炒幣輸咗一年學費之後追番你問我答七月收益率28%

30歲退休！ · 2023-07-29T21:43:30+08:00

上個post好多人期待我輸撚晒返去，好彩小弟今個月成功頂得住資產番倍左，係因為我喺jpex清倉之後轉移晒過嚟，如果你覺得我係0.038清倉JPC係我本事（下面會講當時點解清倉），咁你可以當我呢個月係124%收益率發覺上一個po開得有啲亂，同埋方便大家搵到自己想睇嘅嘢，所以開多個，下面會有啲常見Q&A同埋我想比大家睇到嘅整合 btw 介紹多啲自己，我自己就20頭仲讀緊U，老竇老母都係窮撚，上個學期開始接觸Crypto但係乜都唔識，仲要癲撚到攞學資處嗰幾萬蚊去玩，跟住輸撚晒差啲書都冇得讀，最後決定好好學習同埋磨練心態先走到而家今個月對於收益率係滿意的28%，高過20%我都覺得合格，可能你會話屌你個傻鳩，賺得個萬幾蚊一個月就咁開心咁你可以自己上網搵吓複利計數機月利率20%( 年利率240%) run 2年你就會明白。但係表現來講自己係唔滿意的，因為今個月有一單係犯錯左摻雜左太多主觀意識，令到途中回徹得比較大。大部份源自於上一個Po: https://lih.kg/3428996 下面常見Q&A Q: 交易系統係咩？ A: 講咗合約先：除咗每個月嘅CPI，FOMC，一啲解讀冇多解性既新聞（例如細幣嘅解鎖消息）基本上都唔會睇宏觀消息，幣圈好多消息都係Delay博眼球，所以大部份都係睇圖，我嘅策略係用30ema 60ema 120ema做順勢，當三線分散呈多頭排列，會係價格回踩均線出現價格行為（例：長下引線綠k，吞未看漲，十宇星突破等）做多，如呈空頭排列則反至。同埋會適當參與震盪行情，因為趨勢行情雖賺但難出現，如果震盪就唔會睇均線而係畫支撐或阻力，係支撐位出現價格行為做多而阻力位則反之。例如成個七月份btc都係喺29000-31000不斷震盪，所以呢個月嘅開單邏輯就比較少用均線現貨會參考周線級別既RSI配合貪婪恐慌指數，歷史上每次出現爆升前貪婪恐慌指數都會出現深坑：25以下。RSI一樣參考20以下但不能只參考因為有機會會出現銳化就等於無效。簡單嚟講：只有貪婪恐慌指數25以下輕倉參與只有RSI出現信號不參與 RSI+指數出現信號積極參與別人恐慌我貪婪！多數淨係會做BTC ETH 有可靠消息少量參與山寨例如之前做咗一單LTC減半利好。今個月做咗一單OP大額解鎖利空。 Q:用咩平台？ A: 而家幾乎所有一線交易所喺香港都已經因為監管問題冇辦法開合約，我係用VPN喺Bitget開戶做合約的同埋因為Bitget 唔使kyc。但係而家嘅環境我就唔係太清楚，因為見到有巴打反映而家就算連開VPN開新戶都做唔到，不過我可以肯定嘅就係zoomex一定用到，會推薦嘅，係因為佢係二線交易所唔受監管問題其次佢係Bybit旗下同Bybit共用一個資產銀包，所以安全問題上都唔擔心，唯一唔好處就係淨係可以玩合約（仲要最高可以開150倍槓桿呢間嘢擺明係割啲賭仔韭菜）唔可以玩現貨，同埋因為細交易所，所以會有少少價差。如果你淨係玩現貨，咁用返正常一線交易所就已經可以，OKX，Bybit，幣安等等 Q: 點樣拎返啲錢出嚟？ A: 平時咁啱生活上想買嘢幾千蚊嘅咪轉數去Bybit做p2p 如果遲啲真係賺到大錢嘅，應該會面交做OTC 呢度係比完全冇接觸過嘅睇：p2p嘅意思係平台做擔保嘅出金或入金行為，而出金嚟講平台會凍結你嘅USDT，直至到對方過咗數，你收到啦你再撳放行，呢度建議大家開一個新嘅銀行嚟接受呢一啲數，推薦開虛擬銀行因為方便，收到對方啲錢後，我會即刻將啲數過去平時用開嘅銀行，因為有聽過同行話收到條數後第二日唔知點解撤回左咁就乜都冇晒，我咁樣做就最安全面交OTC: 只要你上網搵USDT出入金就會搵到好多資訊總結其實你夠了解同埋做足係好難俾人呃，見到連登成日話Crypto係scam多數都係源自於唔理解，但喺我角度來講你弓解清楚先唔會俾人呃點都好過講一句Scam然之後完全不聞不問，好簡單一句傳統金融都好多騙案㗎，但你唔會話成個傳統金融都係scam Q: 新手想自學有冇啲乜嘢書？或者YouTube Channel推介？令我學最多嘢嘅YouTube Channel：羅晟Criss的交易工作佢裏面有一個播放清單，係講價格行為嘅教學，有25條片由淺入深咁樣去教，由可以令你更加了解個市場點運作，咩係交易，交易係點搵錢，睇圖等。而佢教嘅嘢並不淨係適用於Crypto基本上係有深度嘅交易市場都適合，例如貴金屬原油美股等等。但係睇完之後自己復盤練習先係重點，因為每個人性格唔同心態唔同適合嘅方法都唔同，吸收咗啲資訊，再結合返自己自身經驗先係重點。如果真係有心學嘅，你要有心理準備要花好多好多嘅時間睇片，練習。仲要未必有成果，好似我都係輸完一轉錢之後先慢慢掌握。書籍推薦：股票作手回憶錄但建議有一定交易經驗先睇，因為呢本書多數講嘅係心態方面，而你冇輸過錢冒犯過錯，你係唔會有感觸，亦都唔會有收穫。 Q: 點睇JPC? A: 極度中心化既幣，勁高風險但伴隨著勁高回報。韭菜就鎖一年準備比人割，醒既睇緊幾時割，走在割前。市場所有野都係謊言，你要做既野係大家未發現係謊言時上車並係大家發現前離場- 取自Soro 個人認為冇買到既而家都唔好入了，我個人0.005時入去到7月6拳賽附近就會清倉走人，因為呢個消息涉及太多人tozy，鐘培生，館長等。加上呢件事係炒台灣熱度吸台灣人既新血入嚟，企係jpex角度一定係打入台灣市場之後先割。所以拳賽前我覺得都安全的但拳賽後除非有其他消息唔既話一定走，賺少啲唔緊要但佢一爆就係咩都冇上面呢段說話係我喺29日前講既： https://lih.kg/bAhkyaV 唔係馬後炮我自己亦都喺拳賽打完嗰兩日升返上去嘅時候直接清倉走人同埋轉左去而家用緊嘅ac到題外話：真心覺得攞住幫大家認識新技術區塊鏈嘅名號不斷sale JPC嘅KOL最撚可恥。佢哋根本care嘅嘢係呃啲唔識嘅人不斷入金，原本唔識嘅人都唔會變到識，佢哋都只不過以為係一項投資產品，唔會明白背後嘅原理亦都叫唔醒。而家香港嘅風氣就已經係覺得Crypto係scam，到時候去到爆煲一刻就會有更加多受害者認同呢個觀點，圈外人亦都唔會深究啲乜嘢，只會跟着個風氣繼續笑鳩我哋。所以呢班KOL根本冇為呢個圈子貢獻啲咩，反而係蠶食緊，真係好撚可恥。利申：有friend喺嗰間加密豹番工，嗰度上堂嘅人全部都係啲阿叔阿婆，上堂嘅時候淨係會教你開戶同埋買JPC。過程中會不斷派錢根本唔關乜嘢投資交易事，但係班阿婆因為有錢收第二日就會攞住幾十萬幾百萬自己啲棺材本all in JPC。當全世界到布局緊Crypto香港係會因為呢班KOL退步一大截。 Q: 見你張張單都開到最高槓桿，咁你同賭錢有咩分別？ A: 倉位管理，其實我開既係名義槓桿，開幾多倍都好我輸嘅錢贏嘅錢其實一模一樣。好簡單，每開一張單之前set止損係必須的，而每一單我會冒總資金5%嚟開，簡單來講我淨係接受自己止損淨係會輸5%，嚴格保持同執行好似我今張單咁：止損set左31300 =2% 我開單嘅金額= 580U(我5%總資金) /2% =29000 所以計埋槓桿我開單嘅金額係達到29,000就OK，無論係開10倍一百倍都好，我都只會開到29,000。所以點解我上面可以咁自信咁話，我除咗新手嘅時候收到一次爆倉email之後冇收過就係咁解我全部單都係開到最高槓桿的，只不過係呃下啲外行人，曬命嘅時候睇個percent會好誇張 Q: 睇圖睇開咩時間周期？ A: 每朝起身會睇日線，每星期嘅開始會睇週線，呢啲就係for買現貨嘅平時做trade係4H，有陣時睇出入場位，可能會睇到1H Q: 其實同炒xx有咩分別？ A: 係冇分別㗎，技術分析適用於所有有足夠交易深度嘅市場，例如美股貴金屬原油等等。但我會揀幣有幾個原因，第一幣市係二十四小時唔會閉市，所以市場係好多機會，如果炒美股可能要捱夜同會閉市。第二上一手門檻好低，喺以前香港未有監管嘅時候就算你未夠18歲求其搵一間一線唔需要KYC嘅交易所就已經可以開始，相反牛牛咁樣開個戶都要等幾日，同埋呢個可能純粹我個人問題我唔撚識用牛牛之前睇圖見到黃金有一個好好嘅做空機會諗住試吓，但係完全唔識點樣開期貨。仲有係唔需要儲錢去投資你就算入幾十蚊幾百蚊幾千蚊都係可以開始玩。同埋波動率比較大，呢個好多人會視為缺點，但係我做daytrade嘅人其實唔怕冧市最怕係冇波動。就好似今個七月尾咁。最後一個原因就係接觸呢個圈子係會了解到大部份人唔知道嘅嘢，所以係多咗好多機會賺錢例如airdrop, 代幣解鎖模型, 質押等等。好簡單一個比喻當年美國淘金潮去到全世界都知道嘅時候真正賺到錢嘅得兩班人，第一班人係喺消息佈滿全球之前已經掘緊金，第二班人就係帶啲人掘金嘅船家，我冇能力做到船家，唯有做一開始掘緊金跟嗰班人

30歲退休！ 2023-07-30 04:07:19

師兄，多謝你支持

不過我真係學生啊

唔係要我貼學生證呀嘛，我唔想爆我喺邊間U

30歲退休！ 2023-07-30 04:09:43

其實係客觀嚟睇JPEX係真係好有問題，呢一個冇得呃，雖然鍾意JPEX嗰啲好似邪教咁，但係而家反Jpex都慢慢變得越嚟越癲，少少嘢就話人哋打手

越嚟越aggressive

30歲退休！ 2023-07-30 04:10:33

恐慌貪婪指數可以上coinglass睇

30歲退休！ 2023-07-30 04:11:10

多謝支持

btw好奇你後期結果如何

角鐵俠 2023-07-30 04:49:23

BTC 由 5000 USD 講到而家 ...
跌返落嚟而家又上返 30000 啦 ...
佢咁多人交易緊係有原因架啦

雞蛋裡的龜頭 2023-07-30 04:55:02

佢係咁叫人唔好入JPC喎

咁都有得屈

角鐵俠 2023-07-30 05:09:51

咁夜

Osjn1019 2023-07-30 09:23:54

雞蛋裡的龜頭 2023-07-30 09:50:40

我都係逐倉

求教學

你好好我好好 2023-07-30 10:36:35

第三方巴打 2023-07-30 10:42:59

真

雖然jpex我都覺得係有問題，但啲人敏感得太誇張

鋼 2023-07-30 10:50:45

tldr

30歲退休！ 2023-07-30 10:57:30

30歲退休！ 2023-07-30 11:00:18

希望其他巴打幫到你，我自己真係冇用過逐倉

其實用我嘅方法自律謹慎地執行永世都唔會爆倉，所以全倉唔係真係咁可怕嘅，可以試吓用下

最愛黑洞 2023-07-30 11:00:29

樓主點睇ARB?

30歲退休！ 2023-07-30 11:01:30

厲害巴打

30歲退休！ 2023-07-30 11:02:10

上面常見問題有講你搵搵

30歲退休！ 2023-07-30 11:02:53

訓唔著

30歲退休！ 2023-07-30 11:09:53

sor 覆漏左你，我認為應該最後市值一定會超過btc
但係價格喺未來真係好難答到你，市值會超過BTC係因為BTC嘅價值源自於供應量有限同埋共識，類似黃金咁樣你話佢係咪好有用又唔係你話佢係咪冇價值又唔係所以啲人點解話BTC係數字黃金就係咁解

但係ETH做到嘅嘢多過BTC好多，生態上嘅嘢出到好多實際應用嘅嘢，例如智能合約，解決擠擁問題嘅L2擴容等等，同埋ETH有燃燒機制，所以長遠嚟睇佢係喺通縮嘅狀態

Haerin 2023-07-30 11:24:58

Btc 短線有冇得彈下上番30000

好弱下

你好好我好好 2023-07-30 12:03:30

寧願當初不相見 2023-07-30 12:25:32

師兄想知多啲

Osjn1019 2023-07-30 12:34:25

炒幣輸咗一年學費之後追番 你問我答 七月收益率28%

30歲退休！

炒幣輸咗一年學費之後追番你問我答七月收益率28%