今日兩點幾去食野，隔離台杯野飲有只曱甴，個食客同侍應講返，話見到野飲有曱甴就想嘔，同埋點解可以一句對唔住都冇，圖中呢位女侍應答佢：「咁你咪嘔囉！」
個客嬲到即刻出去埋單走，同收銀講：「欣賞你地品牌先成日食，但今次好失望，估唔到
一個道歉都冇。」
點知廚房突然有個廚衝出嚟推個客埋牆！！再叉住食客條頸！！個廚又高大又紋哂身，想摙死個客咁！！我同其他食客即刻上前，話再郁手就報警，最終要其他人拉開先停手。
然後其他侍應就護送呢個廚入返廚房，呢個時候仲係一句對唔住都無😂疑似老闆就過嚟話只係話係小誤會，無咩事。
最終食個飯要搞到報警，最好笑係大家都留電話俾受害者，話願意做證人，真係個個都睇唔過眼😂警察嚟到，佢地成班人仲係繼續好串，完全覺得自己無錯😂
《飲品有曱甴，食客要求道歉，然後比廚師打👍🏻》
可惜個下急住衝過去救人先，影唔切相，如果唔係好想分享咁恐怖嘅畫面，俾人知道呢間餐廳點樣對食客。
你個廚師係邊間拳館畢業？
