有無遇過narcissist自戀型人格？

改唔到只會害人害己
宜種野一世，點搞

咁宜種人香港唔少
唉
點真正增加同理心同共情能力

唔出奇，特徵係、每次展現同情心嗰時，都係憤怒嘅情緒大於傷感嘅情緒好多，其實內心都係為咗貶低人地突出自己善良，例如鑽石山白卡案，剩係好憤怒咁不斷屌鳩條痴線佬同啲途人，但一句都冇提過被害者遭遇有幾慘

好似唔少連登仔香港人都係咁
同理心係咪天生軟後天可以改變

做番朋友都唔得？

咁又未去到咁癲，只係部分表現同自己相似

原來你係講緊自己？
有反省能力 你唔係narc

一黎係天生大腦構造有影響，二黎係後天成長環境。
人格係你人生經驗累積嘅產品，要改變就要靠長期therapy或更多嘅新經歷去慢慢重寫原有思考模式，或者發生啲好震撼嘅事破壞晒你成個世界觀。
簡單黎講，就係你要重新成長一次。

理論就係咁講，不過實際上要點樣做係冇SOP，更冇人可以保證成效。
每人都有啲壞習慣，而大家都知自己問題係咩，甚至由細到大都俾身邊唔同人軟硬兼施咁要求你改，結果到死嗰日都未改。
舉個例，係人都知吸毒唔好，結果有幾多個戒到？
要改變一個咁明確具體嘅習慣都已經咁難，何況係成個人格？

我自己一黎受父母影響，本來憎父母，點知原做左同佢地同一類人都唔知
我傷害左ex先知原來咁大問題
但已經冇能力改變
佢已經死心塌地，唔想再見我

可以，意識到自己問題已經係最難嗰步，narc改變唔到都係因為冇病識感啫

一開頭只能逼自己凡事諗多幾步，唔好剩係注重結果，要諗埋原因，例如人地咁做嘅出發點係咩，佢嘅感受係點，可以唔認同，但都要嘗試理解，慢慢就習慣成自然

利申我都唔夠同理心，純鳩噏

我好後悔自己一手好牌搞成咁
把口又衰又唔經大腦，成日講錯野傷ex心
又冇咩共情能力關心佢，情緒價值又低
搞到佢死心塌地
我係分左手比佢話自戀型再上網查先知自己咁大問題
我好後悔但已經番唔到轉頭
我好疚對於佢

我諗到ex已經傷心欲絕長痛不如短痛，我就知我地已經冇彎轉
佢其實都好辛苦恨下心腸，唔想再受到傷害
搞到咁我都好痛苦，知錯已經太遲

以我所知 narc 唔會覺得係自己問題
個term 其實俾人濫用得太緊要啦

自問對朋友要求唔低，我將＂朋友＂、＂熟人＂、＂識得嘅人＂分得好清楚下。
大家之間嘅分歧唔係＂有差異＂咁簡單，而係＂互相對立＂嘅程度。我直頭討厭呢個人嘅本質，仲點可能做朋友？
等於你唔會同比卡超做朋友㗎嘛？
將一個咁嘅人稱為朋友，係侮辱自己同埋其他有正常品格嘅朋友。

呢種人一同你close咗就會開始黎料，都係保持距離好。
盡量唔好接觸啦，無謂擾亂自己心神。
唔好彩撞到正嘅話，咪禮貌性打個招呼然後閃人。

Love dive

我係發生左大事，再網上查先發覺原來咁大件事
直頭係世界毒瘤，最慘係自己都唔會知有錯
我自己睇完資料都覺得好恐怖
仲會無意pua 人但自己都不自知
成日空虛所以想搵野填補所以易出軌，係性上易上癮
因為唔識表達愛，所以只可以係性上表現對對方既愛
冇諗其他人，只顧自己感受
睇完先發覺自己係大仆街
害左ex，害到佢對感情死曬心

但咁多年感情，真係都要斬？
始終好多唔捨得
如果對方願意改變真心認錯，做朋友係咪都係唔得

但係要close 咗先會見到佢地真面目

因為close而分開呢？

不如你講下你背景 原生家庭
啲標籤其實好死 你話你內疚傷害咗對方 其實已經唔係好差

但我係發生左好大既事先有自覺
同佢一齊咁多年都冇
我原生家庭父母好鐘意操控人，自己覺得咩對仔女好就係好，唔會理人感受，唔會認錯，覺得自己實岩，會pua
點知原來我不知不覺成為左佢地一份子
我ex本身心地善良，但同我一齊反而影響左佢d價值觀
可能我由細到大環境差，好多人對我唔好（包括父母）搞到我人格咁
但宜家先發現咁大問題
仲傷害左一個好愛我既人
我就好內疚
我知做唔番佢另一半了
只想做番朋友再補償番欠佢咁多年既恩情

narcissistic personality本身係一個spectrum，自然有好多變化。
事實上每個人都會有narcissistic traits，一切都係程度問題。

有啲人有自覺，仲好享受咁樣做人。
有啲人有自覺，想改，不過改唔到。
有啲人有自覺，想改，而且改到。
有啲人冇自覺，但從人生經驗知道自己有問題，不過唔知問題係咩。
有啲人冇自覺，成世都係咁過，覺得只係自己運氣唔好，無限fuck up無限loop。
有啲人冇自覺，好好彩成世人都順風順水，對佢黎講根本咩事都冇。

世界很簡單，人類很複雜。
所以做人都係盡力做好自己算啦。

專心變好為下個人，最怕重蹈覆轍

我對佢仲有執念
我最少宜一兩年應該唔會諗下一個既問題

現實就係對方係我心目中已成為一個仆街，咁我有兩個選擇：
１）繼續相處，然後繼續谷鳩氣。
２）傷心一鑊，唔使成日谷鳩氣。

我就揀咗２。
呢個世界冇完美，任何野都有取捨。
條路自己揀，對自己人生負責。


btw，佢地仲有個習慣，就係自己搞鳩人地之後老奉覺得人地要體諒佢，唔明白呢個世界有好多野係冇得返轉頭。
但係角色掉轉嘅話，佢地係絕對唔會原諒對方。