重生後，我建立了一間末日避難所

返緊去，一陣有文

lm

時間飛逝，工人收了大錢以後，施工速度果然快得驚人，只花了短短九天就完成了避難所所有的改造工程。

許淵源望著被鋼板包圍的避難所十分滿意，這樣就算遇到屍潮也不用擔心圍牆會被輕易推倒。

圍牆上方不但放了尖刺與鐵絲刀片，還通上了高壓電，防止有外人偷偷爬進來。

避難所竣工後，阿龍再次打給女朋友Lily，而這一次終於有人接聽。

他興奮地接起來說：「Lily！你聽我講！」

「你唔好再打嚟啦，我哋已經冇可能！」說完以後就直接掛掉了電話，阿龍黯然地望著只有三秒的通話時間。

身後的許淵源忽然開口道：「好！啲工人走晒，係時候可以進行下一步。」

「下一步？」

許淵源笑了笑，拿出手機撥通後說：「你可以裝貨，我一陣派人嚟攞。」

掛掉電話以後，許淵源就吩咐阿龍：「山下果間超級市場外面有架貨櫃車，你一陣同我揸佢返嚟。」

「貨櫃車？」

「係，物資我已經買咗，裝晒係架車度，總共有十五個貨櫃。」

「我預備咗起碼夠四個人用三十年份量嘅物資，有多冇少，淨係白米我都買咗兩噸。肉類放冷藏可以延長保質期，雖然味道冇新鮮咁好，但都好過冇得食。為咗彌補，我買咗三噸A5和牛肉，希望可以降低冷藏對味道嘅影響。」

「哇......咁樣真係世界末日？」阿龍聽到口水直流。

「仲有大量罐頭、蔬菜水果、冷藏食品、醫療用品、燃料......等等等等。基本上所有必須同唔必須嘅嘢我都買齊晒。」許淵源又說：「已經將所有錢換晒做有用嘅物資。」

「但點解你唔叫佢哋送貨上門，買五百蚊都肯送啦，更何況買咁多。」

許淵源聽到後搖了搖頭：「佢哋當然好樂意幫我送貨上門。」

他看了阿龍一眼，又看了避難所一眼說：「但咁樣佢哋咪知道避難所嘅位置，仲要知道呢度收埋咗大量物資，邊個可以確保佢哋喺病毒爆發後唔會搵上門？」

阿龍聽到後也沉默了，沒想到許淵源居然小心到這種程度，跟他印象中有著相當大的出入，不愧是死過一次的人。

「好！我宜家就去運返嚟。」

阿龍認同好友的說法，畢竟在末世除了喪屍可怕以外，居心叵測的人心更加可怕。

人為了活下去，什麼沒有底線的事情都有可能做出來。

法律都已經失效的世界，就別妄想能用道德去約束別人。

在末日第一批死的都是好人，能活下來的都是一些「適當的惡人」。

而許淵源重生後的計劃就是想找一個安全的地方躲起來，直到整個病毒災難徹底過去為止。

與世無爭的他不想加害別人，也不容許別人來加害他。

他只想安安穩穩過好自己的日子。

阿龍按照許淵源的吩咐來到了山下的超級市場，那是一家位於商場內的超級市場，裝滿貨物的貨櫃車早已停在商場後門等候。

他來到貨櫃車旁邊時，超級市場的經理就畢恭畢敬走到他面前問：「你就是許淵源先生安排嘅司機？」

「又係司機......」阿龍心裡嘀咕。

他勉強笑著應道：「冇錯。」

經理取出一份文件和筆遞給阿龍道：「呢一櫃都係米、乾糧、罐頭、茶葉同零食果類，麻煩你簽收一下。」

他看了一下那密密麻麻的清單，也不知道該從哪裡開始清點，隨便看一眼後就簽了名。

經理隨即將貨櫃車鑰匙放到阿龍手中：「許生真係唔需要我哋送貨？除咗呢櫃仲有成十四櫃，佢消費咗成二千萬，我哋公司係好樂意為佢送貨。」

「許生吩咐由我嚟攞貨，其他嘢你唔洗理。」

「好嘅，冇問題，咁許生仲有咩吩咐請再同我講。」經理識趣地先行退下。

當阿龍拿著車匙準備上車離開時，一名外表粗獷的中年肥佬從遠處走來跟他搭話。

「哥哥仔。」

阿龍打量他一番後問：「乜事？」

肥佬叼著一口煙笑嘻嘻地跟他說：「原本你呢批貨應該由我去送，一諗到要行成三十轉來回都咪話唔得人驚，不過好彩你老闆鍾意親力親為，多得你我先甩難。」

像他這樣的月薪司機不管跑多少趟，超級市場都只會給他一個固定工資，那當然工作量愈少就愈舒服。

「咁咪幾好，益咗你。」阿龍隨意應道。

「之但係......」肥佬好奇地問：「你老闆買咁多做乜？」

阿龍沒想過會被人追問問題，腦袋一時間反應不過來，隨口編個理由答他：「我老闆準備喺屋企開party招呼客人嚟玩。」

「哦。」中年男人恍然大悟：「原來係咁。」

阿龍擔心講多錯多，決定不再搭理對方：「我唔同你講，今日有排忙。」

肥佬主動讓路，用兩指夾著煙向他揮手道別：「好嘅好嘅！」

隨著車子的引擎發動，阿龍開著車子從商場的後門離開。

肥佬望著貨櫃車逐漸變小的背影，嘴裡不屑道：「當我傻㗎咩？咩party會用『豆豉鯪魚』嚟招呼客人？」

一番交談過後，他認定對方隱瞞了什麼事情，好奇心作祟之下，開始暗中觀察阿龍的動靜。

距離病毒爆發還有兩日。

推

頂你

之後就會陸續出嚟

更新了

玩法比較真實硬核，學習成本高，一般人未必鍾意

聽日中午應該加更，大家得閑幫下老沙推post同正評，或者ig畀like都得

內容幾吸引

200正皮

夠數，咁我一陣再更多一篇

阿龍花了一天時間才把貨物卸完，全都用板車推到地下室中存放起來。

如今避難所已經建成，食物來源也有了保證。

為了避免重蹈上一世的覆轍，不讓父母在病毒爆發初期死去，許淵源決定把雙親都接過來避難所中居住。

一開始兩人怎麼也不肯相信兒子買了一座別墅，還說要邀請兩人前去參觀。

明明前幾日還想騙家裡的錢，怎麼突然住上了豪宅？

這種階級躍升的速度簡直比坐火箭還要快。

但不信歸不信，兩人太想搞清楚兒子到底是不是為了賺錢而從事什麼非法活動？他們思前想後還是答應前來參觀。

當許父許母來到了如同鋼鐵要塞的避難所前時，整個下巴都驚掉了。

特別是當厚厚的鋼門打開，許淵源親自出來相迎時，兩人還是不敢相信自己的眼睛。

「阿爸！阿媽！」許淵源笑臉迎人。

許父故作鎮定乾咳了一聲後說：「咳！我仲以為你講笑，點知真係山上嘅豪宅。」

「點會呃你，我哋入去再講。」

簡約風裝修的客廳內。

大概是看出這裡的東西都不便宜的緣故，許父坐在高級梳化上表現得相當拘謹，小心翼翼不敢到處亂碰。

許母不管那麼多，逕自走到廚房參觀並興奮地叫道：「嘩！間廚房好大啊！仲要咩工具都有齊，好方便！」

「係啊。」許淵源笑道：「食材嘅話我全部放晒入地下室，阿媽你想煮乜都得。」

「好，等我煮餐好嘅畀你哋食！」許母疼愛地捏了捏兒子的臉蛋道。

許父假裝不經意地問：「呢度......租一日貴唔貴？」

「咩租，呢度我用兩億買咗落嚟㗎。」

「咪玩啦，仔，你一個月前先問屋企借兩千蚊應急，呢兩億你邊度嚟？」

「開槓桿炒期貨，一晚就已經賺到。」

「咁講就更加冇說服力，你成世人投資咁耐邊一次賺過錢？」

許淵源這時終於明白自己上一世到底讓父母有多操心，到死也沒讓他們好好享受過幾天好日子。

明明遭到父親的質疑，許淵源非但沒有感到生氣，更為以往的不成熟而感到鼻子一陣酸。

「阿爸，我講真㗎。」

許淵源把到手的屋契展示給父親看：「你睇，張契都喺我手上。」

他戴起老花眼鏡把屋契拿到面前認真查看，想要找出偽造的破綻，可愈看就愈覺得這文件不像假的。

眼見兒子連合法的屋契都拿了出來，許父就感到更加困惑。

「但......但係......你錢邊度嚟？」

「我咪同你講過，我喺未來死咗重生返嚟，成個股市崩盤前嘅走勢，每日嘅最高點同最低點我全部都記得一清二楚！」許淵源知道很難令人信服，但還是耐著性子解釋道。

許父根本不相信如此荒謬的說法，什麼世界末日、喪屍爆發、重生歸來，全部都是胡說八道。

「但係......」

許父冷靜下來後又想，如果事實並非兒子口中所說，那他又哪裡來的錢買下這間豪宅？

他要是真的是股神，那為什麼以前投資就賠了那麼多錢？

就在許父百思不得其解之際，阿龍的出現拯救了他。

「咦？世伯？好耐冇見！」滿身是汗的阿龍從健身室出來時熱情地向許父問好。

「阿龍？」由於許淵源與阿龍打從小學就認識，所以許父對兒子這個朋友也是相當熟悉。

「你嚟得啱喇！快啲同我講阿源佢到底搞乜鬼？」許父焦急地問。

阿龍先看了許淵源一眼，又看了許父一眼然後小心地問：「佢同你講咗嗱？」

感染=必死 好難玩

「佢講埋啲咩病毒爆發又世界末日，仲話自己炒期貨度賺錢買咗呢度。」許父困惑道。

本以為阿龍會把真相告訴他，沒想到對方卻一臉凝重地告訴許父：「佢講嘅都係真。」

「吓？」

「我親眼睇住佢賺嘅錢，世伯，佢今次真係知道股市走勢，冇講大話。」阿龍也如實相告。

許父知道阿龍為人老實不會騙自己，但要是他們兩人都沒有撒謊騙他的話，那豈不是兒子真的經歷過一次末日，而且還死了？

許父忽然低下頭沉默不語，理智與情感在大腦深處交戰著。

過了良久，他的態度終於放軟，一臉憐愛地問兒子：「你話你上一世係點死？」

雖然要許淵源回想起不愉快的記憶，但他還是如實告訴父親：「上一世我有一日實在太餓，忍唔住出去搵嘢食時畀喪屍包圍咬死咗。」

當聽到兒子居然以這麼慘痛的形式死了一次，作為父親的許父心裡也相當難受。

「阿爸......你係咪信我講嘅嘢？」

許父點頭道：「你阿媽嗰邊就由我嚟講，佢會易啲理解。」

許父說完以後就走到廚房，許母十分滿意這裡的裝潢，所有煮食工具都應有盡有。

「老公！你睇下，呢度連焗爐都有，我可以試下整蛋糕畀你哋食。」

「老婆，我有嘢要同你講。」

許母見許父一臉凝重，於是也跟著收斂起笑容問：「做咩？」

許父除下眼鏡，揉揉鼻樑稍微整型一下思緒，然後就把事情全都告訴給許母。

殊不知許母非但沒有半點懷疑，聽完以後馬上就哭著從廚房跑到大廳裡緊緊抱住了許淵源：「仔啊！有阿媽喺度，你一定唔會冇飯食！放心！」

許淵源笑著安慰母親同時也暗下決心：「今次輪到我嚟保護你哋。」

係，唔可以感染

推