細個就無師自通，但近排想改進下啲姿勢，原來都有好多技巧
游快左好多
樓主上youtube睇下啲教學，應該都有好大幫助
試過啦 好似點都搵唔到個竅門咁
得罪講句，你真係好鬼廢
我話你廢唔係因為你唔識游水，而係唔識游水又唔去多練多試，所謂學極都唔識，睇怕都係一季去游得果幾次水，次次都唔敢再進一步，然後就話自己冇進步
係架，我覺得人類係冇藉口話自己學唔識游水(四肢唔健全就冇計啦，呢個係理由，唔係藉口；不過你睇睇Nick vujicic天生冇四肢都學得識，你就知我話你廢係一啲都唔過分，仲好客觀理性)
你再睇睇自然界有幾多動物識游水，狗呀、馬呀、鹿呀、牛呀等等，就連大笨象都係游泳高手，等啲人仲好意思話自己肥，天生游唔郁，真係fucking bullshit
所謂先破後立，我話你廢係等你認清呢個事實，然後我地先再講其他嘢
我地先講心法，心法有三
其一，我先前已經有提及過，人類係冇藉口學唔識游水，根本就係生物學、力學，人體有空氣，已經具備一定嘅浮力，再推動佢就可以游得郁，問題只係點推動
其二，做任何事都一定要持之以恆，唔可以一曝十寒，學一日唔得，學兩日，學兩日唔得學三日，要持續咁做；而唔係學下停下，等下一季又無限loop
其三，上面都有巴打提過，唔好怕醜，當泳池其他人係死屍，係障礙物，你唔識游水、姿勢唔好睇，醜係一定架啦，但係who fucking care喎，你只係芸芸眾生入面其中一條唔識游水嘅廢柴毒撚，鬼記得你係邊個。你要專注於自己，專注於自己有咩做得唔好，同時亦都要留意自己有咩進步(非常重要)
心法講完，我地回歸返游水嘅基本
我想特別講下我第一次學識游水嘅經歷，當時我係一個無所事事嘅細蚊仔，百無聊賴咁走左落樓下個游泳池，喺池邊玩下玩下咁，跟住又浮下沉下，然後我學識手同腳係咁上下前後打圈，然後我就識得游啦，呢招又名為狗仔式
唔好笑，睇返資料，狗仔式係人類第一種泳式，亦都係捷泳(或者可稱為自由式)最初嘅雛形
呢種如同狗仔一樣游水嘅泳式，好容易學得識，根本冇咩技巧可言，自然界好多動物先天就識用，而且頭部唔會入水，唔洗驚換唔到氣，我非常建議你試下，然後你就可以同人講你學識左游水啦
跟住你學識左浮同移動，一嚟畀肌肉適應下，二嚟畀自己唔洗驚水，你可以同自己講：我已經識左游水，跟住學埋其他泳式，就算中途出左意外，我都可以用狗仔式游返去岸邊
然後捷泳同蛙式你自己揀一種嚟學，學識狗仔，其實捷泳都好易學得識(話哂都係遠親)，初時可能唔知點換氣，就索性唔好換氣住，一直喺水底擺手、踢腿向前推進，後來再試下每擺動兩次手，就換一次氣，恭喜你又學識一種泳式
嚟到呢到我唔同你細講每種泳式啦，事實上真係有好多細節要留意，好似換氣節奏、踢腿、手腳配合等等，呢啲就要你自己上網慢慢睇圖文教學、睇youtube，睇完唔係就咁算，要真係練真係試，我會帶埋我部電話喺泳池，睇完就落水，上水又再睇，隨時行動，隨時改進
不過你悟性咁低，學識左狗仔式先再講啦
