【過馬路要小心】經典男裝討論（54）【皮鞋、西裝、皮件、配飾】

想造第一套靚西裝，上左db bt 睇, zegna/loro piana 同vbc 相差4-5千，其實係唔係真係有咁大價值嘅difference? 新手唔係好識feel
想造套好嘅，但係唔識feel嗰4，5千difference

想問下大佬們fresco邊到買布最平? 見官網價成HKD8-900/m

Difference 有，尤其某啲類型既中高價產品分別都幾明顯，甚至可以話係獨市，但肯唔肯俾個價同埋值唔值就好睇個人，特別係如果自己感受唔到分別。正如同樣係pure cashmere，Loro同Zegna無論finishing定原料都靚其他牌子一截，價格都以倍數計，特覺得值、我會比個錢去買個difference，但都有人覺得「咪又係cashmere」。同Fine dine、飲酒 etc. 同理，奢侈品既野通常都係咁。

坐等圖

我有朋友都推介DB，話佢喺三間入面都係比較出名，品質控制ok
如果DB 有prologue 啲causal款可能我會揀DB先，不過上面都有巴打推介BT, 我仲諗緊試邊間

另外想問大家建議第一套造MTO定MTM 好啲？

款既野好死，好多間都「有」，做出黎岩唔岩味道另計

其實成日都係講返嗰幾句，你套衫做你點著嘅。布嘅分別其實都實在反映。普通返工著，VBC夠做啦，要fancy啲咪揀loro/zegna，或者其他特別布囉。

MTO本身設定同RTW係無分別架喎，除咗你可以揀布同款式細節上改少少外。MTM就size同款式上可以多啲改動。大家要明白自己order緊乜。

我唔哎窮都唔得了

直上bespoke

成日聽鋪頭介紹講 wrinkle resistance, drape 得好之類
如果就咁望布版，可以點睇同分
依家淨係得個信字

大類可以按塊布本身既特性黎分

以羊毛為例 high twist open weave既織法 wrinkle resistance會好過一般精紡羊毛斜紋織法既

而精紡斜紋織法又再分 越高支wrinkle resistance越差
drape既話就一般睇塊布 越軟 越重就會drape得越好

但係以上都係大概 唔可以一概而論 只係一個大概
一樣支數既羊毛 唔同品質 唔同牌子又唔同
大家都係open weave 有d用既yarn fine d又會drape得好d
如果店家信得過既直接相信佢係最好既選擇
如果相信自己既 就要慢慢做功課 累積（失敗）經驗 慢慢去摸索

Wrinkle resistance 你用力揸下塊布睇下佢皺唔皺咪知

但呢個只係一個 dimension
好似樓上咁講，唔同類型嘅布啲特性又有唔同
所以先問相近類型嘅布，有咩可以分高低，或者應該點睇，之後自己都可以留意下

我想問下Herring呢個牌子算唔算有quality嘅老牌
想搵對中價around $1500嘅皮鞋 daily返工著
大家仲有冇咩牌子介紹？（新手唔識野 人在澳洲 啱啱search左幾間都發覺屌人彈得好緊要 eg. Florsheim)

主要想搵到襟用 款、皮質唔係主要concern

用「高、低」去講又好似唔係咁好。

好多嘢其實都冇絕對好唔好，冇話一定係優點定缺點，只可以話係特性。

例如一塊布如果好挺又唔皺，係裁剪上當然會容易啲處理，岩business attire，但係如果你今日想做嘅嘢係偏casual，咁呢個「優點」就會變咗做「缺點」。

咁到底呢個特性係好定唔好，其實好睇個人需求同埋使用場景，當然有啲特性同埋手感需要用金錢去換（即係只有貴嘢先做到），但係唔代表一定適合你。所以講到底紙上談兵其實冇乜大意思，去到最後都係你要試一大輪知自己想要啲咩之後先會做到啱嘅決定。而當你試完一大輪摸完一大輪之後，其實唔需要咁多technical terms你都會知點樣揀布。

呢個亦都係喺呢度我都成日強調學費係無得慳/Skip既主因，就算你一開始就用最頂級嘅裁縫、最頂級嘅布料，最終做出嚟嘅嘢都未必係適合你嘅嘢，因為你根本唔知自己要乜。

舉個誇張啲嘅例子，Loro Piana Vicuna 夠晒貴、滑、Fine，我相信如果你買一塊然後上嚟問呢塊布好唔好，冇一個人會話佢係一塊唔靚嘅布。但係如果你心入面想要嘅嗰樣嘢係一件Tweed Hunting Jacket，塊Vicuna一定唔會滿足到你。多試多摸多著，然後再同呢度嘅師兄交流、討論先有實質意思，否則你知既technical terms再多都無乜意思。

千五唔叫中價，入門都未到。

直頭垃圾

我去咗bespoke , 睇啱咗隻Holland & Sherry嘅Airesco布整causal 但要12200 一套
我問我fd 佢俾咗兩個建議我

1)呢個價不如加多幾千去Ascot Chang整，但我唔知嗰到整Airesco 布會唔會貴到去20k 以上

2）用返呢隻布整single jacket , 再整幾件衫加幾條chino, 因為我本身返工唔洗太formal

大家點睇？

你心目中既casual係咩場合用？因為我自己唔會歸類Airesco做casual, 我有一套灰色airseco係用黎見工去著

同埋Ascot Chang應該都係拿手造商務野多，唔知岩唔岩你要求

我上個reply講直上bespoke係唔好settle 去mtm, 直接bespoke造一套，始終mtm本身都有好多限制，到時你望返轉頭可能會唔順眼，咁不如一黎就bespoke

我有套navy blue airesco, 好撚正的
不過談不上casual，我偶爾會拆出黎當navy blazer ，但都幾明顯係啱formal多d
如果淨single jacket不建議this 了

真係加都係去wwc, AC專長是shirt 吧 （個人意見）

其實真係好攪笑，你自己唔識就肯定只可以信店家，你仲可以點?
打個比喻，你行去上環海味鋪買海參，如果你無概念，你可以點揀?
邊隻厚肉啲？邊隻爽身啲？邊隻發頭好啲？邊隻容易啲處理?你一係隻隻都買過來試下，如果唔係，你都係要信個店家架啦，唔係可以點?

點定位中價?
垃圾鞋都要$400-500對，JL大約$10k，中價點都應該係$4-5k啦！