炒幣輸咗一年學費之後追番 你問我答 七月收益率28%

樓主點睇ETH ,可以升到幾多

你屌連登痴線不如問下自己點解會比人質疑
呢個市場就係咁多牛鬼蛇神
你自己一po就係po JPC嘅圖
老實講 反向宣傳踩一腳抬十級大把人做緊呢啲
我做嘅嘢都係想大家提高警覺
你係身家清白 純粹想分享怕咩人質疑
唔使屌連登痴線喎
唔係我呢啲人出嚟係度質疑
大把人比人呃
我原意係唔想有人比人呃
如果我呢啲叫痴線 咁又有趣啦 你唔係想呃人怕乜呀

佢第一幅圖係貼Bitget合約收益圖，咩一post就post Jpc嘅圖？柒咗就縮番埋啦！

你係咪見佢叫人走JPC唔忿氣，喺度做Jpex打手？

想睇下樓主點回應

唔否認樓主成功用技術分析係呢個月獲利。

不過Crypto 個內在價值其實係0，所以佢嘅價格反映緊唔係佢個價值，而係市場嘅情緒同埋內在消息，以致價格嘅升跌有好大隨機性。係一個隨機性咁高嘅資產下，賺錢唔係難事（輪盤都係pure randomness ，買單雙數都有48%機會贏），但係贏一個月唔代表策略係work。

再者，技術分析主要係係資產歷史價格尋找規律，再希望將來價格都會依照D 規律。但係長遠而言，呢D規律比人尋找的越多或者用呢個交易策略嘅人越來越多，未來走勢已經price in 左，減少賺錢機會，令策略失效。（EMH）

同意呢一個市場好多牛鬼蛇神騙子，但我並沒有一開始就po JPC你可以睇返我第一個post，成個post嘅重點都係講緊技術分析，同埋一啲daytrade嘅心態等等，講真我真係唔怕你質疑就好似你叫我分享晒所有開單記錄我都即刻做，只不過係唔爽你唔傷友軍啫

我 537k 入貨

我掂都唔會掂呢啲垃圾

呢度唔多明
當你有10萬，你Risk 1% 倉位，條數點計?
有時唔識計crypto leverage 果D 數

首先第一樣嘢Crypto嘅內在價值係0我唔係咁同意，世界上第一隻Crypto BTC佢係喺2008年金融海嘯之後被發明，佢發明嘅目的實質上就係解決一啲傳統銀行嘅弊病，例如無論銀行幾大都好最怕嘅都係bank run 今年倒閉嘅signature silver gate都係因為bank run，第二樣解決就係銀行來做內幕操作儲戶，唔知道自己錢會比銀行攞嚟做乜。
首先，第一樣每一粒嘅BTC都可以儲存喺自己獨立嘅銀包度，而呢一個銀包地址係並不屬於任何嘅中心機構，佢係一個獨立嘅存在，簡單來講你有呢個地址嘅密碼你就係呢個地址嘅主人，就算美國總統要封你都冇辦法，但係你有銀行密碼其實並唔代表你係呢個銀行戶口嘅主人你只不過係借用銀行可以有好多嘅理由去凍結你資產，你所擁有嘅資產放喺銀行，並唔係真正你擁有，呢個亦都係其中一個幣圈，咁多人推崇嘅去中心化
第二區塊鏈技術實質上就係一個轉數技術，你用hsbc轉數快比你frd你筆錢就係經habc手去左你frd既ac 過程內所有既主導都係由hsbc而區塊鏈你可以想像你過數俾你個friend，區塊鏈嘅其他所有人都會一齊Mark低呢一筆數，所以呢樣嘢係不可竄改同埋公開透明，因為呢個記錄係分散晒喺咁多記數嘅人嘅手裏面，你改一個係冇用，但hsbc想點其實佢就可以想點，可能你會話咁邊度嚟幫你Mark低啲數嘅人呢？ 呢啲人咪就係正正嗰啲礦工成日話買顯卡掘礦，其實就係為咗幫區塊鏈提供算力做記錄，而佢哋得到嘅獎勵就係btc，形成真正嘅去中心化，全程完全冇一個中心嘅組織去維持。
返返去價值呢一方面，其實諗深一層何謂價值？點解你而家會覺得銀紙有價值？呢一個係因為共識當全世界人都覺得美元係有價值嘅時候佢就有價值，你可能會講覺得我講緊廢話，但係你想像而家你穿越去古代攞住啲美金同用緊銀両做買賣嘅人會唔會理你？佢都唔會，因為當時嘅人嘅共識就係銀両，金屬有價值銀紙冇價值，所以所謂嘅價值都係人嘅共識去給予，所以美金亦都只不過係一個承載着價值嘅載體，而呢一樣載體亦都可以改變，就好似以前嘅人會用貴金屬做買賣，而家用美金一樣，而加密貨幣就係成功得到左呢個世界部份嘅人嘅共識，令到佢有價值。
呢一個共識係點嚟？作為承載價值嘅載體。首先BTC佢嘅產量係一開始發明嘅時候就已經set死咗2千5百萬粒，所以佢同黃金有一樣嘅屬性就係產量只會越來越少並不會好似美金一樣可以無限印（以前back to gold時唔係 而家就係了），所以唔會無限通漲。其次就係佢係你嘅就真係你嘅，就好似上面所講嘅你只需要有你自己錢包地址，裏面有BTC呢個世界得你知道密碼咁就冇人可以對你嘅資產做啲乜嘢，黃金其實都可以做到呢一樣嘢但係大量儲存就需要成本，但係BTC唔需要，只要一個cold wallet就OK。
最後我唔反對一啲細幣的確係市場情緒同埋內幕消息而控制，所以我多數淨係會玩交易深度最大嘅BTC n ETH，我亦都贊成贏一個月唔代表策略係work，做trade一定長遠嚟講，呢一個亦都係我開呢個post嘅原因當作為一個長期記錄。但最後關於EMH我就有保留，呢個市場基本上daytrade可以長遠賺錢嘅人永遠都係嗰一成，因為長遠賺錢關鍵因素並不只有你嘅策略，最重要嘅倉位管理你贏幾多冇用，呢樣嘢做得唔好就算你幾有錢你都承受唔到爆倉，其次係心態口講，同埋真正做係兩回事有啲人就係會承受唔到資產嘅波動率，然後被情緒影響做出一啲脫離原本計劃或者策略嘅事影響策略嘅期望值，能夠將所有嘢做到嘅人少之又少，而呢一個市場上散戶一定係佔大多數。

btw 十分慶幸，見到一啲有邏輯有理據嘅意見，並唔係一啲一味一句Crypto係scam就完嘅意見

一樣例子攞2%止損

1000/2%= 50000
你開單既金額計完槓桿後係50000就可以，咁你止損後只會輸$1000

如果你開100x嘅咁保證金= 500
開30x 保證金= 1666
開70x 保證金= 714

保證金額乘上你槓桿倍數等於50,000就可以了
但呢一步你係唔需要計的，因為大部份交易所喺開倉嘅時候你可以揀名義價格，即係已經幫你乘咗槓桿
用返你上面例子你係100x既，開倉金額用名義價格直接打50,000，咁其實佢會自動幫你落500嘅保證金

用呢一種手法重點就係盈虧比，你贏幾多percent冇用

即係開全倉，share保證金

係finance 嘅角度，資產嘅價格長遠會按照資產嘅內在價值，上年講嘅價值都係咁解。

可能樓主對crypto 嘅認識係遠大於對finance 嘅認識，所以可能回應嘅角度都會係crpyo 嘅特點出發，同埋對EMH 嘅理解都唔充分，Efficiency market hypothesis 關注嘅係價格能否充分反映資產嘅資訊，唔係個人點trade，crypto 一直都係weak form。

同埋美金嘅價值係美國政府嘅信用，市場視美國國債係0風險投資，所以覺得美國政府唔會違約，令佢印嘅cash 有價值。係lihkg 都咁多人質疑嘅時候，crypto 難以取代美金地位。

你講嘅倉位管理seems like 改編自2% rule ，係一個風險管理嘅概念，唔係倉位管理(portfolio management)



所以crypto 嘅玩家一大部分都係來自金融界，都係建議樓主補充下finance 嘅知識啦

信用係金融界嘅基礎

係社會對crypto 有充足信心，令到佢可以成為一個交易媒介和儲蓄價值嘅工具之前，佢依然係一個炒炒賣賣嘅工具。

其實你真係唔識架喎
識果啲人都知佢唔係鳩 up
好多位都係好合理 不過我唔係幾信佢係學生啫
而且佢幾時只貼 JPC ?

屌你 我完全唔想同你做愛

你而家先知佢地幾癲
我而家撐你 我就會變埋 JPEX 啲人
我睇過你啲 trade 其實真係好合理
我都係用 RSI trade 加埋 BB
仲有睇埋 Bullish Bearish
但你講果個貪婪指數係乜來 ?
Tradingview 有無 Indicator ?

咩呀 好易計咋嘛
佢果個如果係開 cross margin
佢根本就唔會爆倉 只係名義上 100 倍
佢最終有個投入額架嘛
你投入 100u 無杆摃咪即係買咗 100u
你投入 1u 100 倍扞摃咪即係買咗 1u x 100 = 100u
咁升跌盈虧都係一模一樣咋嘛

勁癲

全倉 = 倉位大細 / 總資產價值 (最盡可以輸曬成個倉既錢）
逐倉 = 倉位大細 / 保證金 (最盡輸曬保證金）

Lm 睇下樓主堅持到幾耐 比心機

ys 呢個好緊要，唔記得咗講

你完全係屌打左我 你都講得冇錯，我finance嘅知識係好薄弱，我degree唔係讀呢范，而上網睇嘅資訊出發點都係一啲關於交易同crypto，所以比較少接觸背景野，不過師兄你真係好專業，令我學識好多嘢，真係虛心受教