是枝裕和嘅怪物真係咁難明？舒琪要踩到咁？

男人老狗叫舒琪 都知佢唔撚掂啦

就住羅生門呢個point
我都唔明啲影評個個都話羅生門
明明真相睇完成套戲就知

羅生門式敘事，唔係羅生門，有冇咁難理解？

根本套戲其中一個主旨係「人言可畏」
所以先要咁多流言蜚語嘅情景
如果咁都睇唔到，我幫佢唔到

如果用"三段敘事方法"去形容我覺得會合理
呢三條故事線所講既事實無互相矛盾
只係表達唔同角色喺自己既角度睇到啲咩事實
無出現到一啲口同鼻拗既情況
睇完套戲又無羅生門既情況出現
係咪真係適合叫佢做羅生門敘事手法?

大多數結構完整嘅故事都係三段式，去敘述主角起初、經過、結尾嘅轉變

同羅生門、pulp fiction、Memento呢種特殊敘事根本唔同

可能係我問題
我認為怪物只係純粹分左三個段落同角度，平鋪直落講同一個故仔
只係令觀眾睇晒成套戲就可以知道晒成個故仔既前因後果
如果呢種手法就係SO CALL 羅生門式敘事手法
咁其實好多偵探懸疑法庭戲都係羅生門式敘事手法
(即使去到時最後套戲係無羅生門結局)
我都係好唔理解點解會話呢套戲係"羅生門式敘事手法"

好多偵探懸疑法庭電影都係以三個人嘅角度各講一次故事？

我唔覺喎，或者你可以舉下例

咁一定要三個人三個角度？
先附合羅生門敍事方法？

一個故事，以三種角度，重複講三次，切蛋糕三份咁

唔係一個人佔一個鐘，然後另一人/上帝視角用20分鐘講真相

舒琪返去做馮太，去煮飯算啦

我唔明套戲有難
都唔明套戲帶出嘅message 有幾唔傳意
題材略敏感嘅 但真實感係有

見到佢依家喺電影中心

細細個就睇佢啲影評，發覺佢試過睇完trailer就當睇咗套戲

人言可畏嘅原因就係多佢呢啲蠢人講廢話，又有人信

唔係話撐唔撐舒琪，但坦白講都唔係羅生門式敘事

你話多角度，非線性或者碎片化敘事都無錯，但羅生門式個重點係對真相唔同嘅詮釋同版本，怪物係完全無呢個性質

唔同意舒琪嘅口味同觀點一回事，但知識上嘅嘢無謂扭曲，已經有太多睇過吓IMDB榜百幾套戲就出嚟尻up拋terms扮專業嘅so far 影評人出來散佈謬誤如果你真係鍾意電影甚至敘事嘅藝術嘅話，無謂jer住呢啲位你咪解吓舒琪講嗰啲Bug，睇吓係咪真係佢睇唔明囉

羅生門式敘事個指向唔係三個角度或者三個人，而係真相嘅多種演譯同版本，例子可以舉張藝謀嘅英雄，雖然故事入面係有明示個真相(同羅生門原片唔同)，但敘事結構上佢好好體現咗羅生門式敘事嘅特性

另一種成日搞錯嘅，包括怪物都屬於嘅嗰種叫Non-linear 式敘事，呢種結構同羅生門式最大嘅唔同係佢無涉及唔同版本嘅真相，而只係將事件嘅時序同視角打散咗，從而製造出真相嘅多重反轉同揭露

是但講幾個例子科普下

鮮浪潮例子：接近無限溫柔的瘋狂

港產片嘅例子：G殺

大陸片例子：全民目擊

失敗西片例子：Sharper

名片例子：死亡魔法，pop fiction

你確定你有睇怪物

琴日先啱啱睇完

而怪物特登用大火同台風去做開頭同結尾，就係為咗表達時間，你點會話佢係將事件嘅時序同視角打散

屌
我以為係嗰個女星….
佢咁得閒寫影評?

呢個咪係Non linear 嘅典型手法

假如大火係1，颱風係10，當成套戲共有十多個事件(唔係真係有咁多個plot，簡化為咗說明only)

第一段嘅時序係1 5 7 10

第二段係0 1 2 4 8 10

第三段係 -1 1 3 6 9 10 11

你會見到每到段都係以1 同 10做大約嘅開頭結尾，但時序就係咁碎片化/打亂咗

怪物只係呢類敘事嘅入門級，有啲片例如Memento 甚至會有順序倒序交錯添

(視角同時序係兩個向度嘅嘢，有性趣再講)


而羅生門就唔係咁，係

12345
ABCDE
I II III IV V
三個版本咁去，希望咁表達你會明

叫佢睇一次the last duel就明㗎喇