【ViuTV】《膠戰S3》(8) 膠級文憑試！

去得好快
我都未Load到呢part要點贏或者有咩意思已經去到下Part
根本咁大規模就應該拆做兩三集玩

其實就算係問答
啲問題同貼士之間都睇唔到太多同膠人之間有關係嘅笑點

主要搞笑嘅都係6膠之間嘅交流
唔係直接嚟自製作組

呢集好零碎
好多笑點都唔係嚟自啲Game自己（甚至有啲尷尬）
而只係嚟自6膠

情況可以話係同機場嗰集好近似，都係遊戲麻麻，得6膠傾偈好笑

問答 >> 懲罰 >>>>>>>>>>>>>>>>>>>> 其他連名都唔記得嘅Game

由雋升頒發雋升獎座畀大家

暫時集數精彩程度由低至高應該咁排？
狼人
< 機場/人生
< 第1集(唔知應該叫咩主題)
< 藝術
< 馬友/第2集(兩爵安)
< 老人院
< 雋升/膠運會/茶記

或者可能只可以中一次Fatfat？
即係如果中過就要均分自己個範圍畀其他功能

但係而家問題係
搭𨋢嘅劣勢比起行樓梯真係大太多

雖然體力勞動肯定唔多，但係畀人阻嘅機會太大而且無辦法反攻
之前嗰啲「正」嘢就算有伏都有方法拆解或者減緩
呢次真係冇

你以為個𨋢掣可以揸住跑㗎？

係你前設樓梯一定慢過搭𨋢，但規矩冇咁寫

你有冇睇
佢哋一個㩒掣 兩個出面玩
之後換人接力

另一組焗住等你完成曬 你成組嗌得啦得啦
部lift先慢慢閂門

兒登每上一層仲特登㩒lift

咁點玩
你以為個𨋢掣唔係portable就唔係屈曬㗎？

冇乜問題，規矩冇話唔得
搭𨋢擺明佔優，比你咁順就贏硬啦仲玩乜

回正題，對方出術又好咩都好，都唔代表你個人格冇問題

命運又點會唔可以重複？
正如中過一次六合彩頭獎就唔可以再中咩？

係可以
但係唔好睇囉
如果咁容易踩中獨食，而嗰啲「資產」又冇咩特別意思嘅話咁保守出價就得啦
有咩好爭？

搭𨋢本來就唔公平，同行樓梯有極大差距，點收窄差距一定係由節目組出手
如果唔靠albert，搭𨋢的task一定要多過/難過行樓梯組先得，例如樓梯的2個task的話，搭𨋢要做4～5個task

另外仲有個情況，假如樓梯組卡關，上唔到去住，搭𨋢組無人係外面㩒停部𨋢的話，搭𨋢組又唔卡關，根本無得比，而albert就正正係負責確保佢地卡一卡，呢個係必要手段

而家係搭𨋢個劣勢太大兼且無得反擊
重點在於冇得反擊呢度

行樓梯有得賴死唔走撳𨋢Hold住
但係搭𨋢一定要齊人先可以閂門

而你話樓梯組優勢可能會因為棘住而收窄，咁本身得兩三個Task就已經係偏少，好難畀人反超前（邊一組都係，搭𨋢棘住都可以落後）

仲有另一點就係，你呢個假設係喺樓梯組認真玩唔出貓/互相殘殺/攬炒之下作出，但係如果樓梯組本身已經喺度玩嘢，咁Albert仲係咪適合玩埋一份？兩樣加埋一齊嗰陣，成個Game就完全向樓梯組傾斜

清醒少少的話，由揀樓梯定搭𨋢都估到無理由咁順攤啦，正常計起碼差6、7倍時間喎，同開外掛無分別
有乜理由唔整搭𨋢？同埋所謂劣勢，睇片見搭𨋢組出到9樓，樓梯組都只係剛開始擲骰無耐，試諗下唔層層㩒會點？

咁係因為而家樓梯組喺到拖住佢地唔畀上
本身Albert層層撳已經可以拖慢架𨋢去到同樓梯組差唔多
而家仲要畀樓梯組咁樣拖時間咪更加反Cup唔到
仲有，其實架𨋢冇你想像中咁快，我記得聽過話，𨋢嘅上升速度大約係行上樓梯嘅3倍左右，就算Albert唔係撳晒所有樓層，咁樣一開一閂法已經花多好多時間（開閂門時間 + 單次上升距離少咗而無得踩行油上）
如果再計埋外邊死拖爛拖，根本就令到佢地毫無優勢兼且無得改

我嘅睇法就係，雖然𨋢比起樓梯係有明顯優勢（冇體力勞動 + 快啲@正常情況）
但係最大缺點就係要齊人（無得整返樓梯組去抗衡佢地)、速度唔到自己控制（基本上避免唔到外邊有人撳𨋢）
而下面兩樣缺點就已經可以喺呢個遊戲之中大幅降低搭𨋢組嘅優勢，如果Albert真係見到對面組死拖爛拖，咁就唔應該撳𨋢額外加強搭𨋢組嘅劣勢，因為係冇得逆轉嘅

前面有啲伏伏地嘅選項，有時都可以有一啲變項喺手可以靠一己之力扭轉局勢
但係呢次基本上係冇，搭𨋢組喺呢個情況之下就真係肉隨砧板上，任人魚肉
呢個先係我想帶出嘅一點

咁你想睇刻意安排定命運安排？
玩得輪盤本來就係睇彩數，你事後睇梗係覺得容易獨食
但置身其中的話，每一局開始的機率人人一樣
阿正尾2果局都大逆轉啦

韓綜套路都糸

主持間互寸
主持同嘉賓斗咀
主持膨脹然後鳩屎

前提D主持 / 嘉賓要有魅力（星味）

先天優勢係速度快又唔消耗體力，無得反擊咪正正為左拉低返佢先天優勢囉
數量化咁表達，搭𨋢的係+100，每層停係-90咁姐
如果有得反擊，當可以留個隊員跟樓梯隊跑保護門口𨋢掣，咁仲洗玩？

行樓梯亦唔可以懶死唔走，一組人要一齊上，唔係點做task

再者，成個game本來係傾向樓梯組一d都唔奇，仲幾合理添，同龜兔賽跑一樣，本來正常情況下無得比的，當要比拼的話自然要加陷阱，即係製作組要攪呢個game，就一定要針對搭𨋢組

搭𨋢擺明就係個伏，俾著我都一開始唔會揀搭𨋢囉

全部都係壞人

而家我係強調緊製作組過份針對搭𨋢組

係過咗龍而唔係唔應該
套用返我上面講過嘅一樣嘢，如果Albert層層撳，樓梯組就應該乖乖地行樓梯唔好阻住，掉返轉，如果樓梯組賴死唔走，咁Albert就應該收手

又，你話樓梯組要一齊上，其實冇搭𨋢組咁固定㗎喎，你行得快行得慢、製作組點樣先叫你去到嗰層呢啲嘢係有得斟酌
反而搭𨋢就一定係開門出𨋢先係達陣

即係，你喺節目要跣人唔係問題，但係而家係跣到人地入ICU，呢個就係問題