎有無滲油 部車夠唔夠偈油 逼力油顏色 手/腳泵係咪正常無積死 都係呢啲野

末 我就係怕300 400好快厭 同埋上高速會飄 不過多謝師兄你分

[quote]你有無揸過300/400級啲車？
一黎擒上MT07我驚你一黎扭大油起頭
或者有無fd借你揸過

PS 28car la 叫個賣家車你兜個圈 留意下架車有無雜聲 睇下多唔多銹跡 頭fork有無梅花點 引擎有無滲油 部車夠唔夠偈油 逼力油顏色 手/腳泵係咪正常無積死 都係呢啲野

末 我就係怕300 400好快厭 同埋上高速會飄 不過多謝師兄你分享

加油啦
其實玩下300/400級啲車先係好啲
好彎好多 你會敢落

揸架大車你唔夠經驗未必敢壓 好易波out
睇你適唔適應到

笑咗

細車好彎啲係錯覺嚟….

架車輕啲會敢落啲
至少我係

⋯⋯

玩下細cc先啦 我玩300cc 覺得已經搞唔掂 應該成世都係渣300

其實一架車好唔好彎主要原因同車重無關
同引擎特性有關


普通人口中嘅好彎啲應該都係同舒適性成正比
入彎階段靈活架車傾倒容易
彎心階段係有傾角嘅情況可以‘’定速‘’行駛
以上嘅情況係唔會發生係4衝程電單車身上面
主要原因係引擎煞車

引擎煞車先係26轉彎最大嘅敵人
對於4衝車嚟講，唔開油=煞車，而且係後煞
第一，彎中點後煞=前後輪有速差=車頭一路向內收=干擾車手嘅行進路線
第二，彎中速度變低=跑開
第三，車速唔高嘅情況下，高壓縮比嘅車好可能會係彎心比engine brake煞到死火
所以其實大家覺得入彎個陣架車同你鬥力，其實唔係同車重鬥，係同引擎煞車對抗

知道原因就可以對症下藥
機械方面
第一， 減排量，同樣嘅引擎佈局cc數越細engine brake越細
第二， 加缸數，同排量缸數越多engine brake越細
第三， 裝slipper clutch
第四， 改供油mapping，被動式嘅有提高怠速轉數，主動式有延遲斷油，即係供油電腦會遲你隻右手少少先會停止比油，再進階嘅有EBC, 油門開度好低時（e.g. 5%油門以下）每一個gear唔同轉速下每個氣缸有獨立嘅供油設計
黑科技式，本田早年rc211v就set前面三個細缸嘅其中一個永遠都唔會斷油去減engine brake, 近年嘅rc213v就改進氣嘴永遠唔會100%關閉，令引擎室唔會產生真空問題

車技上，（視乎車款）
第一，拉離合，你可以用離合控制你想要幾多engine brake
第二，過彎要含油唔好零油門
第三， trail brake，含前煞減低前輪轉速去match後輪嘅轉速
以上嘅言論你地可能覺得我cls, 過彎拉離合器係咪癲撚左

但其實過彎拉離合器係一個選項
rossi劈彎都會拉離合
但你一定要好清楚自己做緊啲乜野先好去拉佢

第四你一定要認識你架車車
唔同嘅車有唔同嘅揸法
以v2車vs直4車為例
直4引擎適合傳統揸法
直路煞車，一壓車就0煞車0油門一路到出彎點
如果你用呢個方法揸v2車絕對炒埋牆
直四車引擎煞車細、曲軸慣性大、引擎靠近前輪等等優點係v2車唔具備
啲人成日話ducati難渣係因為佢用揸日本車嘅方法嚟揸ducati
因為engine brake超強嘅關係
v2車收油同放離合都要慢啲同柔和過4缸車
相對直四車用2波0油門過彎，v2車應該要用3波含住油門過彎
v2車更需要用trail brake去match前後輪速差等等
以上建議街車跑車通用，唔係賽車技巧，只係因應唔同嘅引擎使用唔用嘅操控方法

出彎幾時可以開油同點火角度有關
用十字曲軸做例子，
不等間隔點火嘅r1相對傳統曲軸嘅車抓地力更強
r1轉彎可以急啲，有傾角嘅情況下可以早啲同大啖啲比油等等

電單車駕駛仲有好多myth
例如半離合會燒極力子（濕式離合器含到油缸無油都燒唔著）
支檔棍拉離合前唔掂得（事實上你應該係轉波前preload支打檔棍）
轉彎唔用得後煞（engine brake=後煞，除非你離合器全拉/空波壓彎，如果唔係其實你一路都後煞緊）
轉彎唔用得前煞（只要唔煞到鎖前碌，係彎中點前煞其實好處多多）
有傾角唔可以開油（開油可以拉直車身，大角度情況下，你應該用油門拉直車身而唔係用自己個閪屁股搬車）


車越細唔等於越安全
馬力同車重唔係重點，重點係理解自己架車同輪胎同正確嘅駕駛方法

我揸rsv4上高速側風吹過一樣推去隔離線
細cc車除左平應該無優點

貼左 tst 既 平平地 $40
但係ankle 位都好似唔係幾岩 硬係拉住拉住咁
同埋2021 年起 好似裝唔到gp shift 都係睇定啲先

ching 有啲料到

其實電單車幾重幾大CC都會比側風吹郁，私家車咁重都郁啦
所以迷思嚟

好詳細
我都係唔班門弄斧

咁比你揀8號風球行青馬大橋你會揸Force定Tmax?

咁你記得照單全收

其他野唔班門弄斧，但係拉離合入彎，我只能講你真係要好撚熟架車，個彎速同路面狀況容許你咁做先好嘗試，因為我同你同世界冠軍係有好大距離，另外我地係係一般馬路行唔係賽道
拉極力子斷開引擎同個轆嘅連結，無咗應該有嘅牽引力，如果無trail brake架車就會輕飄飄咁fing入去，grip會低咗，路面有不平就會飄，盲彎後面有障礙物好難反應，係一種好恐怖嘅感覺嚟班世界冠軍咁做係因為佢地係世界冠軍，佢地追時間唔想要engine brake，你係行緊街跑緊山，安全、穩定同埋流暢先係最重要，你要玩命唔阻你，一般人我唔建議咁做，我寧願大家習慣engine brake嘅感覺順住架車引擎性格去揸，engine brake重快揸係會有啲拖同唔平衡，但係技術係彌補到同埋你行街唔係計圈速，就算飛車你都可以熟習呢樣野就住入彎出彎，唔係死症嚟，好過學世界冠軍跟住浮住入彎跟住恐慌亂咁input highside/lowside
唔好講啲咩試過先講，我就係試過先講，唔建議拉極力子入彎，無論你技術幾好

行大山石澳拉極力子入彎，唔洗兩個彎就跣到派車衝落排水渠啦仲Rossi

學術討論同實際上都好大分歧

醒起早兩年有位仁兄日日入26學神po教人拉極力子入彎，日日比人洗版鬧，係咪同一個人嚟

亦有好多應用上嘅唔同
飛街、飛山、賽道都有唔同嘅技巧

利申: mm93飛大山未贏過我