【過馬路要小心】經典男裝討論（54）【皮鞋、西裝、皮件、配飾】

你技術好咪快
唔識搞嘅話你搞幾日都係搞唔到

呢度唔可以喺消費者角度出發睇野架
唯有怪你點解係新手 唔識由業內人角度去諗

利申同意高檔舖一定maintain到基本出貨standard
同時間亦都有良心嘅入門舖頭
但同時間搵笨嘅舖頭更多 大把舖連基本出貨standard都會因人而大幅降低
叫你po圖然後用一大堆術語同理由話無做錯 你審美有問題咪得囉 輕鬆

一個客唔出聲都幫你珠晒
另一個唔出聲就唔珠
兩個都唔出聲之下咁邊個先係標配呀
而家問下default有無珠邊都唔得
係咪驚比人開左個標準spec出黎無得偷工減料搵人笨呀
唔好咁肉酸啦

一對鞋正常又唔使幾粒鐘嘅,但你都唔好諗住幾個字就可以攪掂囉

我又真係無見識過啲咁嘅鋪喎，咁趣緻?
「一個客唔出聲都幫你珠晒，另一個唔出聲就唔珠」呢個真係幾特別。
褲縫我就試過在不同鋪頭，佢地標配係無珠的，不過做起你見無，要求佢地做返佢地都會照做。
我可以想像一個情況，例如在我頭先話標配無珠褲縫的鋪頭，唔知會唔會個sales見你入來條褲有珠，所以唔講都加啦，咁會唔會有可能發生?
你去邊間鋪唔比你問有乜標配呀?咁勞氣?

我唔係業內人士, 但工作性質都係要同客溝通
你要明白有陣時唔係想唔想做俾你既問題, 而係你唔講我唔知你要
淨係拎珠邊講, 個客冇話要, 你自把自為整左出黎, 之後個客話我唔要, 咁件野點?
正如早前有ching問ss買, 定係bt / db造好, 我都已經留意到佢係新手有機會表達唔到想要咩而可能會出黎既成品同佢心目中既野有出入而失望, 呢個問題唔可以怪晒鋪頭, 亦唔可以怪晒個客, 唔可以怪晒鋪頭既原因係鋪頭無可能識讀心, 唔可以怪晒個客既原因係咁唔識又點會講得出呢, 就算係老手去新鋪造, 都有機會要D時間磨合, 有時牛巴講佢業內人士既睇法, 大家唔洗起晒杠咁既, 了解左, 知道大家難處係邊個時, 溝通好咪得囉, 正如另一位ching話齋, 造衫前問清楚鋪頭每個細節咁咪解決到囉
另外我都想了解下, 有邊間係一個客唔出聲就珠晒, 另一個唔出聲就唔珠, 做野好似隨自己喜好咁得意

覺得你呢個comment有少少偷換概念，同時亦唔明點解成日要幾商鋪同消費者關係擺係對立面。

尤其是最後兩句，唔係正因為貼左圖有common ground先可以更實質基於證據咁討論事實咩？如果連圖都無張，得個屌字有咩意思？

我明白可以裹挾情緒嘅流言永遠比起嚴謹既技術論證更能俘獲人心，或者可能只係我一廂情願地希望呢度仍然係一個可以保留理智同邏輯既討論空間。

純綷係舉一個例去講到底乜野係標配
個重點唔係由本身無 而舖頭比extra野你
而係由本身有 見你唔識就抽走本來有嘅標配
珠邊我自己未試過預到唔知 但的確見過有裁縫因為幫襯嗰個係新手而將本身有嘅工序拎走
個人認為一間舖頭嘅minimum standard唔應該因為邊個幫襯而有所差異 （bonus野就另計）
而嗰位ching問嘅一啲手工位我覺得會問係好正常 以前po頭介紹裁縫都有少量呢d資訊

連問都唔比問嗰位行內人真係笑大人個口
叫你自己去問人地個標配係乜 撞正間恰佢嘅咪比個新手版嘅標配你囉

我可以想像一個情況，例如在我頭先話標配無珠褲縫的鋪頭，唔知會唔會個sales見你入來條褲有珠，所以唔講都加啦，咁會唔會有可能發生?

呢個情況都好危險, 想造唔同既野去豐富自己個衣櫃既人大有人在

我最支持sam's嘅4d fitting

去美麗都你只會睇到更多蠱惑嘢，唔好以為同包頭/工場打交道咁容易。

我由頭都尾都講緊雙方溝通好緊要, 你係我回應入面有邊句會令到你理解係 "想鋪頭問下個客意見都係個客唔體諒"
大哥, 我既主張係 "雙方" 同埋 "溝通"
係咪我講得唔清楚

呢句你認真問？

所以如果個standard係喺度的話
就真係由個溝通去決定件衫出到黎係點
到時有D野不如預期都無可厚非 就算做左幾十件衫都唔可以100%肯定自己想像中既所有野都可以實現到出黎 磨合係一個必經過程
個問題係究竟本身最basic應該係點
而一段人去同舗頭傾就係由呢個位出發去加加減減 睇下雙方點樣input

但而家個焦點就係suppose有D係標準既野
因為個客唔知頭唔知路
就變左「唔通要做晒比啲連珠邊手珠定機珠都唔識分嘅新客」同「唔拆望下個襟摸吓件衫都知喺痴定縫啦師兄！」
間舗本身乜都唔包咁樣自然無野好講
但去到某一個價位suppose無可能咁樣搵人笨吧
事實上真係有呢D舗 已經唔講個cut點樣hea嗰D
講客觀spec會搵人笨既大有人在

Post頭推薦list唔係就係幫緊大家避伏咩？

其實個話題發展到而家咁, 係有ching問 "同埋我想問如果一般新手冇mention db bt p記 呢幾間會唔會都default有手工padding stitch同埋珠邊呢d手工"
另一位ching答 "咁你唔好怕醜直接問鋪咩喺佢哋標配咪搞掂囉，上嚟問把撚咩"
答既ching我覺得真係好中point, 想知個別既店鋪做法, 唔係直接問返該店最清楚咩? 係呢到拗會得出結論咩

Coller既野我唔置評；Prologue同Anthology都係post 頭recommendation；Jazten嘅討論我無參興，但我見到支持同反對聲音都有（雖然兩邊都冇圖）；培羅蒙被收購之後（只有收購品牌同鋪面，並無收購工場）連啲工都唔同埋，同往日品質不可同日而語呢件事我諗都已經係既定事實唔需要討論；Dashing house嘅討論，我記得我當時有參與，當時因為我記憶出錯誤會咗佢哋做半襯，後來佢地老闆DM我解釋後我亦有在連登澄清。

其實好多嘢事實係點就點，有質疑或者反對聲音咪提出番證據去討論，點解俾你講到好似八婆鬧交咁？

如果本身所有舖頭都信得過 咁咪無問題囉

直接上去問咪比佢用盡晒info asymmetry嘅優勢 佢講乜你都只可以全盤接受

「唔通要做晒比啲連珠邊手珠定機珠都唔識分嘅新客」同「唔拆望下個襟摸吓件衫都知喺痴定縫啦師兄！」

而好多新手（唔係講緊最初問嗰位ching）上去淨係想跟house style咪會被搵笨

如果係咁咁不如講明喺po頭講明有乜去問舖 唔比喺度討論就算了

戇鳩仔，你交稅唔明上連登問定問稅局呀？ 我幾時話人哋會偷工減料啊？我幾時話全珠係標配呀？我幾時話我係行內人呀？我由頭到尾就係話佢聽自己有咩要求咪同舖頭講囉，佢上嚟問我咪答咗佢囉？唔好咁柒啦好冇？鋪頭做唔做多俾個客收幾錢就那商業決定啦？ 你老母賣兩餸飯，平時俾開兩隻雞翼俾客嘅，見到個哥仔靚仔俾多件雞翼佢，係咪水鳩之前嗰啲客呀，兩件定三件係標配呀

咁多陰謀論，你唔好向港府稅局低頭呀，佢都喺水你交稅架，連登資訊最symmetric直過你碌鳩

我相信post頭推薦得比大家嘅鋪都無你所講的問題的，我自己造衫咁耐都無遇到呢啲鋪，咁可能我好彩啦。

行內人嬲了siu4
全部例子都唔係講緊嗰樣野

「你交稅唔明上連登問定問稅局呀」
我會上稅局呀 稅率standard寫到明 唔會因為你係唔同人而有所唔同呀嘛 有咩咪拎住個standard去問
而家舗頭個standard係乜先 想客觀了解下有咩問題 如果舗頭基本standard會因為客係新手而降低咁上去問咪正中下懷囉
唔好意思踢爆左你D生意手法 呵番

「你老母賣兩餸飯，平時俾開兩隻雞翼俾客嘅，見到個哥仔靚仔俾多件雞翼佢，係咪水鳩之前嗰啲客呀，兩件定三件係標配呀」
唔駛下下拎老母出黎講既 家母亦都唔係賣兩餸飯
平時俾開兩隻雞翼俾客嘅 咁兩隻就係standard
但如果平時個個都比開三隻雞翼 見你un挑鬼命都食唔到咁多 比得兩隻你 咁係咪搵笨下柒頭 話你呀