重生後，我建立了一間末日避難所

許父隔著鐵閘搖頭嘆息道：「呢十年屋企已經幫你還咗百幾萬街數，冇錢啦。」

「你信我啦阿爸，我今次講真㗎！」許淵源焦急道。

「屌！你邊次唔係咁講？又有邊一次最尾唔係仆街咁問我攞錢？」許父也直接了當道。

許淵源支支吾吾無言以對，因為上一世的他確實是因為投資失敗而欠下巨債，害慘了家人。

許父「呯」的一聲把木門關上，剛嘆著氣準備回去吃晚餐時，許母恰好捧著一碗綠豆沙從廚房中步出。

她發現只剩下許父一人時就問：「阿仔呢？走左喇？唔飲糖水？」

許父假裝若無其事般安撫許母道：「佢有事要走先，糖水我哋自己飲就得。」

「吓？」許母失望道：「咁湯呢？湯都唔飲？」

「仲畀湯佢飲？」許父又道：「一陣我哋連渣都冇得淨！」

許淵源被父親趕走以後十分失落，原本還指望家裡給錢來建立避難所，現在看來這條路也斷了。

他回到出租屋中倒在床上抓著頭髮苦惱地叫道：「點解冇人信我啊！！！點解啊！！！」

再這樣下去，自己恐怕就要重蹈覆轍，要在末世中過著顛沛流離的危險日子，每一天都可能是最後一天，每一頓飯都有可能是最後一頓。

這樣提心吊膽的日子活得比死還要難受，許淵源說什麼也不願意再過一次。

許淵源的眼神忽然變得銳利起來，冷冷地盯著天花板道：「如果係咁，唯有夾硬去搶，反正十五日後世界就會末日，做過咩都冇人追究。」

就在他密謀鋌而走險時，門鈴聲忽然響起將他拉回現實。

來者似乎顯得十分焦急，不斷快速地重覆按響門鈴，「叮咚叮咚」響個不停。

許淵源看了牆上的時鐘一眼後自言自語：「成十一點幾，邊個咁夜過嚟？」

他在連串急速的叮咚聲中躡手躡腳慢慢走向大門，偷偷地往貓眼裡一看，頓時間就瞪大了雙眼。

支持末日

感謝

推

天線塞塞B LM一年後再入返黎睇

咁又唔洗一年，個幾兩個月就完到

早咗入嚟

頂 早咗入
between 希望呢個故好睇過食大陸妹嗰個故

歡迎

歡迎兩個故各有各好睇

許淵源透過貓眼一看，阿龍正一臉焦急地在門外重覆快速地按著門鈴，以致叮咚聲一直都響個不停。

他原本以為是討債人找上門，於是躡起手腳來到門後，透過貓眼發現是好友阿龍後就長舒一口氣開門問：「阿龍？做乜咁夜先過嚟？」

阿龍一臉嚴肅地從他身邊走過直接步入屋中，在客廳內一聲不吭地來回踱步，最後他整理完思緒後就問許淵源：「點解你會知道Lily要同我分手？」

「佢嫌你窮吖嘛，呢單嘢係你同我講。」

「我幾時有啊？」阿龍完全無法理解許淵源在說什麼，大腦一片混亂：「我畀人飛，我本人仲遲過你知道，又點可能係我同你講？」

許淵源只好嘆氣道：「因為呢件事係上一世嘅你同我講。」

「哈哈......」阿龍失聲笑道：「上一世啊？」

「係，因為我好記得你同佢分手後半個月，喪屍病毒就即刻大爆發。」

阿龍苦惱地撫著前額再度陷入沉默之中，整理完思緒後終於開口道：「你嘅意思係末來爆發咗病毒，你不幸死咗，結果發現不但冇死到仲重生返左嚟病毒爆發前。」

「係啊！」許淵源高興地點頭道。

「咁荒謬嘅嘢你叫我點信呀？」理智叫阿龍無法接受他的說法。

「唔緊要，我再證明畀你睇。」許淵源閉上眼睛，努力地回想道：「你十三歲嘅初戀情人叫XXX， 你父母嘅結婚戒指其實係你細個唔小心整唔見，仲有......」

阿龍萬萬沒想到會從許淵源的口中聽到這些本該只有自己才知道的秘密，頓時面紅耳赤，大驚失色道：「你......你點知㗎！呢啲嘢我明明都冇同人講過！」

「都話呢啲秘密係上一世嘅你親口同我講。」許淵源神色認真道。

阿龍對於好友所說的重生一事基本上不相信，但這樣就無法解釋對方為什麼能預知未來，還知道一直埋藏在心中只有自己才知道的秘密。

「唔通佢講嘅係真？」阿龍望著許淵源，腦海陷入一番天人交戰。

不知該如何是好的他最終只好走到許淵源的面前，豎起一根手指半信半疑道：「你再證明多一次你講嘅係真嘅，我就信你！」

許淵源聽後陷入了沉思之中，腦袋裡經過一番搜索終於找到了能說服對方的事情。

他一臉認真地對著阿龍說：「你第一次打飛機嘅係對住『閃電傳真機』嘅譚......」

「ＯＫ！」阿龍突然笑著打斷他的對話，顯然是對許淵源所說的話有了一定的信任基礎。

他舉起手不讓對方再說下去：「你唔洗再講，我信你！」

「真嘅？」許淵源十分高興，終於有人願意相信他。

阿龍隨即又好奇地問：「你就話你係畀喪屍咬死咗，咁我喺未來到底點樣？」

許淵源笑容慢慢褪去，同一時間天空中一道電光閃過，接著便是一聲震耳欲聾的巨響。

現場陷入了一陣久久的沉默之中，他好幾次都準備開口卻欲言又止，差點沒把阿龍給急死。

最後等許淵源真的準備好把真相告訴給對方時，阿龍已垂頭喪氣擺手道：「唉，算啦，你都係唔好同我講仲好。」

「你當時為咗救我而死。」許淵源認真道：「喺呢個冇人可以相信嘅世界入面，唯獨你我係絕對相信。」

「哈！為咗救你而死。」阿龍苦笑道：「咁睇嚟今世我唔好再咁蠢啦！」

他思索片刻後又問道：「跟住點？我哋點樣先阻止到病毒爆發？」

「阻止唔到。」許淵源無奈地搖搖頭，接著說道：「無論我點講都好，大家都只係當我痴線佬。」

「吓？咁點算？」阿龍焦急萬地問道：「如果又再次爆發喪屍病毒，咁我哋咪又要死過？」

「呢一點我已經諗過，大局雖然改變唔到。」許淵源扭頭望著阿龍，用手指戳著自己胸口說道：「但我哋可以改變自己係末日嘅結局！」

「改變結局？」阿龍困惑道。

「冇錯，上一世我哋因為冇任何準備，所以先要過住每日冒險搵食嘅日子。」許淵源笑著道：「但今次唔同！我哋預先知道會有災難發生！所以可以提前部署！」

「咁跟住點？記憶得你有，要點做得你先知。」阿龍問。

「我打算建立一間避難所儲存足夠嘅物資，喺入面等待病毒爆發嘅過去。」許淵源道。

「建立避難所？仲要買物資？但係你邊有錢？」阿龍問。

「我冇姐，但你有吖嘛。」

許淵源笑望著龍，兩人陷入一陣尷尬的沉默中。

下一秒，阿龍趴在地上拼命把手機護在懷裡求饒道：「唔好啊！呢啲錢我將來用嚟娶老婆㗎！」

「你啱啱先畀女飛啊！」許淵源粗暴地搶過阿龍的手機道：「半個月後你手上呢堆就係廢紙嚟！上一世你其中一個遺憾就係冇用晒啲錢佢！快啦！畀我睇下有幾多！」

他打開查看銀行餘額，上面顯示著二十一萬四千元。

「得咁多渣？」許淵源看到以後非常失望。

「大佬啊！咁嘅時勢儲到二十萬好難㗎喇！」阿龍被嫌錢少後就不樂意地回答。

「得二十萬仲想學人娶老婆？」

「你咪理！好過你一蚊都冇，仲爭人一身債！」

「反正半個月後，病毒一爆發就所有錢都唔洗還，當然借愈多愈著數！」許淵源理直氣壯，理所當然道。

阿龍想了想後覺得他說法的好像很有道理，既然不用還，那當然是借愈多愈好！這樣就有更多資金去囤更多的物資。

「但得二十萬遠遠唔夠實行我嘅計劃。」許淵源皺眉道。

「點解啊？」

「香港人口密度太高，留喺市區太危險，我打算去半山少人啲嘅地方買一座別墅改造成避難所。」

「半山別墅？一間成交起碼兩億，我哋得二十萬點買？咪玩啦！」

「你唔記得咗嗱？」許淵源笑著用食指戳了戳自己的太陽穴說：「我有......來自未來嘅記憶。」

此時家中的時鐘忽然響起提示已經過了午夜十二點，時間悄然來到一月十六日。

距離末日還有十四日。

中午加更，六點仲有一篇

鍾意嘅朋友可以正評留言加速，100正評再加更，IG都有加更活動，達標另外加更

LM

感謝

歡迎

好快夠100

LM