基督教連登堂2023年7月2日主日崇拜：主啊，主啊！

唔係唔得 因為有一啲中華基督教會嘅崇拜程序就係咁

但歷代教會通常都係喺經文之後先至讀信經
至於證道要喺前定後就唔同年代有唔同做法 如果睇吓唔同地方嘅聖公宗唔同年代嘅公禱書 就會睇到崇拜程序嘅變化

而且信經更加唔應該啟應 唔同教會傳統嘅崇拜學（禮儀學）無一例外都係採取同誦

其實如果大家冇讀過神學嘅話 冇能力做平信徒講員 其實不妨可以改為訊息分享 但係咁嘅情況下 聽讀經員讀聖經就好緊要 同埋需要更多默想

同埋如果想唱傳統聖詩 又想啱音 可以睇吓喺香港搞聖樂嘅人有冇翻譯 因為近呢10年多咗好多
如果要喺傳統聖詩集嘅話 恩頌聖歌算係比較好

利申：冇收過福音證主協會嘅錢

同埋如果打算會用節期嘅話 好多聖詩集佢嘅禮儀色彩冇咁重（最重應該係普天頌讚 但唔啱音嘅情況好嚴重 所以冇咁多人鍾意） 所以需要去了解禮儀背後所代表的神學意義 用詩集所分類嘅神學議題去搵歌

舉個例子生命聖詩嘅附錄禮儀色彩唔係太多 但係有用神學同埋信徒生活來分類
所以當遇上將臨期第一主日/五旬聖靈降臨最後主日（基督君王日）嘅時候 就應該從分類中嘅「再來」去搵關於基督再返嚟統治全地 例如「主必快來」 He’s come soon 就好適合

又例如預苦期嘅時候 詩集裏邊有好多19世紀福音派嘅人所寫嘅歌 有好多係關於認罪回轉 所以適宜喺嗰啲歌裏面揀 尤其係蒙灰日

同埋我好欣賞禮儀教會裏面嘅會眾禱文 因為喺崇拜裏面已經自動可以做代禱 唔使好似我聽過一個牧師話 基督徒講得最多嘅大話 就係話為人哋祈禱 之後唔記得咗冇做

至於代禱要點樣避免透露個人私隱就係主領嘅功夫 其實市面上有一啲崇拜學嘅書 可能會講主席要點樣代禱 如果真係認真做應該要睇吓 避免喺崇拜為人地帶嚟傷害

同埋坦白講 網上教會好難搞聖餐 除非所有參加嘅巴絲打都係相信紀念說 只要佢相信臨在說（有N款解釋 我認為基本上只要唔係紀念說 其餘嘅想法全部都可以歸類為臨在說 呢度不作討論 呢度嘅定義就係：領聖餐嘅時候 耶穌基督的確喺嗰一刻透過呢個聖禮做野 基於佢嘅應許 同埋真實預嘗天國嘅筵席 同主相交）就一定有爭拗

多謝晒你一路分享，學到好多野，遲少少每樣回應下。
有冇興趣夾份預備崇拜？

某一啲慶日 雖然一般只有天主教同聖公會慶祝 但有啲其實好值得參考 喺最接近嗰一日嘅主日讀一讀嗰日嘅經文
例如 顯現日（聖誕節嘅結束）獻聖嬰日 主登山變像日 同埋聖十字日 全部都同主耶穌基督也非常密切嘅關係 但呢啲嘅經文好多時如果冇節期幫手 就會讀極都讀唔到

當中咁多個慶日 我覺得最有爭議嘅可能係11月1號諸聖日 不過近年都有一啲福音派嘅神學院有提 可以藉此提醒我哋直到今日 仲有好多人要為主殉道 但係信徒有終末嘅盼望 如果從嗰個進路出發其實OK（依我估計連登堂嘅神學取向）

奉勸大家小心，黎弟兄都係....

香港市民嘅罪惡已同所多瑪人以及蛾摩拉人一樣，番唔到轉頭....

香港市民成日瀨政府衰，係，政府係衰，但係香港市民過之而無不及啊....

因為低聲道嘅報道入左嚟
留名先

可能我嘅崇拜觀比較高派 但係幫手設計都可以

我盡量將禮儀教會同福音派教會中嘅傳統崇拜整合埋一齊

常規崇拜程序：
始禮詩（一首傳統或者敬拜讚美都可以）
宣召（好多聖詩集附錄有選讀 自己揀 有節期就小心啲）
垂憐頌（聖詩會有一個廣東話版 由獨立教會嘅人創作 好好聽 亦都可以喺普天頌讚二版揀宗教改革時代英國作者嘅嗰首）
默禱
主席公禱（為咗縮短程序 建議主席將喺聖公會崇拜同埋舊時其他教派共用嘅《普天崇拜》中 叫「潔心禱文」 認罪感恩 同埋RCL 主日祈禱意向一次過講晒 所以請提早預備）
同誦主禱文（和修版）
—
讀經做法一：
單段經文讀完直接話「感謝主賜下寶貴嘅話語」 福音書經文係開始嘅時候話：「請用信心聆聽同領受我哋主耶穌基督賜比我哋嘅福音」
讀完之後話：「感謝主賜俾我哋神聖福音，願榮耀同頌讚全歸主耶穌基督」
（喺禮儀教會 讀福音書嘅做法會比較隆重 我嘗試將佢簡化 以適應連登堂作為Free Church）

訊息分享/證道
榮耀頌：
榮耀歸於聖父聖子聖靈，三一全能真神/上帝/上主，
起初這樣，現在這樣，以後一直到永遠，永無窮盡。阿們！
（要原汁原味 就冇辦法啱音 唔係就呢個時候唱三一頌 因為三一頌本身就係一種榮耀頌）
回應詩（可有可無）
使徒/尼西亞信經 （好多聖詩集都有，一定要有。如果嗰期有好多針對耶穌基督嘅異端，一定要讀尼西亞）
主席公禱（求聖靈引導我哋明白同實踐聖經嘅真理，代禱一齊做）
奉獻（大家碌完卡之後，請啟應：
萬物都係由主上帝而來
*我哋甘心情願將從主而來嘅還獻俾主，求祢悅納，奉主耶穌基督聖名祈求，阿們）
報告
散禮詩（傳統聖詩或者敬拜讚美）
祝福差遣：
林後十三14
Fourfold Amen

同埋提一提大家 今年將臨期嘅第四主日同平安夜同一日 如果打算做晒啲崇拜 要小心設計

當然可以唔用節期 但呢10年 香港嘅各個教派崇拜比以前黎得high church 尤其大家都好注重預苦同將臨 所以用唔用教會傳統值得深思

最後就係建議聖誕復活崇拜 一定要搵牧師指導

g持

當使用呢個經文表嘅時候 訊息分享應該要盡可能連貫的經文 尤其要注重福音書經文 內容應該要受三軸所約束 尤其係基督再嚟呢啲好容易炒車嘅經文

舉個例子 民要攻打民 根據經文表 喺馬可年同埋路加年尾二嘅主日都有讀
馬可年嘅書信所記載係希伯來書十章11-25 由19節開始 就係使徒保羅對於迎接主再來嘅勸勉同警告
所以當以福音書為主軸分享嘅時候 唔應該講一啲會背嚟咗希伯來書嘅內容 因為耶穌基督自我嘅揭示同保羅對於等待主嘅信徒所講嘅教導係一致 我哋相信經卷嘅作者喺回憶或者直接寫信俾當時地方教會嘅內容喺真理上一致

不過經文表附帶嘅禱文 一定程度上已經俾咗方向同指示

其實講道仲有另外一個方法 就係搵返以前啲香港出名好嘅牧師嘅講章 按嗰日嘅經文由主領帶大家重溫

喺以前冇咁多牧師可以講道嘅年代 就有呢種做法

https://www.thevoicehk.com/news/202374-1

首先多謝低聲道既採訪邀請同報導。

我諗我兩次既email 回覆都不幸入左spam ？

你好（記者名）

當然可以，請隨便問。email ，其他媒介如telegram ，甚至去你問我答post (8) 公開問，都無任歡迎。

願主祝福你，並且加倍賜福給你！
Laila

Hi （記者名）

看來採訪暫時擱置？
始終兩三日就截稿，相信對你有一定挑戰。

在我方面當然沒有關係，比我更能高舉神的，大有人在。
英文就有句，勉強借過來很有意思： Don't make stupid people famous.
願榮耀都歸給當得那位。

Laila

寫得有啲複雜 再寫一次

常規崇拜程序：
始禮詩（可以係敬拜讚美）
宣召
垂憐頌（求主憐憫，求基督憐憫，求主憐憫）
祈禱（個人默禱+公禱，以主禱文結束）
讀經
分享
//回應詩//
榮耀頌/三一頌
信經
祈禱（求賜能力明白同埋實踐信仰、代禱）
奉獻
報告
散禮詩
祝福
阿們頌

所有詩歌只要係同當日經文有關 都可以係敬拜讚美 自己小心揀詩歌

個概念幾好
等我又黎多啲
以前我都一個月返一次教會
但返咗工之後就冇咁嘅時間喇

我識啲樂器，如果有需要我可以用音樂事奉呀！

希望佢哋睇到啦

之所以提呢一個三年一個循環嘅經文表RCL Revised Common Lectionary 一個有違自由教會Free Church慣用嘅讀經方法 係因為考慮到連登堂唔會好似其他外邊嘅自由教會咁 個個牧師都去過神學院受過專業嘅訓練

為咗避免講道神學大炒車 所以先至會考慮由崇拜學嘅神學家所設計嘅經文表 經文之間至少有邊界 有埋是日主日祈禱文可供參考 就算真係咁不幸炒車 都衰極有個譜

想交十一奉獻

我個名唔方便係到講野，但忍唔住推一下
G持

「智 慧 勝 過 打 仗 的 兵 器 ； 但 一 個 罪 人 能 敗 壞 許 多 善 事 。」 傳道書 9:18