【ViuTV】《膠戰S3》(8) 膠級文憑試！

其實樓梯組一樣要齊人，唔係搭𨋢組獨有
當2個樓梯組負責跑，另1個hold𨋢，2個跑上去的做完task，咪又係要等其餘一個跑上嚟做task
實際上唔會話搶先到幾多
再者，當albert唔㩒掣咁大發慈悲，即使最跑得的edan負責層層㩒停，咁佢都要做task，好似彈弓咁，佢一卡住，而搭𨋢擦鞋最多慢但實過到，基本上成個game就收皮，十足第二季學園game一嚟就俾edan同珈其聯手攪鍋左阿正一樣

而有冇人有諗過點解一組係行樓梯，一組係搭𨋢？
點解要有一組看似好著數？而家只係無係𨋢口大大隻字寫明係伏
貪心的小孩一向係要受懲罰

你都識講
呢個伏好大

不過我睇法係，呢個伏太大兼且冇得覆桌
如果你覺得個伏係伏得合理嘅話咁我冇嘢要補充

你仲未明
「搭𨋢」呢個選項由一開始已經注定要輸，係陷阱嚟

我明你講咩
如果好似你咁講 咁咪就係嗰個唔好睇既位囉

我就係唔認同呢樣嘢呀
你明唔明我睇法呀

我就係睇到而家搭𨋢組擺明會畀人整輸，即係成個Game本身就唔係公平競爭啦，咁返返去討論原點，爺爺嬲係咪好正常？因為根本就係冇得玩，只要是但一邊衝咗出嚟就好易壟斷遊戲

宜家成個game就係有bug
而個bug位就係樓梯組可以用無止境要lift組等人
但lift組冇任何同等程度既方法可以阻礙樓梯組

佢地都知lift都係要有困難
如果唔係好容易就快過樓梯對

所以kaki先同edan hilary講
albert已經層層撳
佢地再下下要等埋佢地先閂門根本唔洗玩

最後你話佢地其實都係註定要輸
咁冇辦法
呢個位根本就係令到人覺得唔fair個點

L拔成日幫家姐幫到出晒面，仲乞人憎啦
講佢ace，但又成日要放水畀佢

綜藝嚟
咁多集膠戰有幾可真係玩公平
第一季玩腳，女仔根本輸硬，又公平？到玩柔軟度，對高頭大馬的公平？
第二季學園，edan同珈其聯手玩殘阿正，公平？
正如狼人殺果集呢到好幾個都講，膠戰要玩膠，一直以來鬥智出術阻人等一向都默許
製作組都有出手，第二季fake edan揀三星高難任務呢d

選擇行樓梯定搭𨋢本身已經係一個game

你講嗰啲全部係做唔到equity既例子

宜家呢個game係equality 都做唔到

咁我問你
如果單純一個跑樓梯同搭𨋢鬥快上不同層數做task（仲要各自做）的
有咩野睇？
好有可能只會睇住跑樓梯的跑到氣喘做task，睇住搭𨋢的hea下hea下做task
頭幾層edan都話有氣有力層層㩒停，你睇去到尾edan都行到肥腸咁上下

揸住跑車贏踩單車的有咩咁好睇？

點解要公平先？
由一開始揀行樓梯定搭𨋢已經唔係公平
要公平點解唔兩隊都行樓梯？座大廈實有另一條樓梯，再唔係同一條樓梯分開跑，計時咪得
要不平等下平等，係咪痴線

同烏克蘭要係無人幫的情況下同俄羅斯打仗一樣

講公平有咩好睇
全部野認真玩就會變左膠運會1.0 咁
再講搭𨋢組頭兩個task都易過樓梯組
要玩體力野對肥腸本身已經唔公平
問答果度kaki同煨sir果題夠特別易啦
所有野都係節目效果姐

其實你宜家係討論緊咩先？
個game既本身 定好唔好睇？


1. 個game本身

我上面都講左
唔係講緊要層層撳停

係大家每次edan嗰邊都要部lift等到佢地玩完
先比kaki個組上去

所以lift注定一定慢過樓梯（呢個你上面都認同）

咁你唔覺得呢個係bug咩？

2. 效果好唔好睇

宜家都有人覺得lift組根本冇得贏唔好睇
你講嗰個版本都唔好睇

咁可唔可以話本身隻game有問題？

咪就係兩面都應該要有
差唔多可以制衡對方既條件先好玩同好睇
宜家我覺得兩邊失衡嚴重

都係講返個問題姐
咁實有啲人覺得有所謂
有啲人覺得無所謂架啦

宜家你講到lift組注定有一邊會輸
覺得有啲無謂姐

個情況好似之前collar入營，果時candy喊住話唔公平樣，但個重點唔係個遊戲，係你地地互動/節目效果

膠戰係綜藝節目，唔公平好正常，拍到第3季+撈左咁耐，唔明珈其做咩玩到咁火，係咁發D工作人員脾氣，真心觀感好差

玩左咁耐都會嬲證明今次真係balance得好離譜囉
你要減慢lift組有好多方法例如set佢地既challenge set難d
但衣家present出黎係最差既方法仲要講明係突發先諗到不如咁做即係冇test過出黎效果會點

阿正都嬲+打埋一份 佢地就講到淨係kaki

你一路覺得bug位係有問題咪錯
bug可以係刻意製造出嚟
邊個搵到bug位就贏，就好似上季學園game 1，製作組原本以為三組會追嚟追去插旗，點知俾edan同珈其合作ko左，game 2都安排albert出嚟不斷偏幫返阿正啦

一開始的選擇已經係一個考智力的試驗，考6膠對製作組，對綜藝的認識理解
根本就係要揀行樓梯先係正確答案
以為搭𨋢係著數根本已經錯

兩面都應該都要有？搭𨋢組有負面條件又有正面條件喎，樓梯組得負面，無正面喎
平衡度係邊？？樓梯組有咩正面有利條件？㩒停對方部𨋢唔係對自己有利

我講搭𨋢組注定會輸，因為搭𨋢根本係一個錯誤選擇，揀錯咪輸

講到尾：
夜間巴係覺得一個遊戲有致命Bug係冇問題（因為你聰明搵得到可以整死對手，亦都可能係對於對手只睇表面嘢嘅懲罰嚟）

我同埋發吽兜絲係覺得一個遊戲應該要有一定程度嘅競爭基礎（而家係冇咗，因為有致命Bug)，同埋我地覺得而家出到嚟個效果/觀感唔好睇

咁規矩都冇話唔俾發老脾
根本係可以屈人機 係睇屈幾多同節目效果點
根本都可以發老脾 係做幾盡同節目效果點

擺明依家係唔好睇 我又覺得對面同製作組做多咗
你又覺得脾氣發重咗

咁ok
但關咩「不如你話兩邊乜都唔做鬥快到天台」事
又關「𨋢掣可唔可以揸住跑」事

唔公平咪認 事實係咁有咩好拗
講都係講爺爺同呀正今次有理由發脾氣
同埋佢有lift搭都係遊戲設計
設計到最後有唔公平、唔好睇
點解唔可以鬧兩句

其實製作組臨時限一限edan組㩒lift次數/層數
成件事已經冇咁難睇 正姐kaki又唔會咁嬲

唔知班人拗乜根本要等埋對面組玩完先開始閂門已經係冇得玩
迫去峽窄空間等輸咁

膠戰從來唔係講公平嘅競技遊戲

所有野都係跟劇本做嚟為搞笑係最終目標

入戲係好事，但唔駛咁認真喎

冇話唔比你發，話你份人西咋嘛次次發火都話效果，監製一定好撚憎佢喇